Ársrit Ræktunarfélags Norðurlands - 01.01.1958, Qupperneq 7

7
„Vinnan endist þá lengur“. Þetta var í fyrsta sinn, er ég
heyrði þennan hugsunarhátt og mér hraus hugur við. Síðan
hef ég heyrt hann oft og víða. Þennan hugsunarhátt á
sveitafólkið ekki enn, og ég vona að guð gefi, að það eignist
hann aldrei. Sveitafólkið vinnur til þess að koma verkinu
áfram, en hvorki til þess að treyna sér það, né til þess að
fara sér svo hægt, að aldrei sjáist svitadropi. Það er af þessu,
sem aliar framkvæmdir í sveitunum kosta minna í útlögð-
um peningum en reiknað er með. Menn aðgæta ekki mun-
inn á afköstunum hjá manninum, sem leggur sig óskiptan
í verkið og vinnur að því af kappi, og hjá hinum, sem kast-
ar til þess rasshendinni áhuga- og hugsunarlaust.
Þessi munur er geypilegur. Það er honum að þakka, góðir
Eyfirðingar, fyrst og fremst, hve miklu þið hafið afkastað.
Þið hafið ekki unnið með rassliendinni, þið hafið lagt ykk-
ur alla í starfið, og áorkað margföldu við það, sem akta-
skrifarinn afkastar. Þess vegna hefur ykkur tekizt að um-
breyta býlum ykkar svo sem raun ber vitni um.
En hér kemur líka fleira til. Þið hafið haft ykkar kaup-
félag og langflestir skipt við það, því ykkur hefur verið
samvinnuhugsjónin í blóð borin. Frá því hafið þið árlega
fengið ykkar verzlunargróða greiddan, og þó líka lagt í
ykkar sameignarsjóði, en þeir hafa gert ykkur mögulegt að
búa svo að ykkar kaupfélagi, að framleiðsluvörur ykkar hef-
ur verið hægt að tilreiða sem fyrsta flokks vörur. Verzlun-
arágóðann fáið þið árlega eftir hvernig verzlunin hefur
gengið. Því miður veit ég ekki, hver hann hefur verið öll
árin, eða síðan um aldamót, en ég veit, hver hann hefur
verið í 20—30 ár, en það eru kr. 13.261.384.13. Vitanlega
verzla fleiri en bændur við kaupfélagið, og ég veit ekki hve
mikið af þessum verzlunarágóða hefur fallið í þeirra hlut,
en mér er nær að halda, að þið munið hafa gert alla ykkar
nýrækt fyrir verzlunarágóðann frá kaupfélaginu og jarð-
ræktarstyrkinn. Nýræktin er um 3900 hektarar. Ræktun