Dagblaðið - 11.12.1980, Blaðsíða 3

DAGBLAÐIÐ. FIMMTUDAGUR 11. DESEMBER 1980.
Eru allir vandræðaböm sem ekki látast berast með straumnum?
Gervasoni vildi heldur
þrengingar og útskúfun
en skipa sér á bekk með hræsnurum
Nanna Heiðarsdóttir, Melgerði 27,
R, skrifar:
Hinn 5. desember sl. hóf friðardúf-
an Sigurunn Konráðsdóttir sig til
flugs yfir ritvöllinn. Uppljómaður af
vizku himinsins kurraði fuglinn:
„Ég er friðarvinur en ekki þannig
að ég geti hugsað mér ísland sem land
fyrir liðhlaupa og lögbrjóta.”
. . . Og enn var kurrað: „Við höfum
sjálf nóg af vandræðabörnum úr
okkar eigin framleiðslu þó svo við
séum ekki að flytja þau inn.”
íslendingar hafa kosið að bera ekki
vopn á menn. íslenzkir karlmenn eru
ekki hnepptir í fjötra hermennsku.
Þess vegna er býsna kaldhæðnis-
legt að ata auri mann eins og Gerva-
soni sem er sama sinnis og íslend-
ingar um mannvíg og herþján. Hvern
veg getur þessari Sigurunni þótt
ámælisvert að Gervasoni leitist við að
lifa samkvæmt sannfæringu sinni?
Er hann „vandræðabarn” af því að
hann vill lifa þvi lífi sem á íslandi
telst sjálfsögð mannréttindi?
Þessi maður einsetti sér að þola
heldur þrengingar og útskúfun en að
skipa sér á bekk með hræsnurum og
ljúga upp einhverri trúarlegri eða
heimspekilegri ástæðu til að komast
hjá þátttöku í skrípaleik hernaðar-
gróðabrallsins, afkvæmi mannfyrir-
litningar. Aðkalla Gervasoni lögbrjót
fyrir þessa ákvörðun hans er í hæsta
máta vafasamt og má þá hafa i huga
að frönsk herlög eru algerlega aðskil-
in öllu almennu dómsmálakerfi en
gagnvart því hefur Gervasoni hreinan
skjöld.
Vegna þessa máls er líka vert að
benda á að styrjaldir sem hafa kostað
um 200 milljónir einstaklinga lífið á
síðastliðnum 160 árum eru ekki slys
eða náttúrulögmál heldur afleiðing af
pukri og skipulagningu afla (her-
gagnaframleiðenda o.fl.) sem hinn
almenni borgari skilur ekki og hefur
ekki tök á að fá nokkra heildarmynd
af. Það eru þessi öfl sem Gervasoni
gerir sig sekan um að neita um full-
tingi.
Eru allir vandræðabörn sem láta
ekki berast með straumnum?
0F MIKIÐ AF
FIMLEIKUM
— fleiri skíðamyndir í íþróttaþáttinn
Hrannar Már Sveinsson hringdi:
Það er allt of lítið sýnt af skíða-
myndum í íþróttaþætti sjónvarpsins.
Það þarf að gera öllum jafnt til
hæfis. Mér finnst hafa verið sýnt of
mikið af fimleikamyndum. Það eru
fáir sem stunda fimleika hér á landi
og því ekki réttlætanlegt að sýna svo
mikið af slíkum myndum.
Það væri gott að fá einhverjar
skíðamyndir núna á meðan allir eru
að bíða eftir snjónum.
Lesandi vill fá fleiri skíðamyndir i
íþróttaþáttinn.
íslendingur skrifar:
Áreiðanlega finnst mörgum mann-
inum undarlegt að nokkrir menn sem
hafa frían síma á kostnað almennings
skuli ráða því að íslendingar séu bók-
staflega sviptir notkun á þeirri upp-
finningu sem siminn er með okur-
gjaldi sem beita á með nýjum skrefa-
talningartækjum. Þessi skrefataln-
ingartæki virðast sem sé ætla að færa
okkur íslendinga nokkur skref aftur i
tímann, til þess tíma sem við vorum
undir Danakonungi og fengum
maðkað mjöl.
Allur almenningur mun eiga um
sárt að binda eftir afturförina, ekki
sízt aldraðir og öryrkjar en einnig
aðrir meira og minna, einstæðir for-
eldrar, fólk sem býr eitt sér og svo
mætti lengi telja. Það yrðu sem sagt
allir nema þeir sem hafa frían sima.
íslenzka þjóðin er orðin leið á af-
sökunum og innihaldslausum undan-
brögðum. Þess vegna eru lokaorðin
þessi: Framför og lækkun á síma-
kostnaði, ekkert skref aftur á bak.
HOOVER
ekki bara ryksuga...
Teppahreinsarinn frá HOOVER ekki aðeins
ryksugar teppið, hann hreinsar að-auki úr því
margskonar önnur óhreinindi sem ryksuga nær
ekki eins og t.d. • Klístur «Þráðarenda
• Dýrahár • Sand úr botni
• Bakteríumyndandi sveppa- og gerlagróður
Jafnframt ýfir hann flosið svo að teppið er ætið
sem nýtt á að líta, og það á jafnt við um
snöggtsem rya. Fjölþætt notagildi fylgihluta.
Og það er staðreynd að teppið endist þér lengur.
HOOVER

ég banka.bursta
og sýg...

FALKIN N
SUÐURLANDSBRAUT 8, SÍMI 84670
fiekking

Eru til hljómplötur með
lögum Johns Lennons á
þínu heimili?
Jóhann Steinsson sölumaður: Jú, ég á
nokkrar Bitlaplötur, Help, Abbey
Road, Sergeant’s Peppers, hvita
albúmið og fleiri. Svo á ég nokkrar
plötur með John Lennon einum, s.s.
Imagine.
Rúnar Daðason, vinnur i byggingar-
vinnu: Já, nokkrar Bitlaplötur og ein
með honum sér.
Pétur Jónsson húsasmiður: Já, ég á
eina með Bitlunum.
Ingi Þórðarson afgreiðslumaður: Það
held ég ekki. Jú, ég á Imagine og safn-
plötu með Bítlunum.
Jenný Jónsdóttir, vinnur i Trygginga-
stofnun: Já, það er til ein Bitlaplata:
Magdalena Björgvinsdóttir, vinnur i
Tryggingastofnun: Nei, en ég á kassett-
ur með Bítlunum.
*’« ”# ♦'♦'♦' ri'ftv*»*
a t. i attaáaaai a m. m 4 * *