Dagblaðið Vísir - DV - 10.08.2001, Blaðsíða 20

Dagblaðið Vísir - DV - 10.08.2001, Blaðsíða 20
24 iiiiiiiiihii FOSTUDAGUR 10. AGUST 2001 é VTilvera I>V Gonguleiðir Síldarmannagötur tilvalin fjölskylduferð úr Hvalfirði yfir í Skorradal „Við hjónin reynum að fara í að minnsta kosti eina langa göngu á hverju ári," segir Jóna Guðmunds- dóttir framhaldsskólakennari. „Ég er svo sem enginn sérstakur göngu- ^garpur en ætli það séu ekki tíu ár 'síðan við hjónin byrjuðum að ganga eitthvað að ráði. Við fluttum heim frá Noregi að loknu námi fyrir tutt- ugu árum og höfum alltaf verið eitt- hvað að tölta um síðan. Þegar Jóna er spurð hvort ein- hver ein ganga sé minnisstæðari en önnur segir hún að þær hafi allar verið góðar. „Ég man reyndar vel eftir því þegar við gengum Víkurn- ar á Austfjörðum í frábæru veðri árið 1996. Það var sól allan tímann og örlítil þoka á nóttinni. Það var frábær ferð." Gömul þjóðleiö „Gönguleiðin sem ég ætla að • segja frá i þetta sinn kallast Síldar- mannagötur og er gömul þjóðleið sem liggur úr Hvalfirði yfir í Skorradal eða öfugt og tekur um fjóra tíma. Það er gott að leggja upp í gönguna innst í Hvalfirði, rétt utan við gamla Botnskálann sem búið er að leggja af." Jóna segir að það eina sem sé erfitt við þessa göngu snúi að bíla- málum. „Það þarf að skipuleggja aksturinn vel. Það er langt úr Hval- firði og yfir í Skorradal og fæstir ,nenna að ganga leiðina fram og til baka. Best er að vera búinn að Jóna Guömundsdóttlr „Ég er svo sem enginn göngugarpur en ætli það séu ekki tíu ár síðan við hjónin byrjuðum að ganga eitthvað að ráði. Við fluttum heim frá Noregi að loknu námi fyrir tuttugu árum og höfum alltaf verið eitthvaö að tölta um síðan." koma fyrir bíl inni í Skorradal áður en lagt er af stað úr Hvalfirðinum, nema fólk sé svo heppið að eiga sumarbústað í Skorradalnum. Það á að aka bílnum norðan meg- in við Skorradalsvatn eins langt og . iLunctur >^s^ JGuilbera$tá0) Lymska "*%_.* Oddsstaðir trmiaoaiur Háisinn42^^. (Gr^etaktt),, "• (VatnsivSr^. (Bakkakc*& atWVianahm Hvalf|örður tngannarsrdtoir »423 ^g^^kotm^ ^föm n Vakfastadir > ,; >ssw?*flr Æ?' r «&^$ogn %1 rantíarstiiA')r „ "°r vegurinn nær og leggja þar. Mig minnir að innsti bærinn heiti Fitjar og er gamall kirkjustaður sem kom- inn er í eyði. Maður leggur bílnum aðeins innan við hann, annars segir þetta sig sjálft þegar komið er' á svæöið." Ekta fjölskylduganga „Ég hef gengið Síldarmannagötur í báðar áttir en ég held að menn leggi yfirleitt upp úr Hvalfirði. Þetta er ekta fjölskylduganga og ekki erf- ið fyrir börn ef þau geta á annað borð gengið í nokkra tíma. Leiöin upp á heiðina er auðveld ef maður byrja rétt utan við gamla skálann. Brekkurnar þar upp kall- ast Sildarmannabrekkur og þar er á sem heitir Brunná. Það á að ganga upp brekkuna vestan megin við ána, hún er aðeins brött í byrjun en síðan afliðandi og fin. Þegar upp er komið er alveg frá- bært útsýni yfir Hvalfjörðinn og ná- grenni. Heiðin er ekki há, kannski fjögur eða fimm hundruð metrar, en það er mjög víðsýnt af henni." Vörðuð leið „Ferðamálafélag Vesturlands eða eitthvert svipað félag tók sig til í fyrra eða hittifyrra og endurbyggði gamlar vörður á leiðinni þannig að fólk getur gengið eftir þeim og á ekki að geta villst. Fljótlega eftir að komið er upp á heiðina fer maður að sjá yfir í Borg- arfjörð og jafnvel yfir á Snæfellsnes þegar heiðskírt er. Þegar komið er niður hinum megin er brekka gró- in, aflíðandi og mjög falleg. Ég var þarna að hausti til og það var mik- ið af berjum í hlíðinni þannig að ferðinni seinkaði dálítið. Þetta er yndisleg leið og gaman að stoppa á leiðinni og fá sér nesti. Það er ekki hægt að fara sér að voða og illmögulegt að villast, þannig að þetta er tilvalin fjölskylduferð ef fólk getur skipulagt bílamálin svo vel sé." Síldin úr hári Heigu fögru Jóna segir að sér þyki nafnið á leiðinni merkilegt og að hún hafi reynt að grennslast fyrir um upp- runa þess. „í seinna skiptið sem ég fór þarna yfir var ég með vinnufélögum mín- um úr Fjölbrautaskólanum við Ár- múla. Sagnfræðingurinn i hópnum var búinn að lesa sér til um svæðið og sagði að nafnið væri þekkt frá því á 13. öld en þá hafi leiðin heitið Sildargötur og að Síldarmannagötur væri líklega síðari tíma afbökun einhverra kortagerðarmanna. Við ræddum þetta fram og til baka og innan hópsins varð til skýr- ing sem tengist Helgu fögru úr Harðar sögu Hólmverjakappa. Sag- an sem við skálduðum upp er á þá leið að hárið á Helgu fögru muni hafi verið mjög sítt og allt löðrandi í síld þegar hún kom í land eftir sundið þar sem hún bjargaði sér og tveimur börnum sínum úr hóhnan- um fyrir utan Þyril. Helga hélt áfram á fiótta og hrundi síldin úr hári hennar á götuna þegar hún stökk á fjallið. Það mun hafa stirnt á sildina utan úr firði og þaðan er komið nafnið Síldargötur. Til að gera söguna ennþá sennilegri sömd- um við líka þessa vísu og segjum að hún sé gamall húsgangur. Eftir sund til fjalla hélt hún fljót, fékk hún ekki notið minnstu hvíldar. Lafmóð áfram geystist yfir grjót, glitruðu í hári björtu síldar." -Klp Horft yfir Þegar maður er kominn upp á heiö- ina er alveg frá- bært útsýni yfir Hvalfjörðinn og ná- grenni. Heiðin er ekki nema fjögur eða fímm hundruð metrar, en þaö er mjög víðsýnt af henni. I mrj m i -K

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.