Dagblaðið Vísir - DV - 12.04.2001, Síða 12

12
FIMMTUDAGUR 12. APRÍL 2001
Helgarblað_________________________________________________________________________________________________DV
Enn ein tengdadóttirin kemur bresku konungsfjölskyldunni í vandræði:
Tásog og framhjáhald
rifjast upp fyrir Betu
Himnasending sem átti að bjarga konungsfjölskyldunni
Sophie Rhys-Jones, greifynja af Wessex, sem kveöst hiröa lítt um titla og kallar sig Sophie Wessex, gekk í gildru
blaöamanns sem þóttist vera arabískur fursti. Sophie, sem talin var himnasending á sínum tíma, hefur nú eins og
aörar tengdadætur Englandsdrottningar valdiö konungsfjölskyldunni vandræöum. Ekki batnaöi ástandiö þegar hún
lýsti því yfir óumbeöin í viötali aö maöurinn hennar, Játvaröur prins, væri ekki hommi.
Enn einu sinni hefur tengdadóttir
Elisabetar Englandsdrottningar orð-
ið miðpunktur hneykslismáls. Það
fór hrollur um bresku hirðina þegar
birtur var í pressunni útdráttur úr
símtali Díönu prinsessu við ástfang-
inn aðdáanda. Ekki leið konungs-
fjölskyldunni betur þegar birtar
voru myndir af „fjármálaráðgjafa"
Fergie sjúga á henni tærnar þar
sem hún lá berbrjósta við sundlaug-
arbarm. Nú er það Sophie Rhys-Jo-
nes, eiginkona Játvarðar prins, sem
hefur valdið hækkuðum blóðþrýst-
ingi. í viðtali við breskan blaða-
mann, sem þóttist vera arabískur
fursti, sagði Sophie ýmislegt um
breska stjórnmálamenn og kon-
ungsfjölskylduna sem hún hefði lát-
ið ógert hefði hún vitað við hvern
hún var að tala.
Sophie sagði meðai annars Tony
Blair forsætisráðherra, sem stendur
í ströngu vegna gin- og klaufaveik-
innar, ekki hafa vit á landsbyggðar-
málum. Eiginkonu Blairs, Cherie,
sagði Sophie algeran hrylling. Fjár-
lög Gordons Browns fjármálaráö-
herra sagði hún dellu. Sophie sagði
William Hague stjórnarandstöðu-
leiðtoga hljóma eins og strengja-
brúðu og bætti við að almenningi
geðjaðist ekki að honum. Það væri
vegna andlitsins sem væri einhvern
veginn afmyndaö. Ráðherrar bresku
stjómarinnar hafa gagnrýnt um-
mæli tengdadóttur drottningarinn-
ar.
Engan skyldi undra þótt ýmislegt
annað miður skemmtilegt hefði rifj-
ast upp fyrir Elísabetu drottningu
undanfarna daga. Það hrikti í stoð-
um konungdæmisins þegar Díana
prinsessa, sem varpað hafði ljóma á
konungsfjölskylduna, tók upp ástar-
samband við riddaraliðsforingja.
Díana aðstoðaði 1992 við gerð ævi-
sögu sinnar þar sem hún var sögð i
Klekkjum í ástlausu hjónabandi.
Dagblöð birtu útdrátt úr samtölum
Díönu og aðdáanda hennar, James
Gilby, sem ítrekað lýsti yfir ást
sinni á prinsessunni.
Vildi vera túrtappi í nærbux-
um Camillu
Ekki ieið konungsfjölskyldunni
betur þegar birtur var útdráttur úr
meintu samtali Karls prins og ást-
konu hans, Camillu Parker Bowles,
1993. ísamtalinu kvaðst Karl vilja
endurfæðast sem túrtappi og búa í
nærbuxunum hennar Camillu.
Þjónn prinsins til langs tíma
greindi frá því í blaðaviðtali hvern-
ig hann hefði hreinsað mold af nátt-
fótum hans hátignar eftir að hann
hafði læðst út til að njóta ásta með
Camillu á lóð sveitaseturs síns á
meðan Diana svaf uppi á lofti.
Díana sjokkeraði Breta 1995 þeg-
ar hún játaði opinberlega hjúskap-
arbrot. Það var ári áður en hún og
Karl skildu að lögum og tveimur ár-
um áður en hún lést í bílslysi í Par-
is ásamt ástmanni sínum, Dodi A1
Fayed.
Misheppnað hjónaband Andrésar
prins og Söru Ferguson, hertogaynj-
unnar af Jórvík, sem kölluð er
Fergie, olli konungsflölskyldunni
jafnvel enn meiri kinnroða en hjú-
skaparbrot Díönu og Karls. Árið
1992 birtust myndir í fjölmiðlum af
Fergie berbrjósta. Á myndunum
sást „fjármálaráðgjafi" hennar,
John Bryan frá Texas, sjúga á henni
tærnar fyrir framan litlu prinsess-
urnar, Eugenie og Beatrice Ándrés-
dætur. Fergie sagði síðar frá því að
hún hefði verið í fríi með konungs-
fjölskyldunni i Skotlandi þegar
myndirnar birtust í fjölmiðlum. Eig-
inmaður hennar og aðrir í konungs-
fjölskyldunni sáu þær viö morgun-
verðarborðið.
„Það er rétt að geta þess að
hafragrauturinn kólnaði á meðan
fuUorðna fólkið fletti æsifréttablöð-
unum með uppglennt augu og galop-
inn munn,“ skrifaði Fergie í
sjálfsævisögu sinni. Fergie og Andr-
és skildu 1996. Þau er samt enn
bestu vinir og búa bæði í húsi Andr-
ésar skammt frá London. Fergie er
enn í ónáð hjá öðrum í konungsfjöl-
skyldunni.
Ný fengdadóttir sending af
himni ofan
Sophie Rhys-Jones, sem nú hefur
einnig orðið bráð fjölmiðlahákarl-
anna sem synda í kringum höllina,
kom eins og himnasending kon-
ungsfjölskyldunni til bjargar. Um
leið og hún og Játvarður opinber-
uðu trúlofun sína 1999 gleymdist all-
ur hryllingurinn. Fjölmiðlar fögn-
uðu og þjóðin fagnaði, að vissu
marki þó.
Sennilega var drottningin glöðust
allra. Loksins var yngsti sonurinn á
leið í hnapphelduna. Allt i einu
tóku menn eftir því að Játvarður
var bara þó nokkuð myndarlegur.
Hann hafði alltaf verið í skugga
hinna þannig að menn höfðu varla
tekið eftir honum. Og Sophie þótti
áberandi lík Dfönu. Hún var auðvit-
að þroskaðri og eldri en Díana þeg-
ar sú síðarnefnda sýndi fjölmiölum
trúlofunarhringinn sinn árið 1981.
Díana var svo feimin að hún þoröi
varla að opna munninn og Karl
hafði alltof lítinn áhuga á unnustu
sinni til að fullyrða með sannfær-
ingarkrafti að þau væru ástfangin.
Hann bætti við „hvað svo sem ást er
nú.“
Breska þjóðin beið spennt eftir
því hvernig Játvarði og Sophie tæk-
ist að opinbera trúlofun sína.
Sophie starfaði í almannatengslafyr-
irtæki þannig að hún var í góðri æf-
ingu og trúlofunin þótti takast ágæt-
lega. Þau lýstu því auðvitað yfir að
þau væru ákaflega góðir vinir. Síð-
an var þögn. „Og auk þess elskum
við hvort annað ofur heitt,“ bætti
prinsinn við. Þannig á þetta auðvit-
að að hljóma. Og þjóðin varpaði
öndinni léttar. Bretar þóttust bara
vera ánægðir með að ekki skyldi
vera einn einasti blár blóðdropi í
Sophie.
En eftir að turtildúfumar, sem
báðar voru komnar á fertugsaldur-
inn, höfðu komið fram í sjónvarps-
viðtali hjá BBC nokkrum dögum
fyrir brúðkaupið sumarið 1999 fóru
Bretar að velta ýmsu fyrir sér. Það
sem vakti mesta athygli í viðtalinu
var yfirlýsing þeirra um að þau ætl-
uðu ekki að flýta sér að eignast
börn. Fréttamaðurinn, Sue Parker,
sem ræddi við þau, hafði þekkt þau
frá því að þau kynntust sex árum
áður. Sue hafði þurft aö hætta við
auglýsingaverkefni með prinsinum
og fékk Sophie til að taka að sér
verkefnið í staðinn. Þannig kynnt-
ust þau Sophie og Játvarður þá
komin fast að þrítugu.
BBC hafði beðið lengi eftir svari
við beiðni um viðtal. Svarið kom
ekki fyrr en æsifréttablaðið Sun
hafði birt gamlar myndir af Sophie
þar sem hún var berbrjósta í sólar-
fríi með starfsfélögum. BBC fékk já-
kvætt svara sama dag og myndirnar
birtust. Og það fylgdi engin krafa
um að fá að sjá spurningarnar fyrir-
fram eins og venja er hjá konungs-
fjölskyldunni.
í viðtalinu lýstu þau bæði yfir að
þau ætluðu að halda áfram störfum
sínum, hún í almannatengslafyrir-
tækinu sinu og hann í sínu fyrir-
tæki sem framleiðir sjónvarpsþætti.
Sophie gat þess að hún væri nú
tilbúin að ganga í hjónaband og gaf
þar með í skyn að það hefði ekki
bara verið Játvarður sem hikaði.
Játvarður hafði auðvitað misheppn-
uð hjónabönd systkina sinna fyrir
augunum. Anna prinsessa skildi
einnig þótt hún hefði svo orðið ham-
ingjusöm í nýju hjónabandi. En
orðrómur hafði lengi verið á kreiki
um að Játvarður hefði ekki bara
áhuga á konum heldur einnig á
körlum og hafi menn slíkan áhuga
er ekki undarlegt að þeir hiki svolít-
ið við tilhugsunina um að ganga í
hjónaband.
Niðurbrotin eftir að hafa
gengið í gildru
Drottningin var ánægð með að fá
tengdadóttur sem hafði meiri áhuga
á að ríða út og skokka heldur en að
fara í tískuverslanir og gráta við öxl
einhvers heilara þegar eitthvað
bjátaði á.
Nú hefur svo sannarlega verið
ástæða fyrir Sophie að fara í útreið-
artúr. Hún er niðurbrotin yfir því
að hafa látið Mahmood frá Wapping
í London, rannsóknarblaðamann
News of the World, gabba sig.
Mahmood hefur oft áður leikið það
bragð að þykjast vera arabískur
fursti og tekist það vel. Á fundi með
Sophie þóttist hann vera frá Dubai
og hafa áhuga á samningi við al-
mannatengslafyrirtæki hennar.
Mahmood bauð Sophie og starfsfé-
laga hennar, Murray Harkins, upp á
kampavín. Við kampavínsdrykkuna
losnaði um málbeinið á þeim og
Mahmood setti segulbandið sitt,
sem hann var með í felum, í gang.
Þegar Sophie varð ljóst að hún
hafði gengið í gildru urðu hún og
blaðafulltrúinn í Buckinghamhöll,
Simon Walker, skelfingu lostin.
Walker, sem fengið hefur það hlut-
verk að skapa nýja ímynd fyrir kon-
ungsfjölskylduna, hafði samband
við lögmenn og bauð samtímis
News of the World viðtal við Sophie
gegn loforði um að leynilega segul-
bandsupptakan yrði ekki gerð opin-
ber.
Maðurinn minn er ekki
hommi
í viðtalinu við News of the World
tók Sophie það fram, án þess að
vera spurð, að orðrómur um að eig-
inmaður hennar væri hommi væri
ekki á rökum reistur. En á meðan
News of the World prentaði 4 millj-
ónir eintaka með fyrirsögninni:
„Maðurinn minn er ekki hommi“
lak innihald segulbandsupptökunn-
ar til tveggja annarra stórra sunnu-
dagsblaða, Mail on Sunday og
Sunday Mirror. Þess vegna sá News
of the World sig knúið til að svíkja
loforð sitt við Sophie og höllina og
birti viðtal „furstans" við hana um
síðustu helgi.
Flestir breskir stjómmála-
skýrendur eru sammála um að um-
mæli Sophie hafi ekki verið neitt
öðruvísi en annarra yfirstéttar-
kvenna. Það þykir hins vegar alvar-
legra að tengdadóttir drottningar-
innar skyldi hafa viðurkennt i sam-
ræðum sínum við „furstann" að
hún notfærði sér tengslin við kon-
ungsfjölskylduna fyrirtæki sínu til
framdráttar. Drottningin lýsti þvi
yfir að hún styddi þá fjölskyldumeð-
limi sem vildu reka eigin fyrirtæki
en skipaði samtímis Sophie að segja
af sér stjómarformennsku í al-
mannatengslafyrirtækinu sem hún
á hlut í.
Þungun getur bjargað
Vist þykir að dagar Murrays
Harkins sem starfsfélaga Sophie séu
taldir. Hann lýsti því yfir í viðtali
við „arabíska furstann" að orðróm-
urinn um samkynhneigð Játvarðar
væri ekki alveg byggður á sandi.
Harkins lýsti því einnig yfir að sér
þætti gott að fá sér kókaín. Það væri
hins vegar alger „martröð“ að
finna seljendur i London. Auk þess
bætti hann því við að hann vildi
gjarnan útvega viðskiptavinum sín-
um fylgdardrengi.
Breska blaðið The Daily Tel-
egraph, sem sýnir konungsfjölskyld-
unni hollustu, hafði það síðastliðinn
sunnudag eftir heimildarmönnum
sínum innan hirðarinnar að þung-
un myndi geta bjargað Sophie, sem
ber titilinn greifynjan af Wessex, og
Játvarði prinsi, jarlinum af Wessex,
út úr vandræðum þeirra.
Byggt á Reuter, BBC o.fl.