Ársrit Ræktunarfélags Norðurlands - 01.01.1984, Page 22

Búrasamstœða. Kanínur í efri búrum fengu eingöngu heyköggla og kjarnfóður.
(Ljósm. J.A.H.).
Samkvæmt reglugerðinni á búrið að vera minnst 0,32 m2 að
gólffleti, engin hlið styttri en 45 sm, hæð frá gólfi minnst 40
sm, mest 3 raðir í stæðu. Okkur reynist auðveldara að hafa
bara 2 hæðir. Við höfum búrin yfirleitt 50-60 sm og frá þeirri
breidd dregst svo heygrindin er við látum ganga þvert inn á
milli hverra tveggja búra og er op út á milli þannig að ekki
þarf að opna búrið til að gefa. Kjarnfóðurkassar eru hafðir í
gegnum hurðina. f þá er einnig mjög gott að gefa heyköggla ef
hætt yrði að gefa laust hey. Drykkjarventla er best að hafa
fasta á burðargrind búranna (bakhlið) og smíða tvo og tvo
saman. Þá er auðvelt að draga þau saman út til hreingerninga
og viðgerða. Bakið er fast á burðargrindinni með vatnsventl-
unum á, og þakið er blikkplata, hallandi aftur þannig að
auðvelt er að skipta um plötu og búrin verða léttari. Steyptur
flór er svo undir búrunum og niðurfall í gólfi og flórum.
Varað er við hitamyndun í úrgangi.
24