Dagblaðið Vísir - DV - 05.02.2000, Page 44

52
LAUGARDAGUR 5. FEBRÚAR 2000 DV
matgæðingur vikunnar
Sykurlausir
jógúrtdrykkir
Hættulega hollir
Fyrir fjóra:
I
360 g hrein jógúrt
60 g bananar
30 g appelsínusafi
30 g strásæta
4-6 ísmolar
safi úr einni sítrónu
II
360 g hrein jógúrt
150 g ferskur ananas
30 g strásæta
4-6 ísmolar
safi úr 1 sítrónu
Afhýðið ávextina og maukið í
matvinnsluvél, hvora uppskrift
fyrir sig. Safanum, strásætunni
og ismolunum bætt út í og mauk-
aö áfram. Að lokum er jógúrtinni
bætt út í. Borið fram í háum glös-
um, skreytt með ferskum ávöxt-
um.
Uppskriftirnar eru fengnar frá
Nýkaupi þar sem allt hráefni í
þær fæst.
Lambageiri með
fylltum kartöflum
Fljótlegt og einfalt
- við allra hæfi.
Fyrir fjóra:
8 stk. lambageirar (700-800 g)
4 grillpinnar
Fylltar kartöflur
4 bakaðar kartöflur
4 sneiðar beikon
1 vorlaukur (saxaður)
1 rauðlaukur (saxaður)
1 rauð paprika (söxuð)
1/2 tsk. paprikuduft
2 msk. sýrðar, saxaðar agúrk-
ur
1 msk. sætt sinnep
salt og nýmalaður pipar
50 g mozzarellaostur
1 dl sýrður rjómi
2 msk. dijonsinnep
Lambageirarnir þræddir upp á
grillpinna og grillaðir í 5-7 mínút-
ur á hvorri hlið. Bakaðar kartöflur
skomar í tvennt og skafið innan úr
þeim. Beikonið er steikt á pönnu
ásamt grænmeti, kryddað með salti
og pipar og síðan kælt. Þessu er
hrært saman við sýrðan rjóma,
kartöflumaukið, sýrðu agúrkurnar
og kryddinu stráð yfir. Þetta er sett
ofan í kartöflurnar og mozzarella-
ostinum stráð yfir. Kartöflumar
eru síðan hitaðar upp i grillinu, en l
ekki of lengi því þá rennur rjóm-
inn af.
Meðlæti:
Dijonsinnep og fylltar kartöfl-
ur.
Nýkaup
Þar sem ferskleikinn býr
„Það er töluvert atriði að skjóta endurnar, reyta og hantéra þær sjálfur, en auövitað eru ekki allir í þeirri aðstööu aö
þeir geti veitt sjálfir í matinn en þá er það líka allt í lagi,“ sagði Björn Kr. Leifsson, matgæðingur vikunnar, sem er hér
ásamt ársgömlum syni sínum, Birni Boða.
Hátíðarvilliönd með
villibráðarsósu
- að hætti Bjössa í World Class
Það er enginn annar en Bjöm Kr.
Leifsson, eða „Bjössi í World Class",
eins og hann er oftast kallaöur, sem
er matgæðingur vikunnar aö þessu
sinni. Hann er þekktur fyrir að vera
frömuður í líkamsrækt og ekki er
minnst á heilsu- eða heilsurækt án
þess að nafn hans beri á góma.
Hann sýnir okkur lesendum nú á
sér aðra hlið, gerir það með glæsi-
brag og gefur okkur hér sínar ljúf-
fengustu uppskriftir. Eins og lesend-
ur geta séð er hann mikill sælkeri
og hefur hér með slegið út trompi í
matargerð. „Þessi matur er sko eng-
um líkur, enda hátíðarmaturinn á
mínu heimili. Síðustu jól og næst-
síðustu hef ég verið með 14 manns í
mat og allir sammála um að þetta sé
það besta sem hægt er að fá. Við
erum þrír, ég, Gísli framkvæmda-
stjóri og Bragi matreiöslumeistari,
sem eyðum deginum saman á að-
fangadag í Þjóðleikhúskjallaranum
og hjálpumst að við að matreiða
jólamatinn fyrir fjölskyldur okkar.
Villiendumar eru forsteiktar niður
frá og meðlætið búið til, svo er kom-
ið heim kl. 17, klárað að matreiða og
maturinn er tilbúinn á borðum kl.
18. Þetta höfum við gert síðustu
þrenn jól og er þvílík jólastemning í
kringum þetta að það má eiginlega
segja að þetta sé orðinn ómissandi
hluti af jólunum,“ sagði Bjöm og
bætti svo við:
„Það er töluvert atriði að skjóta
endumar, reyta og hantéra þær
sjálfur, en auðvitað eru ekki allir í
þeirri aðstöðu að þeir geti veitt
sjálfir í matinn en þá er það líka allt
í lagi.“
Hátíðarvilliönd
Fyrir Qóra:
2 viliiendur (skotnar, reyktar og
sviðnar)
Salt og pipar (eftir smekk)
timian
Endurnar eru úrbeinaðar og
snyrtar. Bringur og læri er snögg-
steikt á pönnu í smjöri og sett í eld-
fast mót og kryddað með salti og
pipar. (Ath.: Læri þurfa lengri steik-
ingu en bringumar og eru því sett í
ofninn 20 mínútum áður. Þá em
bringumar settar i ofninn og steikt-
ar í u.þ.b. 10 mínútur við 160-180
gráða hita. Steikingartími í heild er
um 30 mínútur.) Beinin eru brúnuð
vel í potti og krydduð með salti og
pipar og einni teskeið af timian. Síð-
an er sett vatn í pottinn svo fljóti
yfir og soðið við vægan hita í um 3
klukkustundir og sigtað.
Villibráðarsósa
1/2 1 rjómi
sólberjasulta
100 g smjör
100 g hveiti
sósulitur (eftir smekk)
í sósuna fer u.þ.b. hálfur lítri af
rjóma og þrjár til fimm matskeiðar
af sólberjasultu. Þetta er sett í pott
og suðan látin koma upp og látið
sjóða rólega viö jafnt hitastig. Sósan
er síðan þykkt með smjörbollu (100
g af smjöri eru brædd og 100 g hveiti
bætt við eða notaður sósujafnari).
Ef fólki finnst sósan of ljós má bæta
við sósulit. Sigta verður berin úr
sósunni. Sósan er sett til hliðar þar
til hún er borin fram.
Steikt rauðkál
Meðlæti:
hálfur lítill rauðkálshaus
sykur
100 g valhnetur
Rauðkálið er saxað í strimla og
steikt á pönnu þar til það fer að
mýkjast, þá er sykri stráð yfir og
steikt áfram þar til sykurinn
brúnast. Að því búnu eru 100 g af
heilum valhnetum sett á pönnuna í
lokin.
Eplasalat
Meðlæti:
2 græn epli
4 matskeiðar sýrður rjómi
1 teskeið dijon sinnep
1 teskeið hunang
1/4 sitróna
Eplin eru afhýdd og söxuð í litla
bita, fjórum matskeiðum af sýrðum
rjóma bætt út í ásamt einni teskeið
af dijon sinnepi og einni teskeið af
hunangi. Safinn úr sítrónunni er
notaður. Allt hrært saman.
Ferskt grænmeti eftir smekk og
brúnaðar kartöflur.
Gott er að undirbúa matreiðsluna
með fyrirvara og hafa sósuna til-
búna og annað meðlæti til þess að
geta einbeitt sér fyrst og fremst að
eldamennsku kjötsins. Skemmtilegt
er að bjóða upp á Talbot rauðvín,
árgang ‘93 eða eldra, með öndinni.
Verði ykkur að góðu.
Ég ætla að skora á Gísla Haf-
liða Guðmundsson, fram-
kvæmdastjóra Leikhúskjallar-
ans. Hann hefur framreitt þá
bestu rjúpnasteik sem ég hef
smakkað.
Nýkaup
Þar semferskleikinn býr
s
Lax að ítölskum
hætti (carpaccio)
Mamma mia
Fyrir fjóra:
400 g hrár lax, bein- og roðlaus
2 tsk. nýmulið salt
1 tsk. nýmulinn pipar
safi úr tveimur sítrónum
2 msk. ólífuolía
2 msk. ferskur, saxaður gras-
laukur
2 dl sýrður rjómi
salt og pipar
Laxinn er skorinn í þunnar
; sneiðar og þeim raðað á fjóra
diska. Salti og pipar stráð yfir.
Blandið saman sítrónusafanum
og ólífuolíunni og penslið laxinn
með blöndunni.
Sýrður rjómi með graslauk
Graslaukurinn er saxaður
smátt og settur saman við sýrða
rjómann ásamt salti og pipar eft-
ir smekk.
Meðlæti
Laxinn er borinn fram með
sýrða rjómanum og ristuðu
brauði.
Rommrúsínuís
Að hætti sjóræningjans
Fyrir fjóra:
4 stk. eggjarauður
50 g sykur
1 dl vatn
1 dl rúsínur
1/2 dl dökkt romm
3 1/2 dl ijómi
Sjóðið vatn og sykur í síróp
(10-12 mínútur). Sjóðið upp á rús-
ínunum og romminu og látið
standa í 1 klst. Þeytið rjómann og
kælið. Þeytið eggjarauðumar og
hellið sírópinu heitu út í og þeyt-
ið áfram i létta froðu, bætið
rommrúsínunum út i. Blandið
síðan varlega saman við
rjómann. Frystið í 5 klst. í form-
kökuformi. Losið úr forminu 10
mínútum áður en ísinn er borinn
fram. Berið fram með þeyttum
ijóma og ferskum ávöxtum að
vild.
Karamellugljáðir
bananar
ÍFyrir fjóra:
4-6 bananar
50 g smjör
1 dl sykur
l dl sjóðandi vatn
Setjið smjörið í álbakka, flysjið
bananana, skerið í sneiðar, leggið
í álbakka ásamt smjörinu og létt-
steikið á grillinu. Brúnið sykur-
!inn á pönnu og hellið vatninu út
í sjóðandi sósuna í 1-2 mínútur.
Hellið karamellusósunni yfir ban-
anana og látið þá malla í 1-2 mín-
útur._____________________________
Uppskriftirnar eru fengnar frá Nýkaupi
þar sem allt hráefni í þær fæst.