Frjáls verslun - 01.08.1962, Blaðsíða 10

Steinn Steinsen
Gegndi bæjarsljóraembætti
lengst allra á landinu
Sá, cr gegnt hefir bæjarstjóraembætti lengur cn
nokkur annar maður á íslandi, er Steinn Steinsen
verkfræðingur, sem var bæjarstjóri Akureyrar í 24
ár, frá 1934—1958, og það er ennfremur einsdæmi
um bæjarstjóraembætti liér á landi, að frá stofnun
þess á Akureyri, 1919, og í 40 ár gegndu því aðeins
tveir menn, Jón Sveinsson lögfræðingur (bæjarstjóri
1919—’34) og Steinn Steinsen, en síðustu fjögur
árin hefir Magnús Guðjónsson lögfræðingur verið
bæjarstjóri á Akureyri, þriðji maðurinn í því emb-
ætti frá byrjun.
Steinn Steinsen er fluttur suður aftur, síðan
hann lét af embætti, og við hittum hann að máli
stundarkorn, þar sem hann býr hjá syni sínum,
Eggerti verkfræðingi í Kópavogi.
•k
— Stækkaði Akureyri mikið í yðar bæjarstjóra-
tíð?
— íbúatalan mun hafa nálega tvöfaldazt, og mun
það vera álíka hundraðsfjölgun og varð í Rcykja-
vík á sama tíma.
— Hver teljið þér helztu mannvirki, sem risu á
Akureyri á þessum árum?
— Tvímælalaust er það Laxárvirkjunin, sem byrj-
að var á 1939.
— Urðu ekki tafir á framkvæmdum sökum stríðs-
ins, sem brauzt út þctta sama ár?
— Nei, sem betur fór var efnið í fyrstu virkjun-
ina komið til landsins áður en stríðið skall á, svo
að tafir urðu ekki teljandi, framkvæmdir gengu
mjög greiðlega, og komst virkjunin í gang haustið
1940. Það var feikileg búbót að þessari virkjun fyrir
bæjarbúa, því að áður var þar aðeins lítil rafveita,
varla meira en lil Ijósa, og þó lítilsháttar til suðu.
Hin nýja virkjun var svo aukin á stríðsárunum og
önnur aukning kom síðar.
— Og helztu húsbyggingar og önnur mannvirki?
— Af húsbyggingum ber fyrst að nefna Fjórð-
ungssjúkrahúsið, sem er ein mesta bygging á staðn-
um. Gamli spítalinn var byggður um aldamótin.
Hann hefir nú verið rifinn og fluttur og endur-
byggður uppi í Hlíðarfjalli, orðinn þar að fyrir-
myndarskíðaskála og verður einnig sumargististað-
ur og veitinga fyrir ferðamenn. Þarna kemur hann
að góðu gagni, enda þótt hann liafi verið orðinn
allsendis ónógur til síns upphaflega brúks. Þá var
°g hyggð sundhöll, íþróttavöllur og gagnfræða-
skóli, aukið við gamla barnaskólann og byggður
annar nýr á Oddeyrinni. Þar var og smíðuð haf-
skipabryggja og dráttarbraut. Nú er í smíðum
geysistórt hús fyrir slökkvistöð, og þangað flytja
víst skrifstofur bæjarins, þegar byggingin er full-
gerð. Nú á fáum árum hafa risið á Akureyri hvert
verzlunar- og verksmiðjuhúsið öðru myndarlegra,
og er þeirra mest og nýtízkulegast hið glæsilega
Amaro-hús við Hafnarstræti.
— Hvað er annars um atvinnulíf á staðnum að
segja?
— Þegar ég settist að á Akureyri, var iðnaður
l>egar farinn að blómgast þar og nokkrar verk-
smiðjur orðnar þjóðkunnar, svo scm Gefjun, smjör-
líkisgerðin, kaffibrennsla, mjólkursamlag, iil- og
gosdrykkjagerð, vélsmiðjur og fleira má telja. Síðan
hefir iðnaður farið hraðvaxandi og getið sér gott
orð, bæði innan lands og utan, og á ég þar síðast
við verksmiðjuvörur bræðranna Guðmundar og
Eyþórs Tómassona (Lorelei- og Lindu-verksmiðj-
urnar), og Skarphéðins í Amaró. Útgerðarfélag Ak-
ureyrar var stofnað til að koma fótum undir togara-
útgerð á staðnum, og hefir því verið stjórnað af
miklum dugnaði, það hefir veitt fjölda fólks at-
vinnu ýmist að staðaldri eða í ígripum, og það hefir
skapað J)jóðarbúinu mikinn erlendan gjaldeyri.
Iívað landbúnaði á sjálfri Akureyri viðvíkur, þá
er það helzt kartöfluræktin, sem bæjarbúar hafa
gefið sig við, og það í ríkum mæli, því að kartöflu-
garðarnir á Akureyri eru engir smáskikar og vekja
athygli aðkomumanna.
10
FRJÁLS VERZLUN