Ársrit Ræktunarfélags Norðurlands - 01.01.1984, Qupperneq 8

ÁFORM UM FISKELDISSTÖÐVAR
Þótt ekki sé enn farið að muna verulega um fiskeldi í þjóðar-
búskap íslendinga, þá er margt á döfinni í þessari atvinnu-
grein. Nokkrar stöðvar hafa þegar hafið sjávareldi á laxi, þótt
framleiðslan sé ekki enn farin að skila sér í opinberum skýrsl-
um. Má þar nefna fiskeldisstöð, sem Fiskeldi Grindavíkur hf.
hefur hafið starfrækslu á við Grindavík. Þá hefur verið byggð
stöð á Stokkseyri og við Grundarfjörð á Snæfellsnesi hefur í
vetur verið alinn lax í flotkvíum að norskri fyrirmynd. Þá
hefur verið farið af stað með matfiskeldi á Barðaströnd, á
Nauteyri við ísafjarðardjúp í nokkrum mæli, auk þess sem
eldisstarfi er haldið áfram í Tálknafirði.
Jafnframt því að nokkrir hafa hafist handa við uppbygg-
ingu matfiskeldisstöðva, þá hafa í fjölmiðlum verið kynnt
nokkur mjög stórtæk áform um laxeldisstöðvar. Þannig hafa
nokkur fyrirtæki Sambands íslenskra samvinnufélaga gengið
til samstarfs við norsk fyrirtæki um laxeldi á Reykjanesi.
Þegar hafa verið teknar ákvarðanir um að reisa seiðaeldisstöð,
10