Dagblaðið Vísir - DV - 04.04.2001, Blaðsíða 7

MIÐVIKUDAGUR 4. APRÍL 2001
DV
7
Fréttir
íslensk tímarit og fyrirtæki sem sér um auglýsingastanda:
Neita að birta
nektarmynd
Sjálfsmynd sænska listamannsins
Odds Nedrums hefur farið fyrir
brjóstið á ýmsum og hafa ýmis ís-
lensk tímarit og auglýsingafyrir-
tæki neitað að birta hana. Sýning
listmálarans verður opnuð í Lista-
safni Reykjavíkur á Kjarvalsstöðum
næstkomandi laugardag, en Odd er
listmálari sem málar í anda
Rembrands og Goya. Myndin, sem
ber nafnið „Sjálfsmynd í gylltum
kuíli“, sýnir íturvaxinn karlmann,
nakinn fyrir neöan bringu, með
reistan lim.
„Þetta er list og af hverju má
birta myndir af berum konum en
ekki þessa mynd?“ sagði Soffia
Karlsdóttir, kynningarstjóri Lista-
safns Reykjavíkur. „Kannski er það
akkúrat þetta að kvenmannslíkam-
inn er betri söluvara en karlmanns-
líkaminn, og sérstaklega líka þegar
hann er ekki alveg samkvæmt þeim
formum sem nú eru hvað mest í há-
vegum höfö.“
I Svíþjóð hlaut myndin ekki náð
fyrir augum allra auglýsenda, en
þar var meðal annars bannað að
hengja veggspjöldin upp á brautar-
stöðvum.
„Það er ekki tilgangur hans að
hneyksla fólk heldur nálgast hann
listina á þennan hátt og það verður
að virða það,“ sagði Sofíía.
Særð blygðunarkennd
Tímaritin Iceland Review og
What’s on in Reykjavík höfnuðu
birtingu myndarinnar sem auglýs-
ingu á þeim forsendum að hún
kynni að særa blygðunarkennd
fólks.
„Myndin gekk ekki fyrir áskrif-
endahóp okkar. Iceland Review fer í
áskrift til yfir 100 landa og þar er
mjög mikið um bæði kaþólska
áskrifendur og allavega trúar-
brögð,“ sagði Sigríður Hanna Sigur-
björnsdóttir, auglýsingastjóri
Iceland Review. „Við hefðum hætt á
að fá fjöldauppsagnir á blaðinu."
Soffia benti á að Iceland Review
hefði nýverið birt grein sem bar yf-
irskriftina „Sex in the City“, sem
var prýdd mynd af nakinni konu,
auk nærmynda af ýmsum líkams-
hlutum. Sigriður svaraði því til að
greinar og myndskreytingar blaðs-
ins tengdust auglýsingadeildinni
ekki, og þetta hefði verið ákvörðun
sem tekin var á fundi hjá auglýs-
ingadeildinni.
Fyrirtækið AFA, sem sér um
dreifingu auglýsinga í strætóskýli
og auglýsingastanda í Reykjavík,
bar að í samningi þess við borgina
væri þeim óheimilt að birta nekt.
Soffia benti á að á þessum stöndum
hefðu myndir af fáklæddum konum
birst. AFA samþykkti að lokum að
birta myndina eftir að neðsti hluti
myndarinnar, reistur limurinn, var
hulinn.
„Þessi mynd hefur verið notuð til
að kynna sýninguna og við viljum
halda því. í stað þess að breyta al-
veg því myndefni sem við höfum
notað til þess að kynna sýninguna
þá gripum við til þessa neyðarúr-
ræðis að fela þennan hluta hennar,"
sagði Soffia. Hún tók það fram að
ritstjóri Mannlífs birti alla myndina
í síðasta tölublaði með viðtali við
listamanninn og verður hún jafn-
framt birt í næsta tölublaði Mann-
lífs sem auglýsing.
Listamaðurinn kemur til landsins
í dag. -SMK
Maður sem ríkislögreglustjóri ákærði í umfangsmiklu fjár- og tollsvikamáli:
Ekki gerð refsing -
sakamálið of gamalt
- en samt dæmdur til aö greiða 15 milljóna skaðabætur
Manni sem ákærður var fyrir
miklar sakir í fjár- og tollsvikamáli
- brot sem áttu sér stað á árunum
1991 til 1992 - var ekki gerð refsing
í málinu í héraðsdómi í gær.
Ástæðan var einfaldlega sú að þó
sakimar séu ekki fymdar er málið
engu að síður orðið allt of gamalt
til að hægt sé að refsa ákærða.
Ákærði er á hinn bóginn dæmdur
til að greiða hátt í 15 milljónir
króna í skaðabætur - þar af um 10
milljónir í dráttarvexti eina, enda
málið mjög komið til ára sinna.
Maðurinn, tæplega sextugur
Kópavogsbúi, var ákærður fyrir
fjárdrátt, skjalafals, fjársvik og
tollsvik, tengd tugmilljóna inn-
flutningi á vinnuvélum.
Ákæruvaldið upplýsti í málinu
að kæra hefði ekki borist fyrr en á
síðari hluta árs 1996. Síðan hefði
þurft að aíla gagna erlendis, auk
þess sem breytingar hefðu orðið á
löggæslukerfinu hvað embætti
varðar, RLR, Ríkislögreglustjóra
o.s.frv.
Maðurinn er dæmdur til aö
greiða sænsku fyrirtæki, Tenhults
Grusmaskiner, 15,3 milljónir króna
í skaöabætur, þar af meira en tíu
milljónir eingöngu í dráttarvexti.
Bótakröfu sem ríkislögreglustjóri
lagði fram fyrir hönd ríkistollstjóra,
embættis sem reyndar er ekki til
lengur, var vísað frá dómi vegna
vanreifunar. Hér var um að ræða
3,6 milljónir króna, auk dráttar-
vaxta frá tollafgreiðsludegi, sem var
fyrir tæpum áratug. Dómurinn vís-
aði einnig frá kröfu eins lögmanna
Samskipa um að ákærði greiddi um
8 milljóna króna skaðabótakröfu
vegna tapaös útlagðs kostnaðar
skipafélagsins vegna ákærða og að
síðustu nákvæmlega 1 milljónar
króna áætlaðs kostnaðar „fyrir að
halda utan um málið“.
-Ótt
Sjötti hver meö minna en 2ja sekúndna bil milli bíla:
Þungir bílar 5-6-falt
fleiri á Suðurlandsvegi
- Reykjanesbraut gæti enst 5 sinnum lengur
gerð en slikt hefur mikið að segja
um burðarþol vega. Miðað við sams
konar uppbyggingu allra veganna
er reiknuð ending Suðurlandsvegar
aðeins 1/5 af endingu Reykjanes-
brautar, um 22 ár á móti 110, en hin-
ir vegimir, Vesturlandsvegur (v.
Borgames) og Norðurlandsvegur (v.
Akureyri) gætu enst í 140 ár.
Hraði mældist jafhastur á Reykja-
nesbraut og meðalhraðinn einnig
mestur (91 km/klst.), eilítið meiri
en á Suðurlandi, eða nálægt leyfileg-
um hámarkshraða, nema á Norður-
landsvegi sem er 70 km/klst„ en þar
var meðalhraðinn 75 km. Að frátöld-
um áberandi morguntoppi á Reykja-
nesbraut er dreiflng umferðar yfir
sólarhringinn svipuð á öllum mæli-
stöðunum, með hápunkt milli kl. 5
og 8 á kvöldin. -hei
Minna en tveggja sekúndna bil
milli bíla er algengast á Suðurlands-
vegi. „Þar ekur nær sjötti hver öku-
maður á eftir öðrum með minna en
tveggja sekúndna bili sem hlýtur að
teljast háskalegt," segir í Fram-
kvæmdafréttum Vegagerðarinnar
þar sem lýst er nokkrum athyglis-
verðum upplýsingum úr skýrslu um
umferðargreiningu frá ijórum stöð-
um og fjórum tímabilum 1997.
Meðalfjöldi ökutæka á dag var
ekki miklu meiri á Suðurlandsvegi
(3.450) en á Reykjanesbraút. Stóri
munurinn var sá að nær 6 sinnum
fleiri þungir bílar fóru um Suður-
landsveg, um 1000 á dag, og sá
þyngsti 76 tonn. Vegagerðin segir
þyngstu ökutækin og þyngstu öxl-
ana (19-20 tonn) verulega umfram
leyfilega þyngd samkvæmt reglu-
DV-MYND HILMAR ÞÓR
Sjálfsmynd í gylltum kufli
Sjálfsmynd sænska listmálarans Odds Nedrums hefur fariö fyrir brjóstiö á
auglýsingafyrirtækjum og auglýsingadeildum tímarita landsins. Klippt hefur
veriö neöan af myndinni.
Gin- og klaufaveiki ógnar heimsmeistaramóti:
Allar úrtökur
í uppnámi
- ef hún berst til Þýskalands, segir Sigurður
Sigurður Sæmundsson, lands-
liðseinvaldur íslendinga fyrir
heimsmeistaramót i hestaíþróttum
sem halda á í Austurríki i
ágúst nk„ segir að nái gin-
og klaufaveiki að breiðast
út í Þýskalandi muni
landamærin lokast. Þar
með myndi Austurríki
loka endanlega á eitt
stærsta landið sem aðild á
að mótinu. Það gæti þýtt
að ekki yrðu leyfðir dýra-
flutningar milli héraða í
Þýskalandi sem aftur
Sigurður
Leggur línurnar.
Opinberir embættismenn í
Þýskalandi hafa óttast það mjög að
undanfornu að gin- og klaufaveiki
muni stinga sér niður í
landinu og nú síðast gerð-
ist þáð á búi i norðvestan-
verðu Þýskalandi. George
W. Fink, sem á sæti í und-
irbúningsnefnd heims-
meistaramótsins, sagði við
DV að menn vonuöu hið
besta en væru viðbúnir
hinu versta. Gert er ráð
fyrir að 19 þjóðir taki þátt í
mótinu. Búist er við um
hefði í för með sér að úrtaka gæti
ekki farið fram. Allar úrtökur
yrðu þá settar í uppnám. Þar með
gæti enginn valið sitt landslið.
Önnur aðgerö gæti verið sú að
Austurríki lokaði alveg sínum
landamærum. Ef 4-5 þjóðir yrðu
teknar út væri vandséð hvað yrði
gert.
„En ég vil ekki hugsa þessa
hugsun enn þá heldur keyri fasta
stefnu eins og ekkert hafi
ískorist,“ segir Sigurður.
50.000 gestum á það.
„Ég er byrjaður að kortleggja
þau mót sem verða,“ segir Sigurð-
ur. „Ég fer bæði á mót hér heima
og erlendis. Þar sigta ég út hross,
auk þess sem ég sé hvar við erum
sterkari og hvar hinar þjóðirnar
eru með sinn styrkleika. Eftir það
fer ég að gera áætlanir um hvað ég
vel i einstökum greinum. Ég geri
ráö fyrir að landsliðið verði tilbú-
ið um miðjan júlí.“
-JSS
Dani dæmdur í fangelsi í fíkniefnamáli
38 ára Dani, Allan Östergaard,
hefur verið dæmdur í eins árs fang-
elsi fyrir að hafa flutt 71 gramm af
amfetamíni og 43 grömm af kókaíni
til Islands þegar hann kom hingað
með flugvél frá heimalandi sinu
þann 1. febrúar. Hann hefur setið í
gæsluvarðhaldi frá því að hann kom
til landsins.
Allan var handtekinn við kom-
una til Keflavíkurflugvallar og lagði
lögreglan hald á efnin siðar sama
dag. Þau hafði Daninn falið í líkama
sínum.
í dómi Héraðsdóms Reykjavíkur
er tekið fram að hér sé um að ræða
umtalsvert magn af vanabindandi
fikniefnum sem Allan flutti til
landsins gegn greiðslu og í sam-
vinnu við aðra - hverjir það voru
kom hins vegar ekki fram í málinu.
Til þess var litiö við ákvörðun
refsingar að ákærði játaði brot sitt
greiðlega og var samvinnufús við
rannsókn málsins. „Vegna alvar-
leika brotsins þykir ekki koma til
álita að skilorðsbinda refsingu
ákærða," segir í dóminum. Fíkni-
efnin eru með dóminum gerð upp-
tæk í ríkissjóð. -Ótt