Frjáls verslun - 01.04.1962, Blaðsíða 20

Fyrirtæki Haraldar Böðvars-
sonar & Co. er eitt þeirra,
sem nátengdust eru íram-
farasögu Akraness á síð-
ustu áratugum. Það má
segja, að þróun staðarins
og fyrirtækisins hafi fylgzt
að á órjúfandi hátt — hag-
ur annars hefir verið hagur
beggja.
Sömu fyrirtæki ásamt tveim öðrum starfrækja og
aðra fiskverkun, svo sem söltun, skreiðarverkun
o. fl. Síldar- og fiskimjölsverksmiðja var reist árið
1938 og var sú fyrsta við Faxaflóa er unnið gat
nýja síld. Afkastageta verksmiðjunnar er nú 1000
mál á sólarhring.
Annar iðnaður en sá, sem að sjávarútvegi lýtur,
er allmikill orðinn á Akranesi. Ber þar fyrst að
telja Sementsverksmiðju rikisins, sem hóf vinnslu
á íslenzku sementi árið 1958. Er Sementsverksmiðj-
an stærsta fyrirtæki á Akranesi með yfir 100 manns
í þjónustu sinni.
Næststærsta iðnfyrirtækið á Akranesi mun vera
Dráttarbraut Akraness og Vélsmiðja Þorgeirs og
Ellerts. Er nú fyrirhuguð mikil stækkun á þessum
fyrirtækjum, en framkvæmdastjóri þeirra og aðal-
eigandi cr Þorgeir Jósefsson. Þá eru á Akranesi
starfræktar fjölmargar trésmíðavinnustofur (8), raf-
tækjavinnustofur eru 3, bifreiðaverkstæði 4, vél-
smiðjur 3. Auk þess má nefna blikksmiðju, báta-
stöð, prentverk, 2 brauðgerðarhús, 2 þvotta- og
efnalaugar, 2 glerslípanir, ljósmyndastofu og 2 rak-
arastofur.
Á Akranesi eru nú yfir 20 verzlunarfyrirtæki og
sum allstór, svo sem Kaupfélag Suður-Borgfirðinga,
Verzlunin Staðarfell og Sláturfélag Suðurlands. Þá
skal Sparisjóðs Akraness getið, en hann er undir
öruggri stjórn Árna Böðvarssonar orðinn einn iifl-
ugasti sparisjóður hérlendis.
Áður hefir verið á það minnzt, að fyrsta skóla-
hús á Akranesi var reist árið 1879. Nýr barnaskóli
var svo tekinn í notkun 1912, og enn var flutt í
nýtt og vandað barnaskólahús 1950. Er það nú
þegar orðið of lítið og ráðgerð stækkun eða bygg-
ing nýs húss. Gagnfræðaskóli var stofnaður á Akra-
nesi árið 1943. Var hann fyrst til húsa í húsi bæj-
arins við Kirkjubraut, þar sem nú eru bæjarskrif-
stofur, bókasafn, lögreglustöð o. fl. Er barnaskól-
inn árið 1950 fluttist í hið nýja hús, fékk skólinn
gamla skólahúsið, sem reist hafði verið 1912, til
afnota. Árið 1959 var svo flutt í nýtt og vandað
skólahús, sem reisa á í áföngum og mun nægja
skólanum um langt árabil. Iðnskóli Akraness var
stofnaður árið 1936. Var hann löngum í sambýli
við hina skólana og aðeins kcnnt síðari hluta dags,
en hcfir nú fengið gamla skólahúsið einn til um-
ráða og var breytt í dagskóla árið 1960. Tónlistar-
skóli hefir starfað hér síðan 1955, og Námsflokkar
Akraness frá 1957. Tónlistarskólinn er í leiguhús-
næði, en námsflokkarnir hafa fengið inni í Barna-
skólahúsinu. Sundlaug og íþróttahús standa hlið
við hlið við Laugarbraut. íþróttahúsið er ekki gam-
alt, en allt of lílið, og er ráðgerð bygging nýs húss.
Sundlaugin er vfirbyggð. Nefnist hún Bjarnalaug
20
FRJÁLS VERZLUN