Dagblaðið - 18.02.1981, Blaðsíða 7

DAGBLAÐIÐ. MIÐVIKðDAGUR 18. FEBRÚAR 1981. 7
[[ Erlent Erlent Erlent Erlent HBl

ATLI RUIMAR
HALLDÓRSSON
Rykmengun
orsakar
kynvillu
Rykmengun i andrúmslofti
getur gert menn hómósexúala
(kynvillta), segir tyrkneskur
fræðimaður, Dokumaci að nafni.
Hann segist hafa gert tilraunir á
rottum sem sýni þetta. Rotturnar
töpuðu bæði kynglórunni og vit-
inu, urðu árásargjarnar og illa á
sig komnar.
Páf i heim-
sóttifá-
tækrahverfi
Jóhannes Páll páfi sagði bisk-
upum á Filippseyjum að þeir ættu
að veita fátæku fólki liðsinni.
Dæmigerð fyrir hugsunarhátt
páfa þykir heimsókn hans i
Tondo, fátækrahverfi í Manilla,
þar sem 180.000 manns draga
fram lífið í sult og seyru. Páfi er í
12 daga ferð um Asíulönd.
Reagan Bandaríkjaforseti kynnir ef nahagsmálatillögurnar í nótt:
SKATTALÆKKUN OG
SPARNAÐUR RÍKIS
— ætlar að spara ríkinu 8 milljarða dollara á árinu
Reagan Bandaríkjaforseti ávarpar
þingið í Washington kl. 2 næstu nótt
að íslenzkum tíma og tilkynnir opin-
berlega efnahagsráðstafanir ríkis-
stjórnar sinnar. Byggjast þær á
niðurskurði ríkisútgjalda og lækkun
skatta og er ætlað að bæta ástandið,
sem forsetinn kallar „versta efna-
hagsöngþveiti frá því í heimskrepp-
unni 1930”.
Heimildarmenn innan stjórnkerfis
og þings segja að Reagan muni leggja
til 8 milljarða dollara niðurskurð á
fjárlögum yfirstandandi árs, sem
nemg alls 663 milljörðum dollara. Þá
verði útgjöld ársins 1982 skorin niður
um 44 milljarða dollara, en Jimmy
Carter forseti hafði reiknað með 740
milljarða útgjöldum það ár.
Búizt er við að forsetinn biðji þing-
ið að fallast á 10% lækkun tekju-
skatta, sem ntyndu koma til fram-
kvæmda I. júlí ef tillagan verður
samþykkl.
Reagan segir að nauðsynleg for-
senda árangurs sé sú að tillögurnar í
heild hljóti samþykki þings og þjóð-
ar. Einnig að ráðstafanirnar krefjist
fórna fólksins. Þykir þó sýnt að til-
lögurnar, sérstaklega þær er lúta að
niðurskurði ríkisútgjalda, muni lenda
í mótbyr á þinginu. Ætlun rikis-
stjórnarinnar er að beita niðurskurð-
arhnífnum fyrst og fremst á framlög
til menntamála og orkurannsókna.
Einnig verða framlög til almennings-
samgangna skerl, svo og ýmissa
málaflokka allt frá landbúnaði til
fjármögnunar á útflutningi. Þá mun
Reagan beina því til yfirvalda banka-
mála að halda vel á spöðunum til að
halda verðbólgu í skefjum.
SIGUR STÚDENTA
Pólskir stúdentar hafa ákveðið
að friðmælast við ríkisstjórnina
og gefa henni tækifæri til að
koma á meiri ró í landinu og
bægja frá hættu á íhlutun ná-
grannarikja með Sovétrikin í
fylkingarbroddi. Stjórnin til-
kynnti í gærkvöldi að hún myndi
leyfa stúdentum að stofna sjálf-
stæð samtök, en í staðinn lofa
stúdentar að virða stjórnarskrá
Póllands. Stúdentar hafa látið til
sín taka i mannréttindabaráttunni
í Póllandi. Þannig lögðu 700
stúdentar undir sig háskólann í
Lodz til stuðnings kröfum sínum
og hreiðruðu þar um sig á dýnum
(sjá mynd). Sumir höfðu með sér
ullarteppi að heiman, aðrir fengu
viðlegubúnað frá Einingu, sam-
tökum frjálsra verkalýðsfélaga.
Jaruzelski, forsætisráðherra
hefur mælzt til þess að gert verði
90 daga hlé á verkföllum í land-
inu. Sem stendur á stjórnin aðeins
í erfiðleikum með bændur.
Brezka stjórnfn ætlar að loka 20 kolanámum:
Verkamenn tak-
astáviðMöggu
— 20 til 30 þúsund missa atvinnu
Brezka ríkisstjórnin ræðir í dag við
foringja verkamanna í kolanámum i
landinu vegna hótunar þeirra um verk-
fallsboðun. Ólga er meöal námumanna
í kjölfar ákvörðunár stjórnarinnar um
að loka námum sem hún telur ekki arð-
bærar. Margaret Thatcher forsætisráð-
herra sagði þingheimi í Lundúnum í
gær að viðræðum sem fyrirhugaðar
voru við verkamenn á mánudag yrði
flýtt og eru þær boðaðar í dag sem fyrr
segir.
Námamenn í Suður-Wales riðu á
vaðið með verkfall og lögðu niður
vinnu i gær, alls 26.000 manns. Náma-
menn í Skotlandi og Yorkshire sögðust
vera reiðubúnir að taka þátt í baráttu
stéttarbræðranna. Starfsmenn járn-
brauta og hafnarverkamenn lofuðu
stuðningi við verkfallsaðgerðirnar. .loe
Gormley, leiðtogi sambands náma-
manna i Bretlandi, hefur árangurslaust
reynt að halda aftur af félagsmönnum
sinum og fá þá til að fresta verkföllum.
Námantenn í Bretlandi státa af
mikilli stéttarlegri einingu og hafa látið
til sin taka áður svo um munaði.
Skemmst er að minnast kjarabaráttu
þeirra árið 1974 sem Varð til þess að
ihaldsstjórn Edward Heaths hrökkl-
aðist frá völdum. Óttast námamenn nú
að allt að 30.000 úr þeirra röðum missi
vinnu vegna áforma Thatcher-stjórnar-
innar. Forsætisráðherrann sagði þó á
þingi í gær að svo væri ekki. Gizkað er
þó á að a.m.k. 20.000 muni missa at-
vinnuna.
V uko og John: Double Fantasy seldist I meira en tveimur milljónum eintaka I Banda-
rikjunum og er efst á sölulistum viðs vegar um heiminn.
Milljónaflæði
til Yoko Ono
Milljónirnar safnast að Yoko Ono,
ekkju John Lennons, eftir að hann var
myrtur í New York. í Bandaríkjunum
einum hefur plata þeirra hjóna, Double
Fantasy, selzt í meira en tveimur millj-
ónum eintaka. t a.m.k. 17 löndum er
„Double Fantasy” í efstu sætum á
listum yfir söluhæstu plöturnar. Reikn-
að er með að tekjur Yoko Ono af söl-
unni séu hálf til ein milljón isl. króna á
dag!
Bandaríska blaðið Wall Street
Journal lék sér að tölum. Blaðið reikn-
aði út tekjur Ono og sagði að hún hefði
annað eins í tekjur af hlutabréfum bg
öðrum eignum sem Lennon skildi eftir
sig. Og Wall Street Journal sagði að
Yoko ætti von á meiri peningum. Það
mun taka tiu bókhaldara og endur-
skoðendur tvö ár að fá heildaryfirsýn
yfir eignir Lennons. Þær eru gróft
reiknaðar á verðgildi sem svarar einum
milljarði króna. En auðæfin virðast
ekki hafa breytt Yoko Ono, að því er
séð verður. Á hverjum mofgni, klukk-
an fimm, gengur hún um í Central Park
klædd svörtum sorgarklæðum. Degin-
um ver hún í vinnunni, annaðhvort á
skrifstofu eða I stúdiói. Þar er hún að
ganga frá tónsmíðum sem Lennon var
langt kominn með þegar örlagadagur-
inn rann upp í desember. Þegar Yoko
Ono er iangt niðri leitar hún aðstoðar
landa síns, Takio Tasushi. Hann spáir í
stjörnurnar fyrir hana.
Bandaríkin:
Verðstríð
bílasala
Verðstríð hefur brotizt út i
hinum hrjáða bílaiðnaði Banda-
ríkjanna. Risarnir General Mot-
ors og Ford berjast um viðskipta-
vinina og beita undirboðum til að
koma út framleiðslu sinni. Gener-
al Motors, stærsti bílaframleið-
andi Bandaríkjanna, tilkynnti í
gær að viðskiptavinum byðist
500—700 dollara staðgreiðsluaf-
sláttur á smáum og meðalstórum
bílum. Innan við klukkustund
síðar tilkynnti Ford 10% verð-
lækkun á ákveðnum tegundum.
Þykir einsýnt að stríð bílarisanna
verði til þess að auka enn erfið-
leika þeirra. Fjórar stærstu bila-
smiðjur landsins töpuðu rúmlega
4 milljörðum dollara á síðasta ári.