Dagblaðið Vísir - DV - 01.06.1999, Blaðsíða 11

ÞRIÐJUDAGUR 1. JÚNÍ 1999
11
Fréttir
Sturla Böðvarsson, nýr samgönguráðherra í DV-yfirheyrslu:
Víðtæk sátt um veggöng
Halldór Blöndal, forveri þinn í
embœtti, lofaói Sigifirdingum og
Ólafsfirdingum jarðgöngum milli
bœjanna. Ætlarðu að efna þaó
loforð?
„Það hefur verið um það rætt að
vinna að mati á þörf fyrir jarðgöng
í landinu. Ég lít svo á að það hafi
ekki verið gefm nein loforð. Engin
niðurstaða eða ákvörðun hefur leg-
ið fyrir. Hins vegar er mér alveg
ljóst að það er mat forvera míns að
Siglfirðingar þurfi mjög á því að
halda að fá þessa samgöngubót. Ég
mun að sjálfsögðu fara mjög vand-
lega ofan í málið á sama hátt og ég
tel að á Austfjörðum verði að skoða
jarðgangagerð mjög rækilega. Ég
veit um vilja þingmanna beggja
þessara kjördæma og mun reyna að
taka fullt tillit til hans. Hin vegar er
mér ljóst að þetta eru svo stór verk-
efni að málið verður ekki leyst
nema um það náist víðtæk sátt inn-
an stjórnarflokkanna. Það er mitt
verkefni núna að finna leið til þess
að sú sátt náist.“
Hvaða verkefni að öðru leyti
telurðu að eigi að hafa forgang i
vegaframkvœmdum?
„Vegaáætlun liggur fyrir og ég
legg áherslu á að framkvæmdir
samkvæmt henni haldi áfram. Ef
við byrjum hér innan höfuðborgar-
innar þá er verið að vinna að
breikkun Vesturlandsvegar og teng-
ingu við Grafarvoginn. í Vestur-
landskjördæmi er verið að vinna að
Borgarfjarðarbraut sem var mjög
umdeild framkvæmd á sínum tíma.
Enn fremur er þar unnið að Vatna-
leiðinni og ýmsum áfóngum á Vest-
fjörðum og Norðausturlandi. Ég
mun tryggja það eins og hægt er að
fjármagn verði tryggt til þess að
halda þessum framkvæmdum áfram
samkvæmt áætluninni sem fyrir
dyrum stendur að endurskoða."
Þú nefndir Vatnaleiðina. Er
hún ekki umdeild út frá umhverf-
issjónarmióum?
„Ég tel ekki að hún orki tvímæl-
is. Hins vegar er með þá fram-
kvæmd eins og langflestar vega-
framkvæmdir að það þarf að fram-
kvæma umhverfismat. Það hefur
verið gert og skipulagsyfirvöld
þurfa að taka afstöðu til þess. Ég tel
að Vegagerðin hafi unnið mjög
vandlega og vel að öllum undirbún-
ingi verksins. Þegar farið hefur ver-
ið yfir málið á ég von á að það náist
samkomulag um framkvæmdina."
Ertu sjálfur fylgjandi þvi að
vegur verði lagður þarna?
„Já, það er ég og Alþingi hefur
tekið afstöðu til þess í vegaáætlun
þannig að það eru fyrst og fremst
mjög áhugasamir aðilar um nátt-
úruvernd sem mér sýnist að vilji
ganga mjög langt.“
Mönnum er tiðrœtt um tvöföld-
un Reykjanesbrautar?
„Það er einungis gert ráð fyrir
tvöfóldun hluta Reykjanesbrautar í
gildandi vegaáætlun en ég geri ráð
fyrir því að frekari framkvæmdir
séu meðal þeirra mörgu verkefna
sem meta þurfi og forgangsraða"
Núfer 85-90% bilaumferðar á
landinu fram á höfuðborgar-
svœðinu. Skýtur það ekki skökku
við að samgöngubœtur á svœð-
inu sitji á hakanum og jafnvel sé
sérstakt bensingjald sett á þegar
nauðsynlegar úrbœtur eru loks
gerðar?
„Þiö verðið að líta til þess að ann-
ars vegar er um að ræða þjóðvegi,
Sturla Böðvarsson samgönguráðherra.
samgöngukerfii alls landsins sem
tengir saman hafnir og byggð ból.
Hins vegar er um að ræða gatna-
kerfi í þéttbýli. Ef við lítum á höfuð-
borgina og aðra þéttbýlisstaði þá er
það þannig að sveitarfélög byggja
upp gatnakerfi...“
En hluti gatnakerfisins þar er
jafnframt hluti þjóðvegakerfis-
ins.
„Það er rétt og ég tel raunar að
það sé gengið mjög langt hvað það
varðar. Ef við tökum dæmi þá var
Nýbýlavegurinn i Kópavogi hluti
þjóðvegakerfisins. Jafnframt því að
ríkið borgaði þennan þjóðveg þá
hafa væntanlega verið tekin gatna-
gerðargjöld af þeim íbúum sem
bjuggu við götuna. Þarna spilar
saman annars vegar uppbygging
þjóðvegakerfisins og hins vegar
uppbygging gatnakerfis á höfuð-
borgarsvæðinu sem tilheyrir íbúum
þess og er hluti af eðlilegum kostn-
aði sveitarfélags. Ég tel að það hafi
náðst mjög gott samkomulag milli
höfuðborgarsvæðisins og lands-
byggðarinnar þegar þær leiðir voru
ákveðnar sem eru partur af þjóð-
vegakerfinu."
Viltu auka framlög til reið-
vega?“
„Ég hef ekki uppi nein sérstök
áform um það.“
Er eðlilegt að fé til reiðvega-
framkvœmda sé tekió úr vega-
sjóði þar sem ekki eru greiddir
vegaskattar af reiðhestum?
„Þetta er hluti umferðarinnar.
Við reynum að taka tillit til gang-
VHRHEVRSlft
Stefán Ásgrímsson
Haukur Lárus Hauksson
andi vegfarenda og hestamenn hafa
væntanlega sannfært stjórnmála-
menn og þá sem stýra vegamálum í
landinu um að þetta sé eölilegt og ég
hef engar athugasemdir við það.“
Telurðu að það eigi að fœra
Reykjavikurflugvöll ?
„Ég mun ekki beita mér fyrir því
að færa Reykjavíkurflugvöll en mun
reyna að hafa áhrif á það að æfinga-
flugið verði flutt og önnur lausn
fundin fyrir það.“
Einhver sérstök?
„Nei, en það er verið að skoða
málið. Ég hef þegar kynnt mér það
lítillega en mun fara betur yfir það
á næstunni og beita mér fyrir því að
úr verði bætt.
Telurðu aó það eigi að halda
uppi nokkurs konar byggðaflugi
rikisstyrktum flugsamgöngum til
staða þar sem ekki borgar sig að
halda úti áœtlunarflugi til á
venjulegum markaðsforsendum?
„Slíkir styrkir hafa verið mjög
takmarkaðir en ég tel að það komi
til greina ef sérstakar aðstæður
krefjast en hef að öðru leyti ekki
skoðað málið sérstaklega."
Það er þensla og hœtta á verð-
bólgu. Getur samgönguráðuneyt-
ið hœgt á framkvœmdum til aó
draga úr þeirri hœttu og auka
sparnað rikisins?
„Vegaframkvæmdir eiga sér lang-
an aðdraganda og þau verk sem nú
eru í gangi eru langflest verk sem
boðin hafa verið út fyrir löngu og
eru samningsbundin þannig að það
er mjög erfitt að hægja á fram-
kvæmdahraðanum nema með flókn-
um samningum við verktaka. Ekk-
ert slíkt er á döfinni en það þarf
auðvitað að hafa þetta í huga. „
Í stjórnarsáttmálanum segir
að undirbúa eigi sölu á Lands-
simanum. Á að selja hann eða
ekki og hvernig verður sölunni
háttað ef af henni verður?
„Stjórnarsáttmálinn segir að
þetta skuli undirbúið. Það verður að
gera sér grein fyrir því að það er
verið að innleiða frelsi á fjarskipta-
markaði. Nú er það alveg klár
stefna ríkisstjómar Sjálfstæðis-
flokks og Framsóknarflokks að
reyna að selja ríkiseignir, ekki síst
þar sem um er að ræða samkeppni
við einkaaðila og það gildir um
Landssímann. Landssíminn er hins
vegar mjög flókið fyrirtæki sem
ræður dreifikerfi um allt landið sem
önnur fyrirtæki byggja ekki upp si
svona. Síðan er um að ræða þá þjón-
ustu sem aðrir geta annast, það er
að segja með aðgangi inn á fyrr-
nefnt kerfi. Vegna þess hve flókið
fyrirtækið er viljum við fara var-
lega í því að selja það. Það er ein-
dreginn vilji stjórnarinnar að und-
irbúa málið og meta stöðuna en
taka ekki ákvörðun um hvenær og
hvernig fyrr en undirbúningi er lok-
ið. Á þessu stigi vil ég því ekki
nefna neinar tímasetningar.“
Eru skiptar skoðanir um dreifi-
kerfi Landsimans, hver eigi það?
Er það fyrirtœkið sjálft eóa er það
þjóðin í heild, eins og hún á t.d.
þjóðvegina?
„Það liggur alveg klárt fyrir að
Landssíminn á dreifikerfið."
Hvað með Ijósleiðarann sem
NATO lagði? Hvort var hann
lagður fyrir Landssimann eða
þjóðina?
„Þama fer þetta sarnan."
Á sama hátt og rikið leggur bil-
vegi um landió, œtti það ekki að
greiða á svipaðan hátt fyrir raf-
rœnni umferð um simalínur og
Ijósleiðara eins ogfyrir bilaum-
ferð og œtti rikið ekki að greiða
fyrir þvi að Internetsamband við
aðrar heimsálfur um Cantat
sœstrenginn sé eins gott og það
gœti verið?
„Það má segja að svo sé. Allir
flutningar um strengina em hluti
þeirra verkefna sem Landssimanum
hefur verið falið. Þegar kemur að því
að selja Landssímann kemur upp sú
spuming hvort það eigi að skipta
honum upp og halda einhverju eftir
og reka áfram á vegum ríkisins, eða
selja hann í heilu lagi með kvöðum
og skilyrðum að aðgangi annarra
o.s.frv. Um þetta hefur ekki náðst
niðurstaða og við þurfum að finna
hana.
Ætlarðu að beita þér fyrir því
að bandbreidd eða burðargeta i
internetsamskiptum við aðrar
heimsálfur verði fullnýtt og ríkiö
greiðifyrir þessa tegund umferðar
og kosti samgönguœðarnar á
sama hátt og þegar það leggur
vegifyrir bíla.
„Ég tel að það sé skylda samgöngu-
ráðherra sem hefúr fjarskiptamál á
sinni könnu að þessar umferðaræðar
verði byggðar upp í samræmi við
þarfir notenda að svo miklu leyti sem
fjármagn leyfir. Þetta er eitt af því
sem ég mun skoða.“
Landssiminn hefur yfirburða-
stöðu á simamarkaðnum. Ætlarðu
að stuðla að þvi að samkeppnis-
staða annarra símafyrirtœkja
verði jafnari.
„Ég vil stuðla að því að raunhæf
samkeppni ríki. Jafnframt er það
skylda mín að tryggja að eign ríkisins
í Landssímanum gufi ekki upp með
þvi að öðrum fyrirtækjum verði veitt-
ru aðgangur að því að nýta eignir
hans án þess að eðlilegt gjald komi
fyrir afnotin. Það er eitt verkefna
fram undan að búa til samninga fyrir
þessi fyrirtæki um aðgang að síma-
kerfinu í landinu gegn réttlátu gjaldi.
Þennan gullna meðalveg verður að
finna. Það er ekki eðlilegt að önnur
fyrirtæki fái ótakmarkaðan aðgang að
því að nota flutningskerfi Landssím-
ans án þess að greiða eðlilega fyrir
það. Það er grundvallaratriði."
Lausaganga búfjár á vegum er
gamalt bitbein bœnda og Vega-
gerðar. Hún er til mikils ama auk
þess að vera stórhœttuleg.
„Ég tel að það sé mjög mikilvægt
að finna lausn á þessu og Vegagerðin
leggur í mikinn kostnað við að girða
með vegum. Það er brýn aðgerð
vegna slysahættu, en ég tel að það
verði jafnframt að endurskoða lög-
gjöfina um lausagöngu búfjár til þess
að koma í veg fyrir þessa slysa-
hættu..“