Ársrit Ræktunarfélags Norðurlands - 01.01.1984, Side 11

3. Menntamál.
Hlúa þarf að og efla það nám, sem boðið er upp á í fiskeldis-
fræðum i landinu. Bændaskólinn á Hólum hefur um þriggja
ára skeið boðið nemendum sínum upp á kennslu í fiskeldi.
Þetta þarf að efla, og jafnframt þarf að taka upp fiskeldistengt
nám við æðri menntastofnanir.
4. Rannsóknir.
Efla þarf rannsóknir á hinum ýmsu sviðum fiskeldis, svo sem
hvað varðar sjúkdóma, fóðurgerð og eldistækni. Jafnframt
þarf að leggja áherslu á kynbætur og fleira, sem aukið getur
arðsemi rekstursins.
5. Gœðamál.
Nauðsynleg forsenda laxeldis er að fyrir afurðirnar fáist gott
verð. Það fæst hins vegar ekki nema þær standist strangar
gæðakröfur. Spurning er hvort hið opinbera þurfi ekki að taka
þátt í að koma þessum málum í gott horf.
6. Leiðbeiningaþjónusta.
Fiskeldi krefst mikillar þekkingar og er víst að hið opinbera
mun á einhvern hátt þurfa að taka að sér ráðunautaþjónustu
á þessu sviði.
LOKAORÐ
Hér að framan hefur verið stiklað á stóru varðandi ýmsar
hliðar fiskeldis í landinu. Mest hefur verið rætt um laxeldi,
sem talið er að sé arðvænlegast í bili. Þó er bent á að ekki megi
loka augunum fyrir öðrum fiskeldismöguleikum.
Það er ekki neinum vafa undirorpið, að fiskeldi á Islandi er
nú á nokkrum tímamótum. Fyrir dyrum stendur stórfelld
uppbygging fiskeldis, sem mun, ef vel tekst til, verða þjóðar-
búinu afar mikilvæg í efnahagslegu og atvinnulegu tilliti.
Brýnt er að fiskeldi verði sköpuð skilyrði til að svo megi verða.
13