Dagblaðið - 05.05.1979, Blaðsíða 28

Keflavík:
FÉKK HEIÐURSBORGARINN
6 MILU. FYRIR EKKERT?
Úthlutun þriggja lóða í^JCeflavík til
handa Karvel ögmundssyni frá
Njarðvík hefur vakið reiði margra. í
nýútkomnum Suðurnesjatíðindum er
aðalfyrirsögnin: „VÍÐA KEMUR
KARVEL VIÐ — fær andvirði 6
milljóna kr. fyrir ekki neitt”.
Þar segir að Keflavikurbær hafi
látið Karvel Ögmundsson útgerðar-
mann og heiðursborgara hafa þrjár
byggingarlóðir án þess að hann greiði
gatnagerðargjald og auk þess fellt
niður vangreiddan fasteignaskatt upp
á hálfa aðra milljón. Allt þetta fái
Karvel fyrir ekki neitt.
Steinþór Júlíusson bæjarritari var
spurður um málið: „Árið 1971 keypti
bærinn land af rikinu,” svaraði
hann. „Áður hafði ríkið leigt
nokkrum mönnum þetta sama land
til ársins 1983. Karvel var hins vegar
ekki með þess háttar leigusamning.
En á uppdráttum sem við áttum var
merkt að hann ætti þarna 41 hektara
lands. Nú, byggt var á þessu landi án
þess að rætt væri við Karvel. Hann
hafði hins vegar í höndunum þing-
lýsta yfirlýsingu frá Varnarmáladeild
ríkisins, sem tekið hafði landið
eignarnámi vegna flugvallarins, að
þarna ætti hann land. Sú yfirlýsing
var þinglýst í Hafnarfirði, að mig
minnir 1973.
Karvel gerði þá kröfu að bærinn
léti hann hafa í skaðabætur 4 bygg-
ingarlóðir. Við hins vegar létum hann
hafa lóðirnar þrjár og eftirgjöf af
gjöldunum. Tvær af lóðunum þrem
eru á svæði sem erfitt hefur verið að
úthluta. Þeim hefur nokkrum sinnum
verið úthlutað en menn ævinlega
skilað þeim aftur. Ein lóðanna er
hins vegar í hverfi sem nú er verið að
byggja. AUar lóðirnar fékk hann án
þess að greiða gatnagerðargjöld. Það
gatnagerðargjald sem hann hefði
greitt hefði orðið hálf fimmta milljón
og skuldirnar voru hálf önnur.
Þannig fá Suðurnesjatíðindi út tölu
sína.
En það gleymist að á landi Karvels
er nú farið að byggja hús. Fyrir þau
hús komi gatnagerðargjöld og önnur
gjöld sem kannski hefðu ekki komið
fyrr en 1983 ef ekki hefði verið hægt
aðsemja,” sagði Steinþór. -DS
11,5%
vextir af
orlofsfénu
Ríkisstjórnin hefur samþykkt
tillögu félagsmálaráðherra um
hækkun ársvaxta á orlofsfé laun-
þega úr 5% í 11,5% fyrir orlofs-
árið sem nú er að enda.
Þetta eru enn býsna lágir vextir
en ávöxtun orlofsfjárins fer að
öðru leyti til að greiða kostnað
við starfrækslu orlofsdeildarinn-
ar, reikningshald, skil og inn-
heimtu.
Ákvörðun um hækkun byggist
á hagkvæmum samningum sem
hafa verið gerðir við Seðlabank-
ann, að sögn félagsmálaráðherra.
Jafnframt hefur verið gefin út
reglugerð sem leggur þá skyldu á
herðar póstgiróstofunni aðgreiða
launþegum út allt sitt orlofsfé
þegar þeir hyggjast fara i sumar-
frí, jafnvel þótt skil hafi ekki
borizt á því fé frá launagreið-
anda. -HH
Misjafnlega
lítið ánægð-
ur í pólitík
— segir Jónas
r
Arnason
„Orðinn?” spurði Jónas Árna-
son alþingismaður (AB) þegar DB
spurði hvort hann væri orðinn
leiður á pólitik. „Maður hefur
verið misjafnlega litið ánægður i
pólitikinni,” sagði Jónas.
Jónas hyggst ekki verða i fram-
boði í næstu kosningum. „Helzt
ætla ég að skrifa sem mest af leik-
ritum og bókum,” sagði hann um
fyrirætlanir sínar. „Yngsti sonur
okkar af fimm börnum verður
stúdent í vor. Það þýðir að það,
sem inn kemur fyrir ritstörf, mun
draga lengur til framfærslu en
áður. Ég hef auk þess haldið
réttindum til kennslu.
Ég hef áður skipt um,” sagði
Jónas Árnason. „Ég var einu
sinni blaðamaður, hætti þvi, sem
var gæfuspor, fór á sjóinn og i
kennslu og skrifaði bækur. Ég
hafðiekkiilltafþvi.”
Jónas sagðist hafa verið Iasinn
um skeið en það kæmi ákvörðun
þessari ekki við þótt víst væri ró-
legra að sitja við skrifborð.
HH
BSRB'
55-60% KJÖRSÓKN
— talning hef st á mánudag
„ Við höfum ekki nákvæmar tölur en
dæmi eru um kjörsókn frá 80—90% á
litlum stöðum og jafnvel dæmi um
100% kjörsókn. Á stærri stöðunum eru
víða um 60% búnir að kjósa á staðnum
og ég mundi gizka á að kosningaþátt-
takan væri 55—60% yfir línuna,”
sagði Haraldur Steinþórsson, fram-
kvæmdastjóri BSRB, er Dagblaðið
hafði samband við hann rétt fyrir kl. 18
igær.
Hann sagðist reikna með að talning
gæti hafizt í dag hjá einhverjum bæjar-
starfsmannafélögum en hjá ríkisstarfs-
mönnum þarf hins vegar að stefnasam-
an öllum kössum áður en talning getur
hafizt og væri stefnt að því að það gæti
orðið á mánudag en Haraldur sagðist
telja það vafasamt þar sem viða væru
miklir samgönguerfiðleikar.
- GAJ
GREIND 0G VÍKKUN
VITUNDARINNAR
DÝRU VERDIKEYPT
„Sá sem vill taka þátt í þessu nám-
skeiði veit hvað hann fær mikið í
staðinn, aukna greind, meiri vellíðan,
auk þess sem vitund hans stækkar og
vikkar,” sagði Sturla Sighvatsson,
ábyrgðarmaður Tiðinda íslenska
ihugunarfélagsins, í viðtali við DB í
gær.
Tilefnið var að í fréttabréfinu er
auglýst hálfsmánaðar námskeið í
haust á einhverju sveitahóteli og á
það að kosta 720 þúsund fyrir ein-
stakling sem hefur yfir 350 þús. mán-
aðarlaun, eða um 51 þúsund á dag.
Haustverð á Hótel KEA á Akur-
eyri, miðað við hálfs mánaðar dvöl
og þrjár góðar máltiðir á kaffiter-
íunni daglega, er 134 þúsund, þannig
að námskostnaðurinn miðað við það
verð er 586 þúsund.
Sé miðað við 8 tíma náms- eða
íhugunartíma á dag greiðir einstakl-
ingurinn 5.200 krónur á tímann.
Reiknað er með að þátttakendur
verði ca 20 og losar þá tíminn 100
þúsund krónur miðað við mann með
áðurnefndar tekjur en Iágtekjumenn,
atvinnujeysingjar, húsmæður og elli-
lífeyrisþegar fá námskeiðið fyrir 320
þúsund.
í þessu verði er falið 5 vikna kvöld-
námskeið er svarar til svo sem tveggja
átta stunda daga og verður náms-
tímaverðið þá 2.817 krónur.
Þrátt fyrir þessar tölur taldi Sturla
námskeiðið ekki dýrt þar sem
kennslugögn og tveggja kvölda viku-
legir fundir í sex mánuði fylgdu með
ef menn vildu nýta sér þá.
Milljón
króna auka-
kostnaður
„Þetta eru nú ekki nein ósköp,”
sagði Páll Zóphóníasson, bæjarstjóri í
Vestmannaeyjum, í viðtali við DB um
það hver beinn kostnaður af verkfalli
farmanna hefði orðið fyrir Vestmanna-
eyjakaupstað. Sem kunnugt er hófu
eyjaskeggjar mikla flutninga á mjólk
og mjólkurvörum fljótlega eftir að
verkfallið skall á og Herjólfur hætti
siglingum.
„Þetta hafa verið þrir flugdagar
alls,” sagði Páll ennfremur. „Okkur
telst til að um 30 tonn hafi verið flutt
með flugvélum Eyjaflugs og Vængja og
aukakostnaður vegna þess hefur numið
rétt rúmri milljón, eftir því sem við
komumst næst.”
Páll sagði að ekki hefði verið farið
að bera á tiltakanlegum vöruskorti,
það væri oftlega þannig úti á landi að
ekki fengjust allar vörur. Þeir hefðu
fengið undanþágu strax í upphafi verk-
falls til þess að mega landa kjöti og kar-
töflum úr Heklunni og því hefði það
ekki skort.
____________________—HP.
Farmannadeilan:
Enginn
sáttafundur
boðaður
Ekki hefur enn verið boðaður sátta-
fundur í farmannadeilunni en viðræður
strönduðu sem kunnugt er sl. mánu-
dag.
„Menn búast við þvi að eitthvað fari
að gerast eftir helgina i sáttafundaátt,
hvað sem svo kemur út úr þeim fundi,”
sagði Páll Hermannsson hjá FFSÍ i
samtali við DB í gærkvöldi.
Á fundi samninganefndar FFSÍ i gær
var eftirfarandi samþykkt: „Vegna
samgönguerfiðleika á landsbyggðinni
samþykkir samninganefnd FFSÍ að
verða við beiðnum um flutning með
Skipaútgerð ríkisins á nauðsynjavörum
til þeirra staða þar sem vöruþurrð er
yfirvofandi vegna vegatakmarkana og
aurbleytu á flugvöllum. Nefndin felur
verkfallsnefnd FFSÍ að meta hverja
einstaka beiðni um undanþágu til flutn-
inga."
Páll sagði að ástæðan fyrir þessari
samþykkt væri ekki sízt sú að farmenn
ættu von á löngu verkfalli. —GAJ-
Forstjór-
um fækkað
umtvo
Sigurður Helgason, einn þriggja nú-
verandi forstjóra Flugleiða, verður
einn forstjóri félagsins frá og með
næstu mánaðamótum skv. samþykkt
stjórnar félagsins í gær.
Hinir forstjórarnir tveir, Örn O.
Johnson og Alfreð Elíasson, gáfu ekki
kost á sér í starfið. Örn er stjómarfor-
maður og Alfreð varaformaður.
—GS.