Ársrit Ræktunarfélags Norðurlands - 01.01.1973, Side 56

Samhliða talningu á dýrum í hverjum flokki, var gerð
nokkur greining í einstakar tegundir dýra. Ekki er þó
ástæða, á þessu stigi málsins, að birta annað en heildarfjölda
einstakra dýraflokka. Þessi grein, sem byggð er á fyrstu at-
hugunum sinnar tegundar hér á landi, þ. e. ákvörðun á
fjölda jarðvegsdýra í landi, sem fengið hefur mismunandi
áburð, er auk þess að gefa nokkrar upplýsingar um áhrif
áburðargjafar á dýralíf, ábending um tilveru þessa þáttar
jarðvegsrannsókna og hugsanlega hlutdeild hans í notagildi
landsins. Mér er að vísu ljóst að þó athugað hafi verið dýra-
líf í túni Tilraunastöðvarinnar á Akureyri, segir það ekki
nema mjög takmarkað um hvernig dýralíf er í ræktuðu
landi okkar íslendinga yfirleitt. Hér þarf margt að vinna og
margt að rannsaka. Hvernig er dýralíf í þeim jarðvegi, mýri
eða móa, sem tekinn er til ræktunar, og hvernig breytist
það við ræktunina og nytjun landsins um árabil? Hvernig
er dýralíf í kölnum túnum og sprettulitlum í samanburði
við þau, sem vel spretta? Hér er mörgum spurningum enn
ósvarað en freistandi fyrir áhugasama rannsókamenn á þessu
sviði að grúska í. Er vonandi að þessi þáttur jarðvegsrann-
sókna verði minna útundan eftirleiðis en hingað til.
SAMANDREGIÐ YFIRLIT
Rannsakað var dýralíf í moldarsýnum úr tveim áburðartil-
raunum í landi Tilraunastöðvarinnar á Akureyri. Tilraun-
ir þessar voru: Samanburður á köfnunarefnistegundum nr.
5—45 og Samanburður á mykju og jafngildi í tilbúnum
áburði nr. 136—63. Þeir dýraflokkar, sem kannaðir voru,
eru: Mordýr (Collembola), maurar (Acarina), þráðormar
(Nematoda) og ánamaðkar (Lumbricidae). Helztu niður-
stöður urðu eftirfarandi:
1. Ekki virðist vera ýkja mikill munur á dýrafjölda jarð-
vegs eftir N-áburðartegundum. Mordýr eru þó aðeins
fleiri þar sem borinn er á kalksaltpétur, en þráðormar
aftur á móti fleiri þar sem túnið hefur fengið stækju.
60