Frjáls verslun - 01.05.1939, Blaðsíða 25
Ritinu hefir borizt nýútkomið hefti tímarits, sem
gefið er að nokkru út að tilhlutun utanríkismálastjórn-
ar Belgíu, og nefnist „La Expansion Belge“. Tímarit
þetta er um verzlun og framleiðslu, sérstaldega með til-
liti til Belgíu, og er afarvel útgefið. Hefti þetta byrjar
á grein um ísland og fylgja með mjög fagrar myndir
héðan. Er lýst verzlun landsins á mjög greinagóðan og
réttan hátt. Um verzlun Islands og Belgíu segir, að hún
mundi nú töluverð, ef ekki væru hinar miklu hömlur á
verzlun milli þjóðanna, því Belgía sé samkeppnisfær um
margar vörur við þau lönd, sem nú verzli mest við
ísland.
*
Verzlunarmenn! Leitið til Ráðningarskrifstofu Verzl-
unarmannafélagsins í Mjólkurfélagshúsinu ef yður vant-
ar starfsfólk eða eruð atvinnulaus. Fyrirtæki, sem þurfa
á starfsmanni að halda, geta sparað sér auglýsingar
með því að leita til skrifstofunnar. A. m. k. ættu allir
að leita til skrifstofunnar áður en þeir auglýsa.
*
Með síðasta hefti ritsins var kaupendum sent eyðu-
blað til útfyllingar fyrir nýja kaupendur, og voru það
tilmæli útgefenda að hver kaupandi útvegaði 5 eða
fleiri nýja kaupendur. Ymsir hafa brugðizt vel við
þeirri málaleitun, en sem eðlilegt er, þá er nokkru ósldl-
að enn, en það er von útgefenda, að sem allra flestir
útvegi nýja kaupendur. „Frjáls verzlun“ heitir á alla
verzlunarmenn og aðra, sem styðja vilja ritið, að útvega
nú þegar nýja kaupendur, og senda skrifstofu Verzlun-
armannafélagsins í Mjólkurfélagshúsinu nöfn þeirra og
heimilisföng.
*
í þessu hefti birtist mjög athyglisverð grein eftir Ósk-
ar Norðmann stórkaupmann um byggingarvöruverzlun
í Reykjavik síðustu ár. Víða hefir þrengt að vegna haft-
anna, en það er vafamál, að þau hafi á nokkru sviði
skapað meiri örðugleika og atvinnuskort heldur en ein-
mitt í byggingariðnaðinum. Það vita allir Reykvíking-
ar, sem nokkuð hafa komið nálægt byggingum, hversu
útvegun nauðsynlegs efnis og tækja er fádæma erfið
og ótrygg. Dæmi eru jafnvel til, og þau ekki fá, að
reynt hefir verið að útvega til Reykjavikur bygg-
ingarefni norðan af Akureyri eða austan úr Arnes-
sýslu! Það er krafa, sem byggist bæði á sanngirni og
brýnni þörf, að breytt verði um stefnu hvað viðvíkur
úthlutun gjaldeyris og innflutningsleyfa fyrir þessum
vörum, eða að innflutningur þeirra verði gefinn frjáls.
Hér á undan er lýst íslenzkri stórverzlun fyrir 30
árum og mun marga undra, sem ekki muna Thomsens
Magasín, hve það hefir verið fullkomin verzlun. Margir
munu óska þess, að slík verzlun væri nú til, því aftur-
FRJÁLS VERZLUN
FRJÁLS VERZLUN
MÁNAÐARRIT
ÚTGEFANDI:
VERZLUNARMANNAFÉLAG REYKJAVÍKUR
FORMAÐUR:
FRIÐÞJÓFUR Ó. JOHNSON
RITSTJÓRI:
EINAR ÁSMUNDSSON
RITNEFND:
BJÖRN ÓLAFSSON .
PÉTUR ÓLAFSSON
VILHJÁLMUR Þ. GÍSLASON
SKRIFSTOFA í HAFNARSTR. 5 (MJÓLKUR-
FÉLAGSHÚSINU, HERBERGI 16—17). SÍMI
5293. — OPIN KL. 9. F. H. TIL KL. 5 E. H.
ÁSKRIFTARGJALD 5 KRÓNUR.
LAUSASALA 50 AURAR
ÍSAFOLDARPRENTSMIÐJA H.F.
förin er greinileg, a. m. k. um mörg atriði. Af myndunum
sést, að allar búðarhillur eru fullar af vörum, og mundu
t. d. vefnaðarvörukaupmenn þakka fyrir, ef svo liti nú
út í þeirra verzlunum. En verzlun Thomsens mun hafa
verið of stór. Reykjavík þess tima gat ekki borið hana
uppi, og hún hlaut því að hverfa úr sögunni, en það er
einkennilegt að hugsa til þess, að ein stærsta og fjöl-
breyttasta kaupmannaverzlun, sem nokkurn tíma hefir
verið rekin á Islandi, skyldi líða undir lok fyrir 30 ár-
um, og engin jafnumfangsmikil risa upp í hennar stað.
Verzlunarsaga Islands er enn óskráð, og er hætt við,
að margt merkilegt úr þeirri sögu sé týnt og tröllum
gefið fyrir vanhirðu og skilningsleysi. Á víð og dreif
i söfnum erlendis eru merkileg skjöl viðvíkjandi vei’zlun-
inni hér á liðnum öldum, og má í því sambandi nefna
virðingargerðir á húsum, innanstokksmunum og vör-
uni verzlunanna hér, þegar Almenna verzlunarfé-
lagið hætti 1773, en virðingin fór fram að tilhlutun
danska rentukammersins. Sigurður Skúlason magister
rakst á skjöl þessi í Ríkisskjalasafninu danska, en þau
hafa aldrei verið birt. Er í þeim mikill fróðleikur um
verzlunina hér á þessum tíma, því að allt er týnt til,
smátt og stórt, sem til var í fórum verzlananna, og svo
hús þeirra. Húsaverð Hafnarfjarðarverzlunarinnar nam
t. d. 1563 ríkisdölum, innanstokksmunir 122 ríkisd. og 42
skildingum, en vöruverðið var alls 3297 ríkisd. og 27%
sk. Meðal vefnaðarvöru þeirrar, sem talin er, er: Plyds
(pluss), flónel, blátt vestfalskt léreft, Úlzinger léreft
(líklega frá Úlzen í Hannover), bládröfnótt léreft, hör-
léreft, Kattún, hvítt og blátt, Danziger strigi, lýbskur
strigi, silkiklútar.
17