Ársrit Ræktunarfélags Norðurlands - 01.01.1973, Qupperneq 23

og vinnustað. Blómarækt og hirðing garða er dýrmæt til-
breyting og upplyfting fyrir mikinn fjölda fólks.
í Noregi eru ræktaðir um 40.000 hektarar af grasflötum
í þéttbýli, eða sem svarar um þriðja hluta af túnum á Is-
landi. Varið er sem svarar 3.500 milljónum króna árlega til
að rækta og halda þessum flötum við, en víða er dýrt að
flytja til jarðveg, þar sem ber klöpp er fyrir.
Markmið og leiðir við landbúnaðarpólitíska stefnumótun.
Landbúnaðarpólitík er svið, þar sem rannsóknarmenn og
stjórnmálamenn verða að leggja á ráðin saman. Frá sjónar-
miði rannsóknanna er ekki unnt að kveða upp úr, hvað er
„rétt“, nema með nákvæmlega skilgreindum forsendum.
Samt geta landbúnaðarrannsóknir átt árangursríkt samstarf
við stjórnvöld og samtök framleiðenda, en frumskilyrði þess
er, að hver aðiljanna fari ekki inn á verksvið hinna.
Hlutverki rannsóknarmanna hér má skipta í tvennt:
í fyrsta lagi að rannsaka undirstöðuhugmyndir, þ. e. sjálf
stefnumörk landbúnaðarins; gera grein fyrir bæði skamm-
tíma- og langtímaáhrifum ólíkra stefnumiða og skilgreina,
hver er munur á þeim.
í öðru lagi þarf að gefa svör við því, hvaða ráðstöfunum
stjórnvöld eigi völ á, þegar stefna hefur verið mörkuð.
Uppbygging landbúnaðarins og stefna í framleiðslumálum.
Stefna hins opinbera og bændasamtakanna í málefnum land-
búnaðarins er lík í Noregi og á Islandi. Má þar nefna bætt
lífskjör bændastéttarinnar, en án rányrkju. Aukin fram-
leiðni, bæði í magni og gæðum vara. Hagnýting náttúru-
auðæfa landsins. Leitast skal við að framleiðsla miðist við
innanlandsþarfir og hagkvæman útflutning og að lokum að
byggð dragist ekki saman.
Hvernig hverjum þessara þátta er háttað í reynd og
hvernig úr verði bætt, þar sem á skortir, er verkefni rann-
sóknanna að kanna.
25