Ársrit Ræktunarfélags Norðurlands - 01.01.1984, Qupperneq 97

staði á tún; Möðruvelli, Staðarbakka og Víðigerði í Eyjafirði,
Saltvík í Suður-Þingeyjarsýslu og Sandfellshaga, Leirhöfn og
Hlíð á Langanesi í Norður-Þingeyjarsýslu. Þá var sáð í til-
raunir með stofna á Möðruvöllum og í Saltvík. Og lagðar út
tilraunir með kölkun og sýringu á mismunandi jarðvegi og á
tvær grastegundir; vallarfoxgras og Beringspunt. Þessar til-
raunir eru á Möðruvöllum, Saltvík og Hallgilsstöðum á
Langanesi.
Sáð var til tilrauna með vallarfoxgras og Beringspunt sem
slegnar verða á mismunandi tímum og prófa á síðan í frysti-
kistum hve grösin þola frost og svell vel. Fleiri tilraunir eru
fyrirhugaðar með grös í frystikistum. Hefur Bjarni Guðleifs-
son veg og vanda af þeim svo sem fram kemur í hans skýrslu.
Tilraunir með búfé hafa litlar verið. Féð er þó á skrá hjá
Stefáni Aðalsteinssyni og skýrsluhald yfir afurðir kúnna hjá
BÍ. Gerð var athugun á haustdögum hvernig tólgblandað
undanrennuduft frá Blönduósi væri handa smákálfum í
samanburði við T-mjölið úr Flóabúi. Athugun þessi var gerð
að beiðni Mjólkurbúsins á Blönduósi.
Framkvœmdir.
Snemmsumars 1983 var hafin bygging hlöðu við tilrauna-
fjósið. Var unnið við þá smíð sumarið allt og fram í snjóa í
október en þá hafði tekist að klæða og loka hlöðunni.
Hlaðan er samtals að stærð um 4000 m3. Að hluta fyrir
þurrhey og að hluta vothey. Þurrheysplássi er skipt í tvennt —
röskir 1000 m3 hver partur. Flatgryfjur eru þrjár fyrir vothey
auk allmikils rýmis sem athafnapláss. Á liðnu sumri var
heyjað í hlöðuna og eru báðir partar fyrir þurrhey nánast
fullir af heyi.
Það sem af er þessu ári hefur verið unnið við að ljúka við
fjósið og er nú verið að smíða milligerðir og grindur og leggja
rafmagn.
Aðrar fjárfestingar og framkvæmdir hafa verið fáar og
viðhald í lágmarki sem þegar er farið að koma okkur í koll
hvað varðar vélar og hús og umhverfi krefst andlitslyftingar.
99