Ársrit Ræktunarfélags Norðurlands - 01.01.1984, Page 91

um alla þekkingarleit og útbreiðsu hennar, rannsókna- og
leiðbeiningastarf.
Vonast er til að Ræktunarfélaginu auðnist að leggja vænt
lóð á þá vogarskál, m.a. á þessum fundi, — og verða það mín
lokaorð að sinni.
II. SKÝRSLA BJARNA E. GUÐLEIFSSONAR
Inngangur.
Sem fyrr vinn ég að lA hluta hjá Rannsóknastofnun land-
búnaðarins við Tilraunastöðina á Möðruvöllum og að % hjá
Ræktunarfélagi Norðurlands. Störfin hjá þessum tveim
stofnunum renna saman, enda Tilraunastöðin nú rekin af
Ræktunarfélaginu og viðfangsefni mín á báðum vígstöðvum
svipuð. Hjá Tilraunastöðinni hef ég unnið við framkvæmd
jarðræktartilrauna ásamt tilraunastjóranum en hjá Ræktun-
arfélaginu við jarðvegsefnagreiningar ásamt starfsfólkinu á
rannsóknarstofunni.
Jarðvegsefnagrein ingar.
Haustið 1983 bárust um 400 jarðvegssýni og um 470 síðan
vorið 1984. Voru efnagreind á starfsárinu 864 þjónustusýni
auk 36 rannsóknasýna eða alls 900 sýni. Er þetta heldur færra
en tvö undanfarin ár og eru það raunar bara Skagfirðingar
sem halda sínum hlut. Þjónustusýnin skiptast þannig á bún-
aðarsambönd:
93