Frjáls verslun - 01.04.1962, Qupperneq 39

Bernhöftsbakarí við Bankastræti (bakaríið er nu ilutt þaðan)
1) Norðborgarverzlunin í Reykjavík, í Hafnarstræti
8—10, sem Knudtzon fékk. 2) Miðbúðirnar í Hafn-
arfirði, sem Thomsen yngri fékk og rak árin 1824—
’33, enda var þá búsettur þar, — og 3) Miðbúðirnar
í Keflavík, sem voru eign Sveinbjarnar Ólafssonar
1804 og seinna H. P. Duus.]
P. C. Knudtzon er því búinn að reka verzlun
hér á íslandi um full 50 ár, og er óhætt að segja,
að Juað hafi verið bæði af mestu gerð og með svo
hreinum og affaragóðum viðskiptum landsmönnum
til handa, sem orðið gat og framast var kostur á
með því fyrirkomulagi verzlunarinnar, sem var
hér á landi fram til 1854, er verzlunin var gefin
laus. Það var hvorttveggja, að Knudtzon kom
hér sjálfur árlega á sumrin um nokkuð mörg ár á
tímabilinu 1824—’38, ferðaðist hér á milli 4 kaup-
staða sinna, er þá voru í Reykjavík, Hafnarfirði,
Keflavík og Vestmannaeyjum, leit sjálfur eftir öllu,
samdi um aðalkaupin og mátti þá heita, að hann
væri aðalsálin í verzluninni hér sunnanlands þau
sumur, og að hann hcfði hana einn í hendi sér;
því sjaldan þótti það ráð ráðið með kaupmönnum
vorum hér, nema Knudtzons ráðum hlítti, enda
hefur hann einkennt verzlanir sínar hér syðra, að
minnsta kosti, flestum sunnlenzkum kaupmönnum
fremur, er hér hafa átt viðskipti sem verzlunar-
eigendur og fastakaupmenn um þessi sömu 50 ár,
með 3 aðalkostum, — að hann hefur jafnan haft
einhverja hina áreiðanlegustu verzlunarstjóra
(,,factora“) og vinsælustu, og hefur ekkert til þess
sparað, hafa því viðskiptin við þær verzlanir hans
jafnan þótt hin áreiðanlegustu að haldinyrðum í
samningum og reikningsfærslu, — vér vitum og
eigi nema sárfá dæmi þess, að afreikningar frá
verzlunum Knudtzons hafi verið véfengdir. — Ann-
ar kosturinn hefur það verið, að hann hefur eigi
aðeins verið oftast fyrstur allra kaupmanna til þess
að senda hingað skip sín með nauðsynjavöru á
vorin, þegar skortur hefur verið orðinn mestur á
þeim vörum, heldur hefur hann oftast haft, vetrar-
birgðir hér flestum kaupmönnum fremur. — Þriðja
kostinn teljum vér þann, er þess hefur jafnan verið
gætt við verzlanir hans fyrr og síðar, að þaðan
hefur aldrei neinn skildingur verið sendur til Dan-
mcrkur, svo vér vitum, en þær þvert á móti verið
birgðar upp með peningum, er Knudtzon hefur
FR.TÁLS VERZUTN
39