Dagblaðið - 13.06.1977, Blaðsíða 17

DAGBLAÐIÐ. MÁNUDAGUR 13. JÚNÍ 1977.
17
1
D
íþróttir
Iþróttir
róttir
Iþróttir
Fyrsti HM-sigur Islands
í leik taugaspennunnar!
— Ingi Björn Albertsson skoraði eina markið í leiknum gegn Norður-írlandi
Verðskuldaður sigur íslands á öllum sviðum, sagði brezka útvarpið eftir leikinn
Langþráður draumur rættist á
laugardag. Fyrsti sigur íslands í
heimsmeistarakeppninni varð
staðreynd — jafnframt fyrstu
stig íslands frá upphafi í þessari
merkustu knattspyrnukeppni
heims. World Cup. A Laugardals-
velli á laugardag var miklum múr
rutt úr vegi. ísland er komið á
biað í knattspyrnu heimsins.
Hefur þokað sér úr neðsta flokki
evrópskrar knattspyrnu. Er nú
virtur mótherji. 1-0 sigur gegn
Norður-irlandi, sem hafði á að
skipa atvinnumönnum úr ensku
deildaliðunum i hverju sæti,
segir ekki mikið um gang leiks-
ins. Mörk íslands hefðu átt að
vera mun fleiri. Norður-írar að
skora eitt til tvö mörk — en og
aftur en eins og brezka útvarpið
skýrði svo skilmerkilega frá í
íþróttaþáttum sínum strax eftir
leikinn. Sigur íslenzka liðsins
var verðskuldaður á öllum svið-
um — hvernig, sem á leikinn
var litið og fyrirliði Íslands,
Jóhannes Eðvaldsson, var klett-
ur í vörn Íslands og frábær
fyrirliði, sagði BBC. Við erum
sammála þrátt fyrir þá stað-
reynd, að leikurinn í heild hjá
ísienzka landsliðinu var talsvert
frá því, sem við höfum séð bezt til
þess áður. Taugaspenna HM setti
mikil mörk á leikinn — jafnt hjá
íslenzkum sem írskum. HM-
leikirnir eru svo miklú þýðingar-
meiri en venjulegir landsleikir.
Það hlaut að koma fram í leik
liðanna — og harkan sat oft í
fyrirrúmi.
Þó leikurinn hafi ekki alltaf
verið augnayndi var spennan í
hámarki allan tímann. Þá ekki
sízt undir lokin, þegar Norður-
írar gerðu örvæntingarfullar til-
raunir til að jafna metin. En
íslenzka vörnin stóðst allar árásir
írskra. Sigur vannst og HM-
múrnum mikla var rutt úr vegí.
En íslenzka liðið hefði aldrei átt
að komast í hættu að missa stig
lokakaflann. Öruggur sigur átti
löngu fyrr að vera í höfn. Svo góð
tækifæri fékk íslenzka liðið til að
skora í leiknum — opin færi, þó
svo írska liðið væri meira með
knöttinn og leikmenn þess í heild
leiknari. En broddurinn í sókn
Norður-íra var deyfður og
langskot ómerkileg, þegar þau
voru reynd. Á markvörð tslands,
Sigurð Dagsson, reyndi því ekki
mikið meðan sá frægi kappi, Pat
Jennings, hafði nóg að gera i
marki írskra — og stóð sig mjög
vel.
Varnarleikurinn lykillinn
Lykillinn að sigri tslands fólst í
stórsnjöllum varnarleik —
varnarleik, sem tók allan brodd
úr sókn Norður-tra. Allir fjórir
öftustu varnarmenn tslands,
Jóhannes, Marteinn Geirsson,
Ölafur Sigurvinsson og Janus
Guðlaugsson léku hver öðrum
betur. Gísli Torfason alltaf tiltæk-
ur ef á þurfti að halda. Jóhannes
var kóngurinn í vörninni. Akaf-
lega sterkur og átti nær alla háa
knetti inn í vítateig íslands. Batt
vörnina saman, Lék mjög stórt og
þýðingarmikið hlutverk í íslenzka
liðinu og þá ekki sízt sem fyrir-
liði. Marteini Geirssyni urðu ekki
á mistök í vörninni. Öruggari og
betri leikmaður en nokkru sinni
fyrr — leikmaður, sem ekki lætur
mikið yfir sér. Framkvæmir hins
vegar hlutina á sem auðveldastan
hátt. An nokkurrar sýndar-
mennsku. Hógværðin i styrkleika
Marteinser aðdáunarverð.
En mest komu bakverðirnir á
óvart. Janus Guðlaugsson ,,sló
í gegn" í sínum fyrsta landsleik.
Eldfljótur með gott auga fyrir
staðsetningum og sparkviss. Þessi
21 árs FH-ingur er vissulega
maður framtíðarinnar — og
hægra megin lét Ölafur
Sigurvinsson ekki sinn hlut eftir
liggja. Lék einn sinn bezta ef ekki
bezta landsleik gegnum árin.
Leikmaður, sem vex með verkefn-
unum — fljótari en flestir, og
gerði fljótasta mann Norður-
Irlands, David McCreery, nánast
að statista í leiknum.
Ef hægt er að setja upp leikað-
ferð íslenzka liðsins var þar
breyting frá því, sem áður hefur
einkennt lið Tony Knapp. Nánast
4-3-3 með þeirri reglu, að Gísli var
ávallt til staðar i sambandi við
vörnina. Ingi Björn Albertsson
aftastur þriggja framherja. Það
er áður en Atli Eðvaldsson kom í
stað Guðmundar Þorbjörnssonar,
sem meiddist lítillega í leiknum.
Aðalgallinn í leik íslenzka liðsins
var hve framherjunum tókst illa
að halda knettinum — leika á
mótherja, og á því atriði brotnuðu
flestar sóknarlotur íslands.
Knötturinn fljótt kominn á
varnarmenn okkar aftur. Þetta á
jafnt við um Guðmund og Teit
Þórðarson sem Inga Björn — en
Ingi var langhættulegastur fram-
herja tslands. Hann skoraði sigur-
markið og ef heppnin hefði verið
honum fylgispök hefðu mörk
hans eins getað orðið þrjú. Hefur
einstæða hæfileika til að vera á
réttum stað á réitum tíma í sam-
bandi við marktækifæri — langt
umfram aðra íslenzka knatt-
spyrnumenn. Svo eldfljótur í við-
brögðum — skýzt frá öðrum á
tveim-þrem metrum. Knatt-
spyrnuskyn hans aðdáunarvert.
Ásgeir Sigurvinsson og Guðgeir
Leifsson eru ákaflega glæsilegir
knattspyrnumenn. Leikni
Guðgeirs snilldarleg og sendingar
hans margar frábærar. Þær hefðu
átt að gefa tslandi fleiri mörk. I
heild lék Guðgeir mjög ljúfan leik
— einn slnn bezta í íslenzku
landsliði og það segir meira en
flest annað. Ásgeir sýndi tilþrif,
sem fáir eða enginn gat leikið
eftir honum á vellinum, og vinn-
an, sem hann leggur í leikinn er
gífurleg. Þrumuskot hans var
upphafið að sigurmarki íslands
— en við gerum svo miklar kröfur
til Asgeirs, að ef til vill uppfyllti
hann þær ekki allar í þessum leik.
Hefur leikið betur í landsliðinu
— en það fer ekki milli mála, að
Ásgeir er mestur snillingur
íslenzkra knattspyrnumanna.
ísland byrjaði vel
Islenzka liðið byrjaði prýðilega
í leiknum og eftir aðeins þrjá
mín. hefði það átt að ná forustu í
leiknum. Dæmd var aukaspyrna
á Norður-íra rétt utan vítateigs
vinstra megin. Ásgeir spyrnti
vel. Gaf inn í teiginn, þar sem
Jóhannes stökk hæst og skallaði
til Marteins,j.sem var fyrir opnu
marki. En Marteinn hitti knöttinn
illa og spyrna hans fór rétt fram-
hjá — og Teitur kannski í skot-
færinu. Og aftur skall hurð nærri
hælum þremur mín. síðar, þegari
Ingi Björn geystist með knöttinn
inn í vítateiginn. Hamilton tókst
að spyrna í horn á slðustu stundu.
En svo færist deyfð yfir leik
islenzka liðsins. Það var eins og
einhvern neista vantaði. Jafnræði
var með liðunum. írar meira með
knöttinn án þess að ná nokkru út
úr sóknarleik sínum — og þeir
virkuðu oft sem 11 einstaklingar.
Engin liðsheild.
Leikurinn mest miðjuþóf og
upp úr einu þeirra hrökk knöttur-
inn frá íra í Guðmund og til Inga
Bjarnar. Það var á 32. mín. Ingi
lék hratt upp — og Asgeir var á
auðum sjó vinstra megin. Ingi gaf
til hans — og rétt innan vítateigs
spyrnti Asgeir þrumufleyg með
vinstri á írska markið. Jennings
gerði vel að verja. Sló knöttinn
út fyrir markteiginn. Þar var Ingi
Björn miklu fljótari að átta sig en
aðrir. Eins og örskot náði hann
knettinum og hafði markið opið
fyrir framan sig. Jakcson reyndi
að komast fyrir, en tókst ekki —
og Ingi Björn spyrnti knettinum
framhjá Rice, sem hafði hlaupið í
markið. Fallegt mark, sem vel var
að unnið.
Við það færðist miklu meira
fjör í leikinn. Danny Blanch-
flower kippti Jackson út af og
setti Spence. Framherja fyrir
framvörð til að fá meiri þunga i
sóknina. Réttur leikur hjá
Blanchflower þó ekki kæmi hann
að notum fyrir hann, en Spence,
Blackpool, var það, sem eftir var
hættulegasti framherji tra. Eftir
að Janus hafði bjargað vel eftir
aukaspyrnu íra í horn komst
'Spence nokkru síðar í allsæmilegt
færi, en spyrnti knettinum í
hliðarnetið í viðureign við Gísla.
Á 43 mín. náðu trar sínu bezta
upphlaupi í leiknum. Jimmy
Nicholl gaf á félaga sinn Sammy
Mdlroy hjá Man. Utd. og Mcllroy
lék upp vinstri kantinn. Gaf til
Spence, sem með brjóstinu stýrði
knettinum í eyðu inn við mark-
teig. Þar kom Mcllroy á fullri
ferð. Allt opið — nema hvað Sig-
urður var auðvitað á réttum stað í
markinu og varði lausa spyrnu
Irans án minnstu erfiðleika. Þar
fór bezta tækifæri íra til að jafna
— en á næstu mín. hafði Ingi
Björn möguleika að auka við for-
skotið. Fékk stungubolta fram —
og átti aðeins Jennings eftir. En
Inga Birni urðu á mistök. Gaf
knöttinn of langt frá sér og
Jennings hirti hann þakklátur. I
hálfleiknum bókaði dómarinn
frægi, Rudi Gloeckner, sem
dæmdi sinn síðasta stórleik,
Mcllroy fyrir truflandi bragð í
aukaspyrnum. Þóttist verja telja
skrefin að varnarveggnum — og
meðan hann gerði það var auka-
spyrna tekin.
Síðari hálfleikurinn verður
ekki minnisstæður. Mikið þóf'
oftast. Harka, aukaspyrnur og
gróf brot. trar voru miklu meira
með knöttinn — yfirtóku miðj-
una, en fengu aðeins eitt tækifæri
að marki. Gísli var bókaður fyrir
brot á Nelson — Atli Eðvaldsson
kom inn fyrir Guðmund, þegar
hálfleikurinn var tæplega hálfn-
aður og stóð allvel fyrir sínu, og
Gerry Armstrong, Tottenham,
f.vrir Anderson.
Þó brá fyrir köflum. Guðgeir
eftir samvinnu við Teit átti beztu
sendingu leiksins á 65. mín. Gaf
snilldarlega inn fyrir vörn Ira,
þar sem Ingi Björn kom á fullri
ferð og komst frír ínn í vítateig-
inn. Aðeins Jennings til varnar —
en Ingi Björn hafði enga áætlun,
þegar að stóru stundinni kom. I
stað þess að lyfta knettinum yfir
markvörðinn ienti hann í návígi
við hann og hið gullna tækifæri
rann út í sandinn. Knötturinn
rann framhjá markstönginni.
Góður leikur íslands um stund.
Mjög fallegt upphlaup á 70 mín.
Guðgeir, Ásgeir, Atli — og
Jennings gerði vel í að slá knött-
inn yfir þverslá eftir spyrnu Inga
Bjarnar. Þá aukaspyrna
Guðgeirs, sem straukst framhja
marki Ira eftir að knötturinn
hafði komið við einn varnar-
manna.
Lokakaflann sóttu trar nær
stanzlaust og Sammy Nelson fékk
gullið tækifæri til að jafna.
Skallaði knöttinn frír rétt utan
markateigs — en of laust og Sig-
urður varði auðveldlega. Eftir
misheppnað úthlaup Sigurðar
aðeins síðar átti McGrath skot úr
þröngri stöðu — en Sigurður
varði í horn. Enginn árangur Ira í
hornspyrnunni og leiktímanum
var lokið. íslendingar féllust í
faðma jafnt niður á vellinum sem
á áhorfendasvæðunum. Áhorf-
endur, sem greiddu aðgangseyri
voru 10269 — en áreiðanlega hafa
ekki verið undir 12 þúsund á vell-
inum.
Loksins HM-sigur og það gegn
liði, sem á hefur að skipa sterkum
einstaklingum — en ekki liðs-
heild. Miðverðir Norður-trlands,
Alan Hunter, Ipswich og Jimmy
Nicholl, voru auk Jennings beztu
menn írska liðsins. Ákaflega
sterkir leikmenn báðir tveir.
Nelson virkaði sterkari bak-
vörður en hinn miklu þekktari
félagi hans hjá Arsenal, Pat Rice
— og einnig kom á óvart, að
McGrath virkaði betri leikmaður,
en félagar hans hjá Man.Utd.
Mcllroy og McCrerry. Það var
ekki þeirra dagur að þessu sinni,
enda í ákaflega strangri gæzlu
nær allan tímann. Spence vara-
maður var skæðasti sóknarmaður
íra — leikmaður, sem ekki mátti
gefa tækifæri, og það sá Jóhannes,
um að ekki varð. Dómarinn
flautaði mikið — enda oft nauð-
synlegt — og hafði góð tök á
leiknum eins og hans var von og
vísa. hsim.
Marki tslands fagnað. Ingi Björn, nr. sjö, snýr sér til félaga sinna — Teitur á leið tii hans. Jackson liggur á grúfu — og Jennings, lengst til
vinstri. DB-mynd Bjarnleifur.