Frjáls verslun - 01.02.1952, Side 27

Pétur Jónsson fyrrv. kaup-
mafiur varð níræður þann
20. febrúar s.l. Pétur er fé-
lögum V.R. að góðu kunn-
ur. Hann var einn af stofn-
endum félagsins og er nú
sá eini, sem á lífi er af þeim
33 manna hóp. er stóð að
stofnun þess.
Pétur er fæddur og upp-
alinn í Hafnarfirði. Syst-
kini átti hann 10, én móð-
ur sína missti hann ungur
að árum. Faðir hans var formaður á teinæring, sem
réri frá Hafnarfirði. Þessi istóra fjölskylda þurfti á
allri fyrirvinnu að halda, sem hægt var að láta til
falla. Pétur fór því snemma að vinna fyrir sér. Þjóð-
hátíðarárið 1874 réðist hann til verzl. P. C. Knudtzon
& Sön í Hafnarfirði, þá 12 ára gamall. Vann hann
fyrst sem léttadrengur í verzluninni, en tók síðar við
bókhaldarastöðu. Pétur starfaði svo til samflevtt við
Knudtzonsverzlun um 23 ára skeið, eða þar til hún var
lögð niður árið 1897. Til Kaupmannahafnar sigldi
hann árið 1886 og gek'k þar á verzlunarskóla í hálft
ár.
Um aldamótin reisti Pétur húsið nr. 20 við Laugaveg.
Rak hann þar eigin verzlun um fimm ára skeið og
hafði á boðstólum matvörur og ismávörur ýmiskonar.
Til Sameinaða gufuskipafélagsins réðst Pétur árið
1905 fyrir áeggjan Christian Zimsen. Þar vann hann
svo óslitið á skrifstofunni í Reykjavík til ársins 1932.
eða í 27 ár. Var þá sjón hans orðin það döpur, að hann
átti örðugt um vinnu.
Pétur Jónsson á langan starfsferil að baki sér i
verzlunar/Stétt. Hann hefur ávallt verið trúr sínu starfi,
dugandi og ráðagóður verzlunarmaður, prúðmenni og
drengur góður í orðsins fyllstu merkingu. Pétur hefur
verið heiðursfélagi í Verzlunarmannafélagi Reykja-
víkur í mörg ár, og heiðursfélagi Styrktar- og sjúkra-
sjóðs verzlunarmanna var hann gerður á níræðis af-
mæli sínu.
„Frjáls verzlun“ árnar þessum heiðursmanni allra
heilla um ókomna ævidaga,
FÉLAGSMÁL
Verkaskipting stjórnar V.R. er nú þannig: Formað-
ur Guðjón Einarsson, varaformaður Sveinbjörn Árna-
son, ritari Njáll Símonarson, gjaldkeri Ólafur Stefáns-
son. Meðstjórnendur eru Einar Elíasson, Gunnar Magn-
ússon og Þórir Hall. Varastjórn skijia: Daníel Gísla-
son. Hafliði Andrésson og Pétur Sæmundsen.
Árshátíð V.R. var haldin laugardaginn 9. febrúar
að Hótel Borg, og var hún fjölsótt að vanda. Að þessu
sinni var nokkuð annað snið á hófinu en áður. Borð-
haldið var ekki sameiginlegt, heldur var snætt við
mörg smáborð og engar ræður voru fluttar. Meðan á
borðhaldi stóð fóru fram skemmliatriði, sem voru
bráðsmellin: skopsöngur, eftirhermur og Brynjólfur
Jóhannes-on söng nýjar gamanvísur eftir einn félaga
úr V.R. Tókst þessi árshátíð með ágætum og var fé-
laginu til sóma. Þótti þetta nýja fyrirkomulag reynast
vel.
V.R. hefur gengizt fyrir bridgekeppni meðal fyrir-
tækja bæjarins og gáfu sig fram tólf sveitir í keppn-
ina. Hófst hún þriðjudaginn 12. febrúar, en framvegis
verður spilað á miðvikudagskvöldum, alls ellefu um-
ferðir. Ke]ipnisstjóri er Steingrímur Pálsson. Sveit sú.
er sigur ber úr býtum, hlýtur silfurbikar að launum,
og hver keppandi í þeirri sveit fær einnig lítinn bikar.
Væri æskilegast að V.R. héldi slíka bridgekeppni ár-
lega, því að það getur orðið til þess að glæða félags-
lífið til muna.
Skörð fyrir skildi Framhald af bls:j 25.
hann verið stjórnarformaður í fiskveiðahlutafélaginu
Hrönn, blaðaútgáfu Árvaks og Sparisjóðs Reykjavíkur.
Guðmundur var mannkosta og hæfileikamaður mik-
i 11, góðgjarn og velviljaður, vinmargur og vinsæll.
Formaður Sjálístæðisflokksins kemst m. a. svo að
orði í minningargrein um Guðmund: „Hann var tákn-
ræn mynd þess, hversu miklu sá fær afrekað til góðs,
sem sameinar skapfestu, viljaþrek, iðjusemi, dómgreind
og skynsemi, enda þótt hann í æsku færi á mis við þá
menntun, sem þjóðfélagið veitir nú börnum sínum.“
Aðalfundur Styrklar- og sjúkrasjóðs verzlunarmanna
var haldinn í Tjarnarcafé 21. febrúar. Tekjur sjóðsins
á árinum 1951 námu kr. 48.861,61, en gjöld kr. 22.204,-
40. Varð þannig kr. 26.457,21 eignaraukning á árinu.
og nema eignir sjóðsins nú kr. 417.733,33. Stjórn sjóðs-
ins var endurkosin, en hana skipa: Helgi Bergs for-
maður, Guðmundur Þórðarson ritari og Ingimar Brynj-
ólfsson gjaldkeri. Meðstjórnendur eru : Erlendur Ó.
Pétursson og Sigurjón Jónsson. í varastjórn voru kosn-
ir: Henrik Thorarensen. Nieljohníus Ólafsson og Sig-
urður Einarsson.
Sjóðurinn verður 85 ára á hausti komandi.
FRJÁLSVERZLUN
27