Dagblaðið - 11.12.1980, Blaðsíða 17
DAGBLAÐIÐ. FIMMTUDAGUR 11. DESEMBER 1980.
H-TíRfMl
é&mSBEmOBB*
1 w i
'frTAOíl
á flugi yfir vítatcig Haukanna og skorar örugg
DB-mynd S.
nnáttu
horni?
sson skoraði sigurmark
íHaukumíl.deild
voru til leiksloka skoraði Stefán Halldórsson
markið, sem reyndist ráða úrslitum. Slapp
inn úr horninu og skoraði í „dauða hornið”
hjá Gunnari. Var þetta eina mark hans í
leiknum. Skömmu síðar var fullkomlega
löglegt mark, að því er virtist, dæmt af
Svavari, og Haukar misstu síðan knöttinn
rúmri mínútu fyrir leikslok eftir misheppnað
skot, en Valsmenn gerðu ekki betur en að
hanga á tuðrunni út leiktímann.
Haukarnir léku á köflum ágætlega í
gærkvöld og ef taka á mið af frammistöðu
Valsmanna í leiknum er útilokað að gera sér í
hugarlund hvernig þeir fóru að að sigra KR
með sautján marka mun á laugardag. Liðið
er enn þunglamalegt og flýtur á yngri og létt-
ari mönnunum, Bjarna, Gunnari, Steindóri
og Brynjari. Óli Ben. varði ekki nerna
þokkalega í gærkvöld.
Mörkin. HaukarrÁmi Hermannsson 5,
Lárus Karl Ingason 4, Viðar Símonarsson
3/3, Hörður Harðarson 2/1, Árni Sverrisson
2, Sigurgeir Marteinsson, Svavar Geirsson,
Sigurður Sigurðsson, Stefán Jónsson og
Júlíus Pálsson 1 hver. Valur: Bjarni
Guðmundsson 5, Gunnar Lúðvíksson 4,
Þorbjörn Guðmundsson 4, Brynjar Harðar-
son 3/2, Steindór Gunnarsson 2, Gísli
Blöndal 2, Þorbjörn Jensson, Jón Pétur
JónssonogStefánHalldórsson 1 hver.
Haukar fengu 4 víti — nýttu öll.
Valsmenn fengu 2 og skoruðu úr báðum.
Einum úr hvoru liðið var vísað út af —
Svavari hjá Haukum og Þorbirni Jenssyni
hjá Val.
-SSv.
\-keppninni
Woodcock. Stuttgart. Konopka sjálfsmark.
Áhorfendur 26.000. Köln vann samanlagt
| 5—4.
í Torino: — Torino, Ítalíu-Grasshoppers,
Sviss, 2—1 eftir framlengingu. Samanlagt
3—3. Torino Graziani 62. mín. Pulici 63.
mín. Grasshoppers Terraneo sjálfsmark 28.
mfn. Áhorfendur 35 þúsund. Grasshoppers
sigraði 4—3 í vitaspyrnukeppni.
JafnthjáÍA
og Haukum
Kvennalið Hauka fékk sitt fyrsta stig í 1.
deild kvenna i gærkvöld er liðið náði
jafntefli, 9—9, við dömurnar af Akranesi í
leik liðanna, sem fram fór í íþróttahúsinu
við Strandgötu í Hafnarfirði. E.t.v. er rétt-
ara að segja að Skagastúlkurnar hafi náð
jöfnu, þvi Haukar leiddu 7—3 í hálfleik.
Þeim ■ tókst hins vegar aðeins að skora
tvívegis í s.h. og í A jafnaði.
Mörkin. Haukar: Guðrún Gunnarsdóttir
5, Elva Guðmundsdóttir 2, Hólmfríður
Garðarsdóttir og Svanhildur Guðlaugsdóttir
1 hvor. Fyrir ÍA: Laufey Sigurðardóttir 3/1,
Kristín Aðalsteinsdóttir 2, Lára Gunnars-
dóttir 2, Ragnheiður Jónsdóttir og Kristín
Reynisdóttir 1 hvor.
Þrumufleygar Ásgeirs
sprungu út í Dresden
—ásgeir Sigurvinsson skoraði þrjú mörk, þegar Standard Liege sigraði Dynamo
4-1 í Dresden í UEFA-keppninni
„Ásgeir Sigurvinsson átti hreint stór-
kostlegan leik með Standard í Dresden í
gær. Ég held að ég hafi ekki séð hann
betri. Það gekk allt upp hjá honum og
hann skoraði þrjú frábær mörk. Kom
Standard í 3-0 og liðið komst í 4-0 með
marki Tamahata, Mólúkkans frá Hol-
landi, áður en Dynamo skoraði sitt eina
mark í leiknum,” sagði Karl Þórðar-
son, þegar DB ræddi við hann í Belgíu í
gærkvöld. Karl fylgdist með leiknum í
belgíska sjónvarpinu.
„Það kom strax í ljós að Ásgeir var
„í stuði” — sendingar hans til sam-
herja mjög snjallar og svo tók hann
líka að sér að skora mörkin. Hann fékk
knöttinn snemma leiks um miðjan völl.
Tók á rás og komst upp að vítateig
Dynamo. Stillti kanónuna og knöttur-
innflaug í markið. Síðar i hálfleiknum
kom Ásgeir Standard í 2-0. Knettinum
var rennt til hans úr aukaspyrnu utan
vítateigs. Þrumufleygur og knötturinn
lá í marki Dynamo Dresden.
I siðari hálfleik lék Ásgeir ásamt
einum félaga sínum upp vinstri kant-
inn. Fékk knöttinn í þröngu færi á ská
við markið. Spyrnti — negling í
markið. Öll þrjú mörkin þrumufleygar,
sem maður sér ekki á hverjum degi.
Snilldarleikur Ásgeirs. Tahamata
skoraði fjórða mark Standard á 80.
mín. en rétt fyrir leikslok skoraði
Dörner eina mark austur-þýzka
liðsins,” sagði Karl ennfremur.
í fyrri leik liðanna í Liege varð jafn-
tefli 1-1. Standard kemst því í átta-liða
úrslit samanlagt 5-2.
Lokeren, liðið sem Arnór Guðjohn-
sen leikur með í Belgíu, náði einnig
mjög góðum árangri í UEFA-keppn-
inni í gærkvöld. Gerði jafntefli 2-2 við
Real Sociedad í San Sebastian á Spáni.
Það nægði Lokeren til að komast
áfram. Liðið sigraði í heimaleiknum 1-
0 fyrir hálfum mánuði. Danski leik-
maðurinn Elkjar Larsen var hetja
Lokeren í gær. Skoraði tvö fyrstu mörk
leiksins á 21. og 50. mín. Lokeren hafði
þá yfir 3-0 samanlagt. Síðustu átta
mínúturnar skoraði spánska liðið tví-
vegis — fyrst úr vítaspyrnu — en það
nægði ekki. Lokeren er komið í 8-liða
úrslit ásamt Standard, St. Etienne og
Sochaux, Frakklandi, Grasshoppers,
Zurich, Sviss, Köln, AZ ’67 Alkmaar
og Ipswich Town. -hsím,SSv.
iceLander sigurvinsson scored three tim
took the tatly to fou r. doerner nctched dyn
goal in the second half.
Lokeren traveLLed ^to spain hoLding a na
over reaL san sébastian but they too iVent t
reuter rp
es and simon tahamata
amo’s consoLaticn
rrow 1-0 advantage
hrough, drav/ing ?-?.
V
•• - ' - :
.
Jf
Ásgeir Sigurvinsson
Dresden.
— þrenna í
Stórsvigið í Madonna í gær:
Stenmark náði beztum
tíma f báðum umferðum
—og vann sinn 55. sigur í keppni heimsbikarsins í alpagreinum
Ingemar Stenmark virðist ætla að
verða algjör yfirburðamaður i keppni
heimsbikarsins i alpagreinum i vetur. í
gær sigraði hann í stórsvigi heims-
bikarins í Madonna di Campiglio á
ftalíu. Ekki nóg með að hann sigraði.
Hann hlaut beztan brautartima í
báðum umferðum. Á þriðjudag
sigraði hann i fyrstu svigkeppni hcims-
bikarsins eins og við skýrðum frá á í-
þróttasíðunum í gær. Nú sigraði hann í
fyrstu stórsvigskeppninni.
Stenmark var ótrúlega öruggur á
harðri, ísaðri brautinni í stórsviginu_ í
gær. Virtist í sérflokki. Keyrði á
1:17.60 mín. í fyrri umferðinni og
1:24.54 min. í þeirri síðari. Samanlagt
2:42.14mín. íbáðum umferðum.
Eftir fyrri umferðina hafði hann þó
ekki nema 9/100 úr sekúndu forustu á
hinn 21 árs Rússa, Alexander Zhirov,
sem keyrði á 1:17.69 mín. Hans lang-
bezti árangur hingað til i keppninni um
heimsbikarinn. í síðari umferðinni
keyrði hann einnig afburðavel. Steig
ekki rangt niður fæti og fékk tímann
Öster keypti
miðherja
Öster, sænska meistaraliðið, sem
Teitur Þórðarson hefur leikið með und-
anfarin ár, hefur tryggt sér nýjan mið-
herja í stað Teits. Allar likur eru á að
Teitur gerist leikmaður hjá franska 1.
deildarliðinu Lens innan skamms.
Nýi leikmaðurinn hjá Öster, Jan
Mattson, er einn af kunnustu leik-
mönnum Svíþjóðar i knattspyrnunni.
Landsliðsmaður. Varð atvinnumaður i
Vestur-Þýzkalandi 1976 hjá Fortuna
Dusseldorf. Var þar í eitt ár. Lék síðan
hjá Krefeld en gerðist svo leikmaður
hjá Bayer Uerdingen í Bundeslígunni.
Öster hefur samið um kaupverð á
Mattson við þýzka félagið. Greiðir
fyrir hann 340 þúsund sænskar krónur
— 150 þúsund vestur-þýzk mörk — eða
um 45 milljónir islenzkra króna.
1:24.97 mín. En þrátt fyrir afburða
frammistöðu náði hann samt 43/100 úr
sekúndu lakari tíma en Ingemar
Stenmark. Árangurinn nægði þó
Rússanum i annað sætið. í þriðja sæti
varð Gerhard Jáger, Austurríki, á
2:32.14 mín. og landi hans Hans Enn
varð fjórði á 2:43.29 mín. Hins vegar
varð Austurríkismaðurinn Anton
Steiner aftarlega. Misheppnaðist mjög í
.fyrri umferðinni. Ingemar Stenmark
telur Steiner hættulegasta keppinaut
sinn.
Sérfræðingar eru á einu máli um, að
Stenmark vinni heimsbikarinn á ný í
vetur. Reglunum hefur verið breytt
þannig að ekki þarf að keppa í öllum
greinum til að hljóta sigur. Stenmark
neitar sem kunnugt er að keppa I bruni.
Þá fá keppendur aðeins talin stig úr
fimm mótum i hverri grein — það er
bezta árangur sinn á fimm mótum.
Eins og Ingemar Stenmark hefur
byrjað keppnina — og ef hann sleppur
við meiðsli — virðist auðvelt fyrir hann
að ná hámarksstigafjöldanum í svigi og
stórsvigi eða 200 stigum. Eftir þrjár
fyrstu keppnisgreinarnar er stigatala
þeirra efstu þannig:
1. Ingemar Stenmark, Svíþjóð,. 50
2. Ulrich Spiess, Austurriki, 25
3. Bojan Krizaj, Júgóslavíu, 21
4. Ken Read, Kanada 20
Alexander Zhirov, Sovét, 20
Paul Frommelt, Lichenst. 20
7. Steve Podgorski, Kanada 15
Gerhard Jáger, Austurríki 15
Ingemar Stenmark er nú 24 ára.
Hann tók fyrst þátt í keppni heims-
bikarsins 1973. Varðþá í 46. sæti í stór-
svigi — og var með rásnúmer yfir
sjötíu. En síðan hefur margt breytzt.
Ingemar Stenmark og Norðmaðurinn Odd Sörli í Val d’lsere nýlega. Þar kepptu
þeir báðir i fyrsta sinn i heimsbikarnum 1973 i stórsvigi. Oddur varð i 46. sæti —
Ingimar í þvi 47.
Eftir sigurinn í gær hefur Stenmark á
þessum árum staðið 55 sinnum efstur á
verðlaunapallinum. Sigrað mun oftar
en nokkur annar í sögu heimsbikarsins.
Tekið þátt í 112 keppnum i heims-
bikarnum og 86 sinnum komizt á
verðlaunapallinn. Hreint ótrúlegt
öryggi. Hlotið 1570 heimsbikarsstig
eða miklu fleiri en nokkur annar.
-hsím.
Markhæstir
Markhæstu leikmenn i Bundeslíg-
unni í Vestur-Þýzkalandi eftir leikina
um helgina eru nú:
Burgsmuller, Dortmund 16
Rummenigge, B. Múnchen 12
Volkert, Núrnberg 9
Hoeness, B. Múnchen 8
Hrubesch, Hamburg SV 8
D. Múller, Koln 8
Okland, Leverkusen 8
Pinkall, Bochum 8
Funkel, Kaiscrslautern 8
Elgert, Schalke 8
Völler, 1860 8
Atli Eðvaldsson, Borussia Dort-
mund, er meðal fjölmargra leikmanna,
sem hafa skorað sjö mörk.
FramálBK
Framarar unnu stórsigur á Kefl-
víkingum í 1. deildinni í körfuknattleik
í gærkvöld er þeir lögðu Suðurnesja-
mennina að velli 86—66 eftir að hafa
leitt 36—32 í hálfleik. Strax í upphafi
síðarí hálfleiksins gerðu Framarar út
um leikinn. Komust 17 stigum yfir mest
fyrír tilstilli Val Bracy, sem fór á
kostum. Keflvíkingar brotnuðu alveg
saman og í lokin var munurinn kominn
f 20 stig. Símon Ólafsson skoraði mest
fyrir Fram eða 24 stig. Val Bracy var
með 21 stig. Terry Read var stiga-
hæstur Keflvikinga með 15 stig.
-SSv.