Ársrit Ræktunarfélags Norðurlands - 01.01.1984, Qupperneq 48

Séð suðuryfir Grenivík í átt að Höfðanum sem veldur forsœlu á Höfðabrekku.
(Ljósm. Helgi Hallgrímsson).
dal, er sagt að sól sjáist aftur á „þriðjudaginn í þriðju viku
þorra“ sem mun vera 7. febrúar. Það eru semsé bæir í þver-
dölunum á Tröllaskaganum sem eru ríkjandi sem forsælu-
bæir. Lengst mun Hvammur í Hjaltadal vera sólarlaus eða
allt að 26. febrúar en sól mun sjást tveimur dögum fyrr á
Stóru-Þverá í Fljótum.
í Eyjafirði er sömu sögu að segja og í Skagafirði. Lengst eru
menn án sólar í Svarfaðardal, Hörgárdal, Öxnadal, Djúpadal
og Villingadal. Eyjafjarðardalur og Sölvadalur og einnig
Skíðadalur liggja hins vegar beinna við suðri og þar nýtur
sólar lengur. Þá eru bæir í námunda Siglufjarðar lengi án
sólar, en á Sauðanesi við Dalatá sést til sólar 14. febrúar. Hins
vegar sést ekki til sólar á Melum í Svarfaðardal fyrr en 24.
febrúar.
1 S-Þingeyjarsýslu eru það bæir við Ljósavatnsskarð og í
Dalsmynni sem eru lengst í forsælu. Á Stórutjörnum sést sól
fyrst 9. febrúar en á óvart kemur að á Höfðabrekku við
Grenivík og næsta nágrenni er sólarlaust fram að 27. febrúar.
50