Dagblaðið Vísir - DV - 27.07.2001, Blaðsíða 20

24
FÖSTUDAGUR 27. JÚLÍ 2001
• Tilvera DV
von Triers
Konungur hroOvekjunnar, Stephen
King, hefur nú ákveðið að prófa að
skrifa sjónvarpsþætti sem sýndir
verða á svoköUuðum Prime Time (í.
besta tima) á bandarísku sjónvarps-
stöðinni ABC.
Þættimir munu bera heitið The
Kingdom (í. Konungdæmið). Heitið
hefur ekki dregið af eftimafni höfund-
arins heldur eru þeir byggðir á sam-
nefndum þáttum sem Lars von Trier
gerði fyrir danskt sjónvarp.
The Kingdom mun gerast í gömlum
spítala þar sem reimleikar eru daglegt
brauð. Enda er spítalinn byggður á
fomum grafstað. Þetta er fyrsta stóra
verkefnið sem King gerir síðan hann
slasaðist alvarlega er bíU keyrði á
hann árið 1999.
Farin í frí
Fyrrverandi tengdadóttir íslands,
hún Mel okkar B, hefur ákveðið að
slíta samningi sínum við Virgin
Records útgáfufélagið. Samkvæmt til-
kynningu frá almannatengslafyrir-
tæki hennar er ástæðan sú að þörfum
hennar sem tónlistarkonu væri ekki
hægt að fullnægja hjá Virgin. Sóló-
plata hennar Hot hefur ekki selst eins
og vænst var og lögin ekki náð mikl-
um vinsældum. Sem er ólikt vinkon-
um hennar í Spice Girls. Mel er þó
enn samningsbundin Virgin sem
Kryddpía.
Annars sagði líka í tilkynningunni
að Mel hygðist taka sér fri frá tónlist-
arstússi í bUi. Meðal þess sem hún
ætlar að taka sér fyrir hendur er að
stýra hæfileikakeppnisþætti fyrir
sjónvarpsstöðina ITV. Hún snýr þó
aftur að tónlist í lok ársins.
I eiturlyfjapróf
Leikarinn Robert De Niro stendur
nú í grimmri forræðisdeUu við fyrr-
verandi eiginkonu sína, Grace
Hightower. Grace heldur því fram að
De Niro misnoti áfengi og önnur
vímuefni og hefur farið fram á að
hann fari í eiturlyfjapróf reglulega tU
aö ganga úr skugga um að hann sé
fær um að hitta og sjá um þriggja ára
gamlan son sinn. Talsmaður leikar-
ans segir þessar aðdróttanir ekki eiga
sér nokkra stoð í raunveruleikanum.
Grace hefur tekist að sannfæra rétt-
inn um að De Niro fái ekki að hitta
son sinn nema hún eða gæslukona séu
með. Hún álítur að hann sé ekki í and-
legu jafnvægi.
Gonguleiðir
MYND PÉTUR ÞORLEIFSSON
Skjaldbrei&ur
„Fjallið allra hæða val.“
Skjaldbreiöur er í uppáhaldi:
Ákaflega stílhreint fjall
- segir Pétur Þorleifsson
„Líklega var það ljóðið „Fanna
skautar faldi háum,“ eftir Jónas
sem upphaflega kveikti áhuga minn
á fjallinu Skjaldbreiði,“ segir Pétur
Þorleifsson reiðhjólasmiður. Hann
kveðst síðan hafa tekið sérstöku ást-
fóstri við þetta einstaka fjall. Auk
þess að hafa farið að minnsta kosti
tíu sinnum á vélsleða þangað upp
segist hann búinn að ganga á
Skjaldbreið tuttugu sinnum um æv-
ina. „Áður fyrr var þetta löng ganga
því enginn vegur lá nærri fjallinu
og þá var gengið frá Hofmannaflöt.
Það tók 10-12 tíma báðar leiðir. En
eftir að línuvegurinn kom meðfram
norðurhlíðum fjallsins tekur gang-
an ekki nema 2-3 tíma. Þá er lagt
upp nærri gíghólnum Hrauki.“ Pét-
ur segir téðan línuveg ekki góðan
fyrir fólksbíla þótt hann hafi séð til
þeirra þar. „Þetta er jeppavegur,“
segir hann.
Hraun og aftur hraun
Leiðin upp er ómerkt og Pétur
segir ekki um neinn stíg að ræða.
„Það er ágætt að ganga þetta og alls
staðar svipað. Neðan tií er flngert
hraun og ofar tekur helluhraun
við,“ segir hann og fer með hend-
ingu úr kvæði Jónasar. Pétur viður-
kennir að hraunið slíti skónum
enda um litinn gróður að ræða í
norðurhiíðunum. „Fjallið er mun
meira gróið í suður- og þó einkum
austurhlíðunum," segir hann.
Útsýnið með ólíkindum
En hvað er það við Skjaldbreiö
sem hefur heillað Pétur öðru frem-
ur? „Það er ákaflega stílhreint fjall
og tilkomumikið í sinum einfald-
leika. Þótt það nái ekki nema 1.066
m hæð þá er útsýnið ofan af þvi meö
ólíkindum; til vesturs allt til Snæ-
fellsnessfjallgarðs og í austur til Ör-
æfajökuls," segir hann. í framhald-
inu koma ótal nöfn fjalla og vatna.
Það virðist sjást um öll ríki verald-
ar ofan af þessu fjalli! „Þórisjökull
er í norðri og bak við hann
Geitlandsjökull. Þar á bak við sést
Eiríksjökull upp fyrir Langjökul.
Austar sést Hagafell sem gengur
upp í Langjökul og þar fram af
Hagavatn. Þá taka við Jarlhettur og
þar á bak við Hofsjökull og Kerl-
ingafjöll. Hlöðufell sést nálægt og
bak við það Bláfell, nokkru fjær.
Kerlingar og Hamarinn sjást á vest-
urbrún Vatnajökuls og framar og
austar Hvannadalshnúkur. Síðan
taka við Rauðfaxafjöll og Hekla.
Handan við Lambahraun sést Kálfs-
tindur, Hornhöfði og Rauðafell. Þá
er komið að
skriðunni i næsta
nágrenni í suðri.
Yfir hana sjást
Apavatn, Gosfell
og Vörðufell í
Grímsnesi. Þá
sést Tindaskagi
og Hrafnabjörg og
fram undan Þing-
vallavatn. Norðar
sjást Botnsúlur og
Hvalfell. Þá sér út
undir Snæfellnes,
allt til jökulsins.
Baula í Borgar-
firði sést lengra
til norðurs og
næstum í há-
norðri Okið, vest-
an Kaldadals. Þá
er hringnum lok-
að.“
Stór gígur í
toppnum
Til að fá útsýni
í allar áttir segir
Pétur að ganga
verði umhverfis
stóran gíg í toppi
Skjaldbreiðs.
„Gígurinn er eitt
af því sem gerir
fjallið eftirtektar-
vert. Þetta er ekta
eldfjall eins og
þeir kannast við
sem lesið hafa
ljóð Jónasar, þótt
þeir hafi aldrei
gengið á Skjald-
breið.
Aðspurður seg-
ir Pétur enga út-
sýnisskífu með
nöfnum uppi á
Skjaldbreið en
ráðleggur þeim
sem halda á fjall-
iö að taka með
sér árbók Ferða-
félags Islands frá
árinu 1961. „Þar er glögg lýsing Har-
aldar Matthíassonar á öllum kenni-
leitum sem fyrir augu ber ofan af
gígnum.“ Pétur er i lokin spurður
hvort ekki sé erfitt að rata rétta leið
til baka að bílnum ef menn lendi í
þoku, þar sem fjallið sé svo til alls
staðar eins. Jú, hann neitar því
ekki. „Vissast er að taka með sér
Pétur Þorleifsson
Hefur átt marga ferö á fjallið Skjaldbreið.
áttavita því í fjallinu eru fá kenni-
leiti sem hægt er að átta sig á. Einu
örnefnin sem ég veit um í fjallinu
sjálfu eru Karl og Kerling, tveir
drangar sem standa neðst í suður-
hlíðunum og Hraukur gegnt þeim í
norðurhlíðunum. Hann er ágætt
leiðarmerki.“
-Gun.