Ársrit Ræktunarfélags Norðurlands - 01.01.1957, Blaðsíða 51

51
kostur, svo að hann geti vitað með vissu, hvaða áburð skuli
nota. Síðan skyldi gerður uppdráttur a£ landinu, því skipt í
spildur og athugað nákvæmlega, á hvern hátt hver spila
getur gefið sem mestan ágóða.
Ekki má gleyma í því sambandi að athuga vatnsaflið. Ég
tók eftir því, að hægt var allvíða að hagnýta vatn til áveitu
á ótrúlega ódýran hátt, eftir okkar mælikvarða að dæma.1)
Reynsla síðari ára hefur sýnt óumdeilanlega, að hverjum
byrjanda í búskap er nauðsynlegt að athuga vel þessa hluti,
sem ég hef þegar bent á, ásamt ýmsu fleiru, svo að hann geti
þegar í upphafi gert eins nákvæma áætlun og unnt er yfir
tekjur-og gjöld búsins nokkur næstu árin. Almennar bún-
aðarsskýrslur eiga að geta veitt honum mikla hjálp við að
gera slíka áætlun.
Margir hafa flaskað á því, að þeir hafa eytt of miklu fé í
byggingar í upp'hafi búskapar. Ekki er lengur þörf á þessu,
því að nú er til fjöldi uppdrátta, sem hægt er að byggja eftir
smám saman, eftir því sem nauðsyn krefur og þörfin eykst,
þar til öllum byggingum er lokið. Hér eru lausahús ((loose
housing) stöðugt að ryðja sér meira og meira til rúms handa
búpeningi, ástæðan er að þau reynast ódýrari en eldri húsin,
þægilegra að hirða gripi í þeim, og hægt er að hreinsa þau
með vélaafli. Þeir, sem byggja hlöður og hafa ekki fé fyrir
súgþurrkunarútbúnaði í upphafi, ættu þó að byggja hlöð-
urnar þannig, að þar verði súgþurrkun komið fyrir síðar,
þegar betur blæs. Annars álít ég, að hægt sé að komast af án
súgþurrkunar, að minnsta kosti um skeið. Þá skal byggja 8—
10 feta háan skjólgarð á heppilegum stað, og stakka þar lin-
þurru heyi við skjólgarðinn, en setja 100—150 pund af salti
í hvern heystakk eftir stærð þeirra. Þó að dálítið hitni í hey-
inu, hefur þannig meðfarið hey reynzt ágætis fóður. Og
engu spillir saltið, því að skepnur þurfa að fá það hvort sem
i) í Bandaríkjunum er vatn viða frumskilyrði ræktunar. — Ó. J.
4*