Ársrit Ræktunarfélags Norðurlands - 01.01.1913, Qupperneq 130

Ársrit Ræktunarfjelags Norðurlands. 135
verður erfiðleikum bundið að halda greinilega vinnutöflu.
Til styrktar mætti þó taka fyrir t. d. dagsláttustærð í tún-
inu og reikna nákvæmlega, hvað mikill tími gengur til
hennar.
Um heyskapinn er fremur auðhaldinn reikningur. Vana-
lega er þá gengið reglulega að verki. Varasamast er
tímabilið um það leyti, sem farið er af túni á engjar;
er þá oft unnið til skiftis að hvoru fyrir sig, en þeim
verkum þarf að halda aðgreindum, þegar til kostnaðar-
reikningsins kemur.
c. Vinnutöflur. Til hægðarauka við þessar athugan-
ir er hentugt að hafa strikaðar vinnutöflur til þess að
færa inní jafnóðum. Sýnishorn af þeim fylgir hjer með,
en reyndar má hafa þær á marga vegu.
Skýrsluform nr. 1 er ætlað fyrir vinnu einstaks manns
eða manna. Dagarnir eru taldir niður eftir. Yfir auðu
dálkana á töflunni má setja þær yfirskriftir, er hverjum
þóknast, t. d. áburðarkeyrsla, breiðsla, jarðabótavinna, að-
gerð á húsum, sláttur o. s. frv. Þannig má greina vinn-
una eftir vild, og taka fleira með en hjer er spurt um.
í hverja línu er svo sett í tímum, hve mikið hefir verið
unnið að hverju verki hvern dag. Ef skýrslan væri not-
uð fyrir fleiri, er hver dálkur svo breiður, að honum má
skifta með striki og setja karla vinnu í annan en kvenna
vinnu í hinn. Þegar kaupið hefir verið ákveðið á dag
eða tíma, er svo af þessari skýrslu auðreiknað, hvað
hver vinnugrein hefir kostað.
Skýrsluform nr. 2 er reyndar nákvæmara og fyllra, en
aðallega sniðið fyrir þá, sem margt fólk hafa og góðar
skýrslur vilja gera. Það form er notað hjer í Tilrauna-
stöðinni. Hvert skýrsluform er aðeins hægt að nota fyr-
ir ákveðna vinnutegund. F*að þarf því að færa í jafnmörg
skýrsluform fyrir hvern dag og vinnutegundir eru marg-
ar. í fremsta dálki er verkafólkið skrifað og vinnutímar
þess við hvert verk undan tilheyrandi degi á skýrslunni.
Eftir viku er skýrslan útfylt, svo langt sem nöfnin taka ofan