Ársrit Ræktunarfélags Norðurlands - 01.01.1984, Blaðsíða 67

Rannsóknastofnun landbúnaðarins að Keldnaholti.
smiðju ríkisins og Nordisk Ministerrád o.fl. Rétt er að taka
fram að á tilraunastöðvunum eru töluverðar sértekjur vegna
sölu á búsafurðum. Þessum sértekjum er sleppt í samantekt-
inni og litið svo á að þær fari í búreksturinn en ekki í rann-
sóknir. Reyndin hefur líklega verið sú að búreksturinn hefur
tekið til sín meira fjármagn en þetta, og því höggvið á þá
upphæð sem notast átti til rannsókna á tilraunastöðvunum og
sýnt er á myndinni.
Margar þær stofnanir, sem styrkt hafa RALA, hafa gert svo
ár eftir ár, svo sem eins og Kelloggstofnunin, en styrkir frá
henni einni nema vart undir tugi milljónar á núverandi gengi
og verðlagi. Auðvitað er ekkert nema gott um gjafir að segja í
sjálfu sér, en óhætt er að fullyrða að hverfandi hluti þessara
peninga hefur fallið tilraunastöðvunum í skaut, sem hefði þó
verið í lófa lagið ef vilji hefði verið fyrir hendi. Þetta má m.a.
sjá þegar borin eru saman útgjöldin 1974-78 annars vegar og
1979-83 hins vegar. Á sama tíma og meðalframlag á ári til
tilraunastöðvanna lækkar um hálfa milljón aukast framlög til
69