Ársrit Ræktunarfélags Norðurlands - 01.01.1958, Qupperneq 40

40
650 m2. Einnig eru á teignum nokkrar lindifurur, og nokk-
ur blágrenitré.
Taflan gefur yfirlit yfir hæð, þvermál og árssprotalengd
trjánna í teignum árið 1956.
Aldur Meðalþv. í cm Meðalh. Hæðarv. ’56
Tegund: í árum 1.3 m frá jörð í m í cm
Rauðgreni 28 10 5 32
Sitkagreni 28 13 6 42
Blágreni (P. Engelm.) 28 11 41,4 30
Lerki 20 7 6 " 41
Skógarfura 25 3 15
Hæð birkisins í hlíðinni er frá 6—8 m. Botngróðurinn er
aðallega bláberjalyng, aðalbláberjalyng og nokkrar grasteg-
undir. Sumstaðar talsvert af skógarmosa og burknum, þar
sem jarðvegur er beztur.
Gróðursetningarteigurinn er í góðu grenilandi. Einnig
eru undirbúnir fyrir gróðursetningu 2 teigar norðar í hlíð-
inni. Það er áætlað að gróðursetja í þá næsta vor. — Sumar-
hitin hér er 9.8° á C og úrfellið yfir árið 965 mm.
Mjög víða við Vesturálinn er sitkagreni þroskamikið.
Víða, þar sem tegundirnar sitkagreni og rauðgreni hafa ver-
ið gróðursettar á sama landi og sama teig, vex sitkagrenið
betur. Því er nú á þeim stöðum, sem stormasamt er og úr-
fellið mikið (um 1000 mm og þar yfir), gróðursett að öðru
jöfnu frekar sitkagreni.
Blágrenitrén, er þarna vaxa, eru ekki eins jöfn að stærð og
trén á rauðgreni- og sitkagreni-spildunum, en virðast að
öðru leyti, eftir útliti að dæma, njóta sín vel. Þetta er ein af
fáum tilraunum með blágreni í Norður-Noregi.
Talsvert var af plöntum í uppvexti af sitka- og hvítgreni-
bastarði í gróðrarstöðinni í Rovel, litlu sunnar á eynni.
Fróðlegt þykir að fá úr því skorið, hvernig það muni vaxa
við Vesturálinn.