Ársrit Ræktunarfélags Norðurlands - 01.01.1957, Qupperneq 15

15
Fleiri atrennur hafa verið gerðar til að ráða bót á þessu,
en til þessa án verulegs árangurs. Fimm manna nefnd vann
í málinu 1950-1951, en klofnaði; önnur þriggja manna
nefnd 1953, er skilaði samhljóða áliti. Tveir sérfræðingar
frá Bandaríkjunum hafa athugað þessi mál og komið með
ráðleggingar, annar 1952, hinn 1956. Loks hefur málið
verið lagt fyrir Búnaðarþing 1954 og 1955. Ekkert af þessu
hefur leitt til úrræða um breytingar og bætt fyrirkomu-
lag á tilraunamálunum.
VIII.
Hvað er þá að, og hverra umbóta er þörf? Ég vil rekja
það í meginatriðum:
1. Það vantar heildar yfirstjóm á tilraunamálum búnaðar-
ins. Eina stjórn, ekki margar stjórnir eins og nú er.
2. Ákveða þarf verksvið og afstöðu þeirra tilraunabúa, sem
ekki eru eign ríkisins, og hver afskipti lándbúnaðar-
ráðuneytið og stjóm tilraunamála hefur af þeim, bæði
um störf og fjárhag.
3. Koma þarf í framkvæmd hinni gömlu fyrirætlun að
koma upp tilraunabúi á vegum Búnaðardeildar atvinnu-
deildar háskólans, til afnota fyrir þá sérfræðinga, er þar
vinna að jarðvegsrannsóknum, rannsóknum jurtasjúk
dóma, jurtavali, jurtakynbótum, frærækt og ef til vill
fleiru.
Jafnframt þarf að ákveða um framtíð, tilveru- og skipu-
lag Búnaðardeildarinnar, þar eð fyrirsjáanlegt er, að At-
vinnudeild háskólans muni liðast sundur og ekki eiga
langt líf fyrir höndum, í því formi, sem nú er.
4. Ákveða þarf starfssvið tilraunabúanna fjögurra, sem nú
starfa aðallega að tilraunum í jarðrækt, annarsvegar, og
hins nýja tilraunabús Búnaðardeildar hinsvegar. Sam-
starf þessara aðila og verkefni.