Ársrit Ræktunarfélags Norðurlands - 01.01.1984, Qupperneq 27

Þessi upptalning gæti að sjálfsögðu verið lengri, en hér skal
staðar numið. Framfarirnar hafa aukið hagsæld í sveitum og
orðið til þess að fólk í kaupstöðum fær góðar og tiltölulega
ódýrar landbúnaðarvörur. Þess vegna tekur það fólk minni
tíma nú en áður að vinna fyrir mat sínum. Þetta er sama
þróun og átt hefur sér stað í nálægum löndum. Þróunin hefur
raunar orðið svo ör að allt hefur fyllst af landbúnaðarvörum,
þannig að þjóðir í okkar heimshluta hafa tekið upp á því að
selja hvor annarri landbúnaðarvörur á verði sem er undir
framleiðslukostnaði.
ER ÞÖRF Á RANNSÓKNASTARFSEMI
f LANDBÚNAÐI?
Sú þróun sem orðið hefur í landbúnaði hefur byggst á fram-
förum í tækni og vísindum. Alveg frá síðustu aldamótum hafa
íslendingar reynt að styðja landbúnaðinn með rannsóknum. f
því skyni hafa verið stofnaðar tilraunastöðvar á nokkrum
stöðum og tilraunir hafa verið gerðar hjá bændum vítt og
breitt um landið. Landbúnaðarrannsóknir eru einnig stund-
aðar í stórum stofnunum og í skólum.
Stöku sinnum heyrast bændur halda því fram að þeir hafi
ekkert gagn af niðurstöðum rannsókna í landbúnaði. Ef til vill
eru þeir að stríða okkur sem við rannsóknir vinnum og hvetja
okkur til dáða. Þó er rétt að fara nokkrum orðum um þessa
skoðun. Bændur bera á tún sín og fóðra skepnur sínar að
meira eða minna leyti í samræmi við niðurstöður rannsókna
og stundum í samræmi við efnagreiningar á sýnum frá eigin
búum. Notaðar eru nytjajurtir sem reyndar hafa verið í fjölda
tilrauna. Bændur verða aldrei varir við vélar sem Bútækni-
deildin á Hvanneyri bægir frá íslenskum markaði. Þessa
upptalningu mætti hafa langa, en hér skal staðar numið.
Ágætur búnaðarfrömuður lét einhvern tíman í ljós þá
skoðun, að það væri kostur að bændur vissu ekki að þeir hefðu
hluta af þekkingu sinni úr niðurstöðum tilrauna. Hann taldi
að það yki þeim sjálfstraust ef þeir hefðu það á tilfinningunni
29