Ársrit Ræktunarfélags Norðurlands - 01.01.1984, Blaðsíða 96

1.976 þúsund hvar af 1.129 eru fyrir mjólk. Halli á rekstrinum
varð kr. 19.002 sem uppfærðist sem skuld við Ræktunarfé-
lagið. Vegna mistaka komst sú tala þó ekki inn í bókhald
Ræktunarfélagsins sem þó vera bar. Skrifast það glappaskot á
undirritaðan.
Búskapur var áfallalítill hvað varðaði búfé, þó voru afurðir
af sauðfé með minna móti. Ræktunarfélagið hefur því sloppið
nokkurn vegin fyrir horn þetta fyrsta ár eftir yfirtöku rekstrar
á Möðruvöllum.
Eins og fram kemur í samandregnu yfirliti yfir fjárfestingar
og rekstur á Möðruvöllum 1983 þá vantaði sem næst 2.3
milljónir á að endar næðu saman. Þetta bil var fjármagnað
með lánum úr Stofnlánadeild og hjá ýmsum lánþegum.
Hvað framtíð ber í skauti sínu er erfitt að spá um. Það sem
af er þessu ári hafa skipst á skin og skúrir. Nokkrir erfiðleikar
með kýr, tiltölulega vel gekk með fé hvernig sem það kemur af
fjalli, heyskapur góður en varð okkur nokkuð dýr vegna lélegs
tæknibúnaðar við baggahirðingu.
Samningur milli RALA og Ræktunarfélags Norðurlands
um búrekstur og tilraunir er í endurskoðun. Þar verður reynt
að hafa skýrari ákvæði um stjórnun og fjármál.
Tilraunir.
Sumarið 1983 voru fáar tilraunir gerðar. Á Möðruvöllum
voru í grasrækt 2-3 tilraunir, eftir því hvernig á málin er litið.
f landi Gróðrarstöðvarinnar á Akureyri eru enn fram-
kvæmdar tvær gamlar áburðartilraunir, sem mega þakka sína
tilveru elli og virðuleika (þó báðar séu að vísu yngri en ég). Þá
voru tilraunir á Möðruvöllum með kartöflustofna og vökvun
kartaflna. f Baldursheimi í Arnarneshreppi er nú rannsókn í
gangi á hreyfingu vatns í jarðvegi við mismunandi framræslu
og jarðvinnslu. Nokkrar gamlar tilraunir eru hér og þar út um
sveitir, einkum í Skagafirði.
Á því sumri sem nú senn er á enda var haldið fram öllum
ofangreindum tilraunum en auk þess útlagðar margar nýjar,
bæði á Möðruvöllum og úti um sveitir. Fyrst er að telja
tilraunir með vaxandi áburðarskammta. Þær voru settar á sjö
98