Dagblaðið Vísir - DV - 06.09.2003, Qupperneq 26

26 DVHELGARBLAÐ LAUGARDAGUR 6. SEPTEMBER 2003
Feng Shui er aldagömul Innréttlngahelmspekl sem farlð hefur slgurför um heiminn á undanförnum
árum. Hún er byggð á tíbetskri stjörnuspeki og vilja margir meina að hún þjóni sínum tilgangi - að
byggja upp hina jákvæðu orku á heimilinu (Chi) og eyða þeirri neikvæðu (Cha). Fræðin eru gríðar-
lega flókin og það tók gömlu meistarana alla ævi að læra þau. Það eru þó nokkrar einfaldar reglur í
Feng Shui sem vert er að hafa í huga.
Feng Shui
Það er ágætisregla, sam-
kvæmt Feng shui, að hafa
að minnsta kosti þrjá stóla
við eldhúsborðið þótt þú
búir ein(n). Reyndu líka að
sitja ekki alltafí sama stóln-
um, það er að segja efþú
vilt fá gesti.
Þurrkuð blóm eiga alls ekki
að vera inni á heimilum
fólks og eiginlega hvergi
annars staðar en í safn-
haugi eða ruslafötum því
þau eru fölnuð. Hver vill
hafa lík inni hjá sér? Fersk
blóm eru aftur á móti mjög
góður kostur.
Vandaðu uppröðun í
svefnherberginu
Flestir eyða um þriðjungi lífsins í svefnher-
berginu og þess vegna er nauðsynlegt að þar
sé orkan í góðu jafnvægi. Það ætti aðeins að
vera ein inngönguleið í svefnherbergið. Ann-
ars er líklegra að það verði notað til gegnum-
gangs og þá munu eigendumir ekki sofa jafn-
værum blundi. Ef svefnherbergið er undir
súð ætti rúmið að vera undir þeim stað þar
sem hæst er til lofts.
Ef svefnherbergið er notað til að læra,
stunda líkamsrækt eða annað í þeim dúr ætti
svæðið þar sem þú gerir það að vera vandlega
aðskilið frá svefnsvæðinu.
Rúmið á að vera upp við vegg, helst höfða-
gaflinn, og ef þú sækist eftir félagsskap í rúm-
inu er mjög mikilvægt að hægt sé að komast
upp í það frá báðum hliðum. Það á ekki að
vera beint undir glugga og passaðu þig á að
hafa ekki of margar plöntur í herberginu; þær
gætu sogað til sín alla orkuna.
Ef þú ert slæm(ur) í baki ættirðu ekld að
sofa undir bjálka eða risi. Það er vegna þess
að í undirmeðvitundinni finnst þér þú vera í
hættu. Við það dragast vöðvarnir saman og
valda spennu sem gerir bakverkinn verri.
Pússaðu glugga og spegla
Reyndu að sjá til þess að allir fletir í húsinu
sem endurkasta ljósi séu hreinir. Óhreinir
speglar og þvíumlíkt hindrar flæði Chi. Svo er
vert að hafa í huga að speglar eiga aldrei að
snúa hvor á móti öðrum. Þeir auka hraða Chi
sem á bara að vera á hægri siglingu í húsinu.
Eitt besta rými hússins til að hafa spegil í er
borðstofan. Þar þjónar hann nefnilega því
hlutverki að tvöfalda á táknrænan hátt mat-
inn sem er á borðinu. Hljómar ekki illa.
Speglaflísar eru nokkuð sem er harðbann-
að að nota, að minnsta kosti margar límdar
saman.
Kristallsljósakrónur eru
mjög góð leið til að fá
Chi inn á heimilið. Þær
draga orkuna að sér og
endurvarpa henni svo
aftur í allar áttir.
Haltu heimilinu í standi
Það er nauðsynlegt að halda heimilinu í
sem bestu standi. Þú ættir að mála reglulega,
gera við leka krana og skipta um Ijósaperur
um leið og þær springa í stað þess að bíða eft-
ir að lionsmenn banki næst upp á. Skipta á
um gler í gluggum ef sprungur eru í því. Það
er vegna þess að ástand heimilisins endur-
speglar heilsu þína.