Ársrit Ræktunarfélags Norðurlands - 01.01.1913, Síða 137
142 Arsrit Kæktunarfjelags Norðurlands.
Rófnauppskeran var heldur meiri en undanfarandi ár,
en þó ekki eins mikil og út leit fyrir í fyrstu. Var það
að kenna ofmiklum blaðvexti og stöngulmyndun, er
gerði vart við sig síðari hluta sumars. Slík óáran gekk
nú í sumar víða um land. Margir ætla að fræinu sje um
að kenna, en sannanir hefi eg fyrir, að svo er ekki. Hjer
í Tilraunastöðinni var sáð mörgum gulrófnafræstegund-
um frá ýmsum stöðum, og var ekki hægt að gera þeirra
mun í þessu efni. Fræ, sem reyndist vel í fyrra og svo
sáð aftur í vor, fór á sömu leið. En upp af samskónar
fræi gætti njólavaxtarins mjög mismunandi mikið, eftir
sáðtímanum og garðstæðinu. Miklu minni eða jafnvel
engar skemdir komu fram, þar sem seint var plantað
eða fræi sáð; meiri njóli þar sem góð vaxtarskilyrði voru
en í Ijelegum görðum. Líklegri ástæða ekki fundin en
kuldarnir í vor með svo miklum sumarhlýindum á eftir.
Ættum vjer ekki að gefast upp við að rækta rófur, þótt
svona færi að þessu sinni. F*að er ekki líklegt að það
komi fyrir aftur nú fyrst um sinn.
Trjáræktinni hefir þetta ár orðið hið hagfeldasta. Á
nokkrum reyniplöntum, þeim, er mest höfðu vaxið i
fyrra, kólu reyndar toppsprotarnir í vor, en nú hafa þær
aftur fengið 12 þuml. til álnarlanga sprota. Birki hefir
víða vaxið um 12 þuml. og alt upp í 20 þuml. Oreni
og fura 8—10 þuml., sum trje talsvert meira. í vor var
miklu af plöntum plantað út úr fræbeðum, og fer því
fjelagið smátt og smátt að komast úr þeirri plöntukreppu,
er það hefir verið í undanfarið.
Nokkrum nýjum trjátegundum hefir verið sáð. Par á
meðal nokkrum frá Kanada og Alaska í Ameríku. Hefir
fjelagið fengið gefins þaðan ýmiskonar frætegundir frá
fjelaga sínum Jóni Einarssyni.
í vor var byrjað á tilraunum með mismunandi undir-
búning jarðvegs fyrir trjárækt.