Ársrit Ræktunarfélags Norðurlands - 01.01.1958, Blaðsíða 46

46
afrétt einnar sveitar þ. e. Gnúpverjahrepps í Árnessýslu. Sl.
sumar, 1957, var samskonar rannsóknum haldið áfram á
Biskupstungnaafrétti, og vonir standa til að unnt verði að
halda áfram sveit úr sveit, eftir því sem loftmyndir verða
fyrir hendi og fjárveitingar til að standa straum af rann-
sóknunum.
Enda þótt nokkur tími sé liðinn síðan rit þetta kom út
hefur verið furðu hljótt um það í íslenzkum blöðum. Senni-
lega hefði þess verið að engu getið, ef forystumaður rann-
sóknanna hefði ekki átt fund með blaðamönnum og gefið
þeim skýrslu um málið. Svo hlálegir erum vér Islendingar
í okkur, að ef einhver náungi hefði gefið út ljóðakver eða
smásagnahefti, hefðu blaðamenn og aðrir fyllt marga dálka
um þann viðburð. Slíkt er að vísu ekki að lasta, en þó má
ekki láta brautryðjandastarf í hagnýtum rannsóknum á
náttúru landsins hverfa í skuggann fyrir ljóðagerð og skáld-
skaparföndri.
Eg hef skrifað þessar línur, eins og ég gat fyrr, til að
minna lesendur Ársrits Rf. Nl. á hið merkilega starf, sem
verið er að vinna hér undir forystu Björns Jóhannessonar.
En það gefur oss einnig tilefni til að hugsa um, hvað við
getum gert fleira í þessu sambandi. Um leið og landið er
mælt og kannað getum vér tekið að undirbúa og kanna
möguleika á ýmsum umbótum á því. Kemur þar t. d. til
greina dreifing áburðar, sáning til beitiplantna og timabund-
in friðun landsins. Sumt af þessu er þegar byrjað í smáum
stíl, en vonandi verðnr því fram haldið, því að allt eru þetta
viðfangsefni, sem vér verðum að kanna og leita úrlausnar á.
Að vísu kostar allt slíkt fé, en þess megum vér vera fullviss-
ir, að enginn hlutur launar sig verr en sá að vanrækja land
vort. Og ekkert er oss vænlegra til þrifa í landinu, en að
spyrja náttúru lands vors með tilraunum og hagnýta oss
svör hennar. Akureyri, 12. apríl 1958.
Steindór Steindórssnn frá Hlöðum.