Dagblaðið Vísir - DV - 04.02.1999, Blaðsíða 4

Dagblaðið Vísir - DV - 04.02.1999, Blaðsíða 4
FIMMTUDAGUR 4. FEBRUAR 1999 Fréttir Stuttar fréttir íslenskir heyrnleysingjar: Tala í síma eftir aðgerð Sjö íslenskir heyrnleysingjar hafa verið sendir utan í flókna heyrnaraðgerð og hafa nokkrir þeirra fengið heyrn í fyrsta sinn. Einar Sindrason eyrnalæknir seg- ir þetta flókna aðgerð og einhvern tíma hefði verið talað um krafta- verk: „Beethoven missti heyrnina af því að ístaðið í eyra hans kalkaöi. Honum var ekki hægt aö hjálpa en nú eru vísindin farin að gefa mönnum heyrn og þá er um að ræða fólk sem hefur verið alger- lega heyrnarlaust. Aðgerðin felst í því að rafræn boð eru send með vír sem þræddur er inn í kuðung- inn. Þetta er nýtt og hefur gefið mörgum heyrn sem ella hefðu þurft að lifa allt sitt líf án hljóða," segir Einar Sindrason. „Nokkrir sjúklinga okkar hafa talað við okkur í síma eftir svona aðgerð þannig að þetta er bylting." -EIR 9f) , % &vá JT 1 wl » 1 *f Leggðu við hlustir * Allur hávaöi yfir 80 desibel er hættulegur heyrninni. Meðal- hávaði á gangstétt við Snorra- brautina eftir hádegi er um 80 desibel. * Fram til 18 ára aldurs eiga menn að nema 0 desibel; það er hljóðið sem heyrist þegar laufblað fellur til jarðar. * Heyrnardeyfu i ytra- og mið- eyra er hægt að lækna. Ef snert er við innra eyranu hverfur öll heyrn og kemur aldrei til baka. * Aldrei ætti að nota eyrnap- inna til að hreinsa eyrun. Ekkert minna en olnbogi má fara iim i eyrað. * Gömlu vélstjórarnir urðu all- ir heyrnarlausir. Nýju vélstjðr- arnir heyra vel - þeir nota eyrna- hlífar. * Bethoven varð heyrnarlaus af því að það kalkaði í honum ístaðið. International Herald Tribune: Heil kynsl • II að missa heyrnina - Clinton kominn með heyrnartæki - íslenskur læknir mótmælir Stórblaðiö International Herald Tribune hefur greint frá því að sérfræðingar hafi áhyggjur af því að banda- ríska þjóðin sé að verða heyrnarlaus. Innan fárra ára muni elliheimili lands- ins fyllast af heyrnarlausum eldri borgurum. Blaðið greinir frá því að aukning á sölu heyrnartækja hafi orð- ið griðarleg og það sé ekki aðeins miðaldra og eldra fólk sem sé að missa heyrn- ina heldur einnig það unga. Hávaðinn í umhverfinu sé einfaldlega of mikill. Þá nefnir Herald Tribune Clinton forseta til sögunnar, en hann er nýbúinn að fá sér heyrnartæki til að nota á fjölmennum fundum. „Mér er sama hvað þetta blað er stórt eða merkilegt. Þetta er einfaldlega ekki rétt. Ef eitthvað er þá er heyrn nútímamannsins að batna vegna þess að dregið hefur úr hávaða. Hávaði á vinnu- stöðum hefur minnkað og menn búa ekki lengur við það aö standa í verksmiðjum sem framleiða stöðugan há- vaða yfir 80 desíbelum en allur hávaði þar yfir er hættulegur heyrninni," seg- ir Einar Sindrason háls- nef- og eyrnalæknir. Einar segir að aukna sölu á heyrnartækjum í Banda- ríkjunum megi skýra með viðhorfsbreytingum sem orðið hafa: „Öllum þykir sjálfsagt að ganga með gleraugu eftir fertugt en viðhorfið til heyrnartækjanna hefur ver- ið annað. Það sem hefur gerst er að þessi tæki eru neytendavæn og svo lítil Einar Sindrason - heyrnin aö batna. Bill Clinton - heyrnin að versna. orðin að þau sjást ekki í eyranu nema eftir þeim sé leitað sérstaklega. Fólk er tilbúið til að nota hjálpartæki sem sjást ekki," segir Einar. Herald Tribune staðhæfir einnig að hávær rokktónlist, sem minnst tvær kynslóðir hafa alist upp við, eigi sök á aukinni heyrnardeyfð og enn mótmælir Einar eyrnalæknir: „Engar kannanir sem ég hef séð styðja þessa kenningu. Það er fyrst og fremst stöðugur hávaði yfir 80 desíbelum og sprengingar sem skaða heyrnina. Tónlist, og þá er rokktónlist innifalin, er ekki stöðug- ur hávaði. Það koma alltaf hvíldir inn á milli og það hvílir eyrað. Ég og samstarfsmenn minir höfum ver- ið að gera könnun á heyrn íslenskra tónlistarmanna en frá niðurstöðum get ég ekki greint fyrr en eftir nokkra mánuði," segir Einar Sindrason. Þegar menn finna fyrir heyrnar- deyfð er líklegast að mergur hafi safnast fyrir í hlust og þá getur heimilislæknir hreinsað hann út. Einar Sindrason segir að heyrnar- deyfð í ytra - og miðeyra sé yfirleitt hægt að lækna en.ef eitthvað snert- ir innra eyrað hverfur heyrnin al- gerlega og kemur ekki aftur. „Til marks um gamla tíma og nýja get ég nefnt að gömlu vélstjór- arnir voru allir heyrnarlausir. Nýju vélstjórarnir eru það ekki vegna þess að þeir nota heyrnarskjól. Sjálf- ir segjast þeir fá bullandi hausverk taki peir heyrnarskjólin af sér i hálftíma," segir Einar Sindrason og bendir á þá staðreynd að öll þolum við hávaða verr eftir fertugt. -EER Plástur á meiddið i agfarí Þekkt er að plástur á meiddið hjá börnum er flestra meina bót. Hann stöðvar grát yfirleitt fljótt og þau taka gleði sína á ný. Nú hefur verið boðaður nýr plástur á öðruvísi meiddi. Þetta meiddi er ekki á börnum heldur fullorðnum - körlum vel að merkja. Þegar þeir reskjast vill draga úr stinningu holdsins og það getur verið óheppilegt ef mikið stendur til. Plásturinn góði á að bjarga þessu. Að sögn lyfsala í vestur- bæ Reykjavíkur, sem ætlar sér að selja vöruna fáist til þess leyfi, er plásturinn allra meina bót í kynlífi, eykur út- hald og lengir fullnæg- ingar. Sé þetta bæði satt og rétt er von að daprir karlar taki gleði sína á ný ekki siður en blessuð börnin þegar þau fá plástur á meiddið. Lyfsalinn í vesturbænum segir plásturinn ekki síðri en undralyfið Viagra sem selst nú eins og heitar lummur um allan heim, þótt hver pilla kosti þúsundkall eða svo. Viagra lffgar daufa limi svo þeir ku blómstra sem á ungsveini væru. Viss- ara mun þó að limurinn sé dauflegur áður en lyf- ið er tekið. Þá verður stinningin rétt - og ekki síður hnig i verklok. Annað er uppi á teningnum ef ungfolar og menn með eðlilegt ris taka töfluna. Þá sígur þeim ekki larður í lengri tíma svo hætta er á skemmdum á viðkvæmum vefjum. Slík mis- notkun lyfsins getur því leitt til varan- legs getuleysis þeirra sem þóttust bærilega brattir fyrir. Ekki hefur frést af slíkum auka- verkunum stinningarplástursins enda munu í honum náttúruleg efni ein- göngu. Lyfsalinn biður menn bara að líma hann á hárlausan stað á líkam- anum og þá fari allt í gang. Ekki mun þó ráðlegt að plástra liminn sjálfan þótt hárlítill sé. Virka efnið í hinum rismikla plástri er unnið úr trjáberki. Það þýð- ir þó ekki að getulitlir hér á landi geti sest undir laufkrónur og hallað sér að gildum bol í þeirri von að holdið rísi. Efnið er nefnilega hvorki í birkitjám né öspum og því síður lerki eða öðr- um barrtrjám sem stinga. Það verður að leita svo langt út í heim eftir þess- um undraberki að tegundarheiti trés- ins er ekki einu sinni til á íslensku. Á útlensku heitir tréð yohimibine. Það er er fallegt nafnt og örvandi, en fell- ur trauðla að islensku beygingakerfi. Sjálfsagt er, vegna eðlis barkarins, að kvenkenna tré þetta og það gæti sem best kallast Jakobína eða Jakobínutré, enda hljómlíkt útlenda nafninu. Nú er bara að vita hvort Lyfjanemd rís, í bók- staflegri merkingu, undir nafni og leyfir lyfsalan- um í vesturbænum að seb'a gleðigjafa þennan. Það ætti að plástra mörg meiddin. Dagfari Magnús á þingi Magnús L. Sveinsson, formaður Verslunarmannafélags Reykjavík- ur, hefur tekið sæti sem vara- maður á Alþingi í fjarveru Davíðs Oddssonar for- sætisráðherra. Þetta er í fyrsta skipti sem Magn- ús tekur sæti á Alþingi. Ríkisút- varpið greindi frá. Katrín tii Útvarpsins Katrín Pálsdóttir, fréttamaður á Sjónvarpinu, hefur verið ráðin deildarstjóri samfélags- og menn- ingarmála hjá Útvarpinu til sex mánaða. Þorgerður Gunnarsdóttir, sem gegnir því starfi, lenti í 4. sæti í prófkjöri Sjálfstæðisflokksins á Reykjanesi. Hún hverfur tíl ann- arra starfa. Dagur greindi frá. Vilja tvo f ulitrúa Tillaga um að borgarráðsfulltrú- um verði fjölgað um tvo og að þeir verði sjö í stað fimm, eins og nú er, verður lögð fram af meirihluta Reykjavíkurlista á fundi borgar- stjórnar í dag. Tillagan gerir ráð fyrir nýju ákvæði til bráðabirgða og að tveir fulltrúar verði kosnir í borgarráð til viðbótar þeim sem kjörnir voru 18. júní. Kjörtímabil þeirra verði til júní í sumar. Morg- unblaðið greindi frá. Ný íbúðahverfi Borgarráð hefur samþykkt til- lögu Reykjavíkurlistans um að fela borgarverkfræðingi og skipulags- sljóra að kanna tillögur um ný íbúðahverfi vestan EUiðaáa, á land- fyllingum eða í tengslum við þær. A.m.k. 5 tillögur hafa komið fram um að byggja upp ný hverfi með þessum hætti. Ríkisútvarpið greindi frá. Miðhálendislínan Óh'óst er hvar línan liggur sem afmarkar miðhálendið og hver áhrif sveitar- stjórna eiga að vera í skipulags- málum bess. Þetta segir Hjör- leifur Guttorms- son sem gagn- rýnir harðlega óskýrar forsend- ur í frumvarpi um skipulagsmál hálendisins. Ríkisútvarpið greindi frá. Viljandi sökkt Rannsóknardeild lögreglunnar í Reykjavik hefur til meðferðar kæru sem umráðamaður glæsibif- reiðar af Jagúargerð hefur lagt fram vegna þjófnaðar á bifreiðinni. Vitai sáu bifreiðinni ekið fram af bryggju NATO á Miðsandi í Hval- firði fyrir um viku. Þau segja að það hafi verið gert viljandi. Morg- unblaðið greindi frá. Framkvæmdum frestaö Framkvæmdum við nýbyggingu Barnaspítala Hringsins á Landspít- alalóðinni í Reykjavík hefur verið frestað um a.m.k. þrjá mánuöi. Siv Friðleifsdóttir, formaður bygging- arnefndar Barnaspítalans, segir að ástæðan sé m.a. að byggingarnemd- in hefur sótt um nýtt byggingar- leyfi til Reykjavíkurborgar. Morg- unblaðið greindi frá. Upplysingatækni Ríkið ætlar að verja rúmum hálf- um milljarði króna til rannsókna og þróunar í upp- lýsingatækni og umhverfismálum næstu fimm ár, samkvæmt áætl- un sem mennta- málaráðherra og Rannsðknarráð ís- lands kynntu nýlega. Ríkisútvarpið greindi frá. Á breiðbandinu Breiðvarp Landssímans og Ríkis- útvarpið-Sjónvarp hafa gert með sér samning um að á breiðbandinu verði beinar útsendingar frá 8 leikj- um í þýsku úrvalsdeildinni í hand- knattleik og einnig verði þar sjón- varpað beint frá heimsmeistara- mótinu i listhlaupi á skautum sem fer fram í Helsinki í mars. Ríkisút- varpið greindi frá. -SJ

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.