Dagblaðið Vísir - DV - 04.04.2001, Blaðsíða 9

MIÐVIKUDAGUR 4. APRÍL 2001
DV
9
Fréttir
Fegurðardrottning
Vesturlands krýnd
Fegurðardrottning Vesturlands
árið 2001 var krýnd í Félagsheimil-
inu á Klifi i Ólafsvík siðastliðið
laugardagskvöld og heitir hún Haf-
dís Bergsdóttir, 18 ára, frá Grund-
arfirði. Það var fegurðardrottning
Vesturlands og feguröardrotting
Islands árið 2000, Elín Málmfríður
Magnúsdóttir, sem krýndi Hafdísi.
í öðru sæti var Rut Þórarinsdóttir
frá Hlíðarfæti á Hvalfjarðarströnd
og í þriðja sæti var Maren Rut
Karlsdóttir frá Akranesi. Þá var
Belinda Engilbertsdóttir frá Akra-
nesi kosin sportlegasta stúlkan, sú
vinsælasta og ljósmyndafyrirsæta
keppninnar. Allar fengu stúlkurn-
ar veglegar gjafir.
Tíu stúlkur af Vesturlandi
kepptu um titilinn, hver annari
fegurri, þannig að dómnefndinni
var mikill vandi á höndum. Tvö
síðustu ár hafa stúlkur af Vestur-
landi orðið fegurðardrottningar ís-
lands. Keppnin hófst kl. 19 með
fordrykk í hoði ICE-Mex og eftir
það var hátíðarhlaðborð sem Gisti-
heimili Ólafsvíkur hafði veg og
vanda af. Stúlkurnar komu fjórum
sinnum fram í mismunandi
klæðnaöi og voru þær allar frá-
bærar.
Ýmis skemmtiatriði voru meðan
keppnin fór fram og dansleikur
var á eftir þar sem hljómsveitin
Undrið lék fyrir dansi. Kynnir var
Sveinn Þór Elinbergsson, skóla-
stjóri í Ólafsvík. Að sögn Silju All-
ansdóttur, sem er framkvæmda-
stjóri keppninnar, tókst hún mjög
vel. Félagsheimilið á Klifi hentar
mjög vel fyrir svona keppni þar
sem sviöið er afar stórt. Hægt er að
dekka borð fyrir a.m.k. 280 manns
í salnum. Það sást á öllu að vel var
staðið að undirbúningiþessarar
glæsilegu keppni.
-PSJ.
Dýrar framkvæmdir
Hér má sjá ný mislæg gatnamót viö Lækjargötu í Hafnarfirði. Reykjanesbraut fer undir Lækjargötu sem heldur núver-
andi hæö. Umferö um Lækjargötu fer um hringtorg yfir stokknum. Neðst hægra megin má sjá 10 metra breiöa
göngutengingu yfir stokk á móts viö Höfn.
Hafnarfjörður
Borgarafundur um
Reykjanesbraut
Fyrir liggur hönnun Vegagerðarinn-
ar á Reykjanesbraut á kaflanum frá Sól-
vangi vestur fyrir Hvammabraut í sam-
vinnu við Hafnarfjaröarbæ. Almennur
kynningarfundur verður fyrir íbúa í
kvöld, 4. apríl. Vegagerðin, i samvinnu
við Hafnarfjarðarbæ, hefur látið for-
hanna Reykjanesbraut í Hafnarfirði, frá
Sólvangi vestur fyrir Hvammabraut.
Við færslu Reykjanesbrautar suður
fyrir kirkjugarð skapast rými fyrir mis-
læg gatnamót. Á þessum gatnamótmn
tengjast Öldugata, Kaldárselsvegur og
Ásbraut við Reykjanesbrautina.
Hvammabraut framlengist í núverandi
legu Reykjanesbrautar og tengist Öldu-
götu um hringtorg. Reykjanesbrautin
skerst niður í land þannig að á gatna-
mótunum heldur Kaldárselsvegur
nokkum veginn núverandi hæðarlegu.
Tvær göngubrýr verða yfir Reykjanes-
braut vestan gatnamótanna, önnur við
Hvammabraut og hin á móts við Álfta-
ás. I fyrsta áfanga verður einungis ein
akrein í hvora átt á þessum kafla en
áætlað er að ljúka framkvæmdum
haustið 2003. Mislæg gatnamót verða
gerð á mótum Reykjanesbrautar, Lækj-
argötu og Hlíðarbergs. Þar skerst
Reykjanesbrautin einnig niður í land
og Lækjargata og Hlíðarberg tengjast í
núverandi hæðarlegu á hringtorgi yfir
Reykjanesbrautinni.
Hringtorg verður gert á gatnamótum
Lækjargötu og Hringbrautar. Á móts
við Sólvang verður 10 metra breið
göngutenging yfir Reykjanesbraut á
stokkbút en síðar verður Reykjanes-
brautin að miklum hluta í slíkum stokk
norðan þessa stígs. Samfelldur göngu-
stígur verður með fram Læknum, und-
ir Lækjargötu og Reykjanesbraut.
Einnig verða undirgöng fyrir gangandi
undir Lækjargötu milli Reykjanes-
brautar og Ljósutraðar.
Þetta verk fer nú í mat á umhverfis-
áhrifum og í hönnunarútboð á vegum
Vegagerðarinnar. Áætlað er að allt
verkið kosti um 1.460 milljónir og af þvi
er hlutur Hafnarfjarðarbæjar um 220
milljónir. Áætlað er að framkvæmdir
hefjist um næstu áramót og gerð mis-
lægra gatnamóta við Lækjargötu ljúki á
haustmánuðum 2002. -GG
Lýsing Reykjanesbrautar hefur ekki fækkað umferðarslysum þar:
Lýsing ekki öryggisatriði
- og heldur ekki aðrar öryggisaðgeröir Vegageröarinnar
Umferðarslysum á Reykjanesbraut
hefur fjölgað en ekki fækkað eftir að
vegurinn var lýstur og ýmis önnur
vegaþjónusta, s.s. hálkuvörn, var
aukin. Þegar tekið hefur verið tillit
til aukinnar umferðar er slysafjöld-
inn undanfarin ár hlutfallslega svip-
aður og áður en kveikt var á umferð-
arljósum.
„Nei, slysum á Reykjanesbraut
hefur því miður ekki fækkað, eða
a.m.k. mjög litið,“ svaraði Jón Rögn-
valdsson aðstoðarvegamálastjóri að-
spurður hvort lýsing vegarins hafi
dregið úr fjölda umferðarslysa eftir
að vegurinn var lýstur upp árið 1996.
„Þetta er raunar í samræmi við það
sem almennt er viðtekin regla er-
lendis að lýsing á svona vegum er
ekki öryggisatriði, þ.e. hún dregur
ekki úr slysum á vegunum. Hins veg-
ar er hún þægindaatriði fyrir vegfar-
andann."
Ekki mikill árangur
Til að kanna árangur lýsingarinn-
ar hafa þeir Vegagerðarmenn borið
saman fjölda umferðaslysa fyrstu
þrjú árin eftir að ljósin voru kveikt
(1997-1999) og næstu þrjú árin á und-
an (1993-1995). Útkoman var að slys-
unum hafði fjölgað en þegar tekið er
mið af aukinni umferð virðist slysa-
fjöldinn hlutfallslega ósköp svipaður.
„Þegar svo litið er til þess að ýmis
önnur þjónusta, t.d. hálkuvöm og
önnur vetrarþjónusta hefur einnig
verið aukin á Reykjanesbraut finnst
okkur árangurinn ansi takmarkaður.
Það var alla vega meiningin með
þeim aðgerðum að reyna að fækka
slysum en við sjáum því miður ekki
mikinn árangur," sagði Jón.
Má kannski draga þá ályktun af
þessu að bættar aðstæður leiði fyrst
og fremst til aukins hraða? Jón segir
tU kenningar um það að fólk taki
gjarnan sömu áhættuna þannig aö
við bættar aðstæður sé bara bætt við
hraðann eða ekki farið eins varlega.
„En það er ósönnuð kenning." -hei
DV-MYND PÉTUR S. JÓHANNSSON
Fegurðardrotting Vesturlands 2001
Hafdís Bergsdóttir, 18 ára frá Grundarfirö.i var krýnd feguröardrotting Vestur-
lands 2001 á laugardagskvöldið.
LÍFEYRISSJÓÐUR LÆKNA
Ársfundur 2001
5. apríl, kl. 17:15 íÁrsal, Hótel Sögu.
Dagskrá ársfundarins er eftirfarandi:
1. Skýrsla stjórnar.
2. Ársreikningur 2000.
3. Skýrsla um tryggingafræðilega úttekt. <
4. Fjárfestingarstefna sjóðsins kynnt. o o
5. Ákvörðun um laun stjórnar. 5
6. Önnur mál.
LífeyrissjóSur lækna
Kirkjusandi, 155 Reykjavík
Sími: 560 8970 Rekstraraðili
Myndsendir: 560 8910 VIB, Kirkjusandi
Netfang: ll@vib.is Sími 560 8900 • Fax 560 8910
Veffang: www.llaekna.is www.vib.is • vib@vib.is