Frjáls verslun - 01.04.1962, Blaðsíða 44

„Sannleikurinn er nú sá, að hann datt bara úr skíðalyftunni."
„Ég var alls ekki undir áhrifum áfengis, yðar
náð,“ sagði hinn ákærði.
„Nú, lögregluþjónninn segir, að þér hafið reynt
að klifra upp í götuljósker."
„Hvað munduð þér gera, yðar náð, ef fíll og tveir
krókodílar væru á hælunum á yður?“
★
Læknir var kallaður heim til geðstirðs auðmanns.
„Jæja, hvað amar að yður?“ spurði hann glaðlega.
„Það er nú einmitt það, sem þér eigið að ganga
úr skugga um,“ anzaði auðmaðurinn.
„Stendur heima,“ mælti læknirinn, „en vður er
vonandi sama, þótt ég kalli á dýralækni, því ég
treysti mér ekki til að komast að því, án þess að
fá svör við nokkrum spurningum.“
★
Sonurinn, sem er að tala í símann, snýr sér að
föður sínum, sem situr og reiknar af kappi: „Pabba
Nonna langar til að fá að skrifa heimadæmin rnín
upp, þegar þú ert búinn með þau!“
★
Kona spyr í listmunabúð: „Teljið þér þessa hryll-
ingu list?“
„Nei, frú,“ svaraði afgreiðslustúlkan, „þér eruð
að horfa í spegil.“
Lögregluþjónninn stöðvaði bílinn með miklum
hemlahvin og spurði lítinn dreng, sem var að leika
sér úti í móa. „Hefur þú séð flugvél hrapa hérna
í grenndinni?"
Drengurinn (reynir að leyna teygjubyssunni
sinni): „Nei, ég hefi bara verið að skjóta á flöskuna
þarna á staurnum.“
★
„Hvað tekur langan tíma að draga úr mér tönn?“
spurði sjúklingur.
„Aðeins tvær sekúndur.“
„Og hvað kostar það.“
„Tvö hundruð krónur.“
„Fyrir aðeins tveggja sekúndna vinnu?“
„Nú, ég get svo sem dregið hana hægt, ef þér
viljið.“
★
Gesturinn sá flugu í súpunni sinni, svo að hann
kallaði á þjóninn og spurði: „Hvað er Jjessi fluga
að gera í súpunni minni?“
Þjónninn leit andartak á fluguna og sagði síðan:
„Mér sýnist, að hún sé að æfa baksund, herra.“
★
„Jón, þú ert órakaður!"