Frjáls verslun - 01.03.1968, Síða 14

14
FRJALS VERZLUN
ur, að liggja framundan vöru-
skemmunum svo að unnt sé að
koma við sameiginlegri einangrun
skips og húss, ef á þarf að halda. í
stað þess er mikið af þessum vör-
um nú flutt frá skipi í mjög ófull-
komin hús, sem dreifð eru hingað
og þangað um bæinn. Gerir þetta
viðhlítandi eftirlit að kalla ófram-
kvæmanlegt og er alltof dýrt fyr-
ir skipafélögin.
Nokkrar vonir standa nú til að
úr þessu rætist. í hinni nýju toll-
stöð er all mikið rúm til geymslu
á vörum. Auk þess er Eimskipa-
félag íslands h.f. að hefja bygg-
ingu stórrar vöruskemmu á Aust-
urhafnarbakkanum. Liggja bæði
þessi hús vel við hafnarbökkun-
um og skapast góð skilyrði til eft-
irlits að því er þau snertir. Þá
verður og að vænta þess, að
vöruskemmur verði byggðar á
hentugum stöðum við Sunda-
höfnina, sem byrjað er að byggja.
Ég hef lengi hvatt til þess, að
Austuruppfyllingin við gömlu
höfnina verði eingöngu notuð til
afgreiðslu á kaupskipum og
geymslu á ótollafgreiddum vör-
um og á henni byggðar stórar
vörugeymslur. Mér var það því
mikið gleðiefni, að danski skipu-
lagsfræðingurinn, prófessor P.
Bredsdorff, lagði til sumarið 1966,
að tvílyft hús yrðu byggð yfir allt
þetta svæði, upp að væntanlegri
götulínu Tryggvagötu, og á þaki
þeirra 1000—1200 bílastæði, er
tengd yrðu brúnni, sem byggja á
yfir hafnarsvæðið. Komist þetta í
framkvæmd, sem ég vona, yrðu
skilyrði til uppskipunar, vöru-
vörzlu og eftirlits bætt svo stór-
lega, að ósambærilegt væri við nú-
verandi ástand. Einnig myndi
kostnaður við meðferð varanna
lækka verulega.
Tollstöðvarnefnd er nú að láta
byggja fyrsta hluta fyrrgreindr-
ar brúar, þ. e. þann hluta, sem
liggur yfir nyrsta hluta tollstöðv-
arhússins. Ýmsir hafa litið þessa
brú illu auga. Bygging hennar
hefur þó þann mikla kost, að þeg-
ar hún er komin getur allur sá
mikli akstur, er á sér stað um
hafnarbakkana horfið. Skapast við
þetta stórbætt aðstaða til uppskip-
unar og eftirlits. Má ætla, að án
þessara breytinga haldi gamla
höfnin áfram að vera lítt hæf til
afgreiðslu kaupskipa, eins og telja
má, að hún sé nú.
— Eru ekki uppi fyrirætlanir
um að loka höfninni?
— Brýna nauðsyn ber til þess,
að hafnarsvæðinu verði lokað.
Hefur tollgæzlan, lögreglan og
Slysavarnarfélagið margsinnis far-
ið fram á þetta við hafnaryfir-
völdin, en jafnan fyrir daufum
eyrum. Þó er rétt að geta þess,
að máli þessu hefur verið tekið
betur síðustu árin og er nú von
til þess, að bráðlega verði hafist
handa um lokun hafnarsvæðanna.
— Er um fleiri atriði að ræða,
sem gera tollgæzlu í Reykjavík
sérstaklega erfiða?
— Það veldur bæði tollgæzl-
unni og skipafélögunum miklum
erfiðleikum, að margir innflytj-
endur láta vörur sínar liggja óhóf-
legalengi í afgreiðsluhúsum skipa-
félaganna. í fyrsta lagi eru vörur
oft tollafgreiddar óhóflega seint.
í öðru lagi nota sumir innflytj-
endur afgreiðsluhúsin eins og þau
væru pakkhús þeirra sjálfra, taka
vörusendingarnar smátt og smátt
og oft löngu eftir tollafgreiðslu.
Hvorttveggja veldur þetta mikl-
um þrengslum í afgreiðsluhúsun-
um og skipafélögunum og toll-
gæzlunni miklum baga. Skipafé-
lögin eru með þessu neydd til
óþarfrar fjárfestingar. Þetta ástand
er auk þess mjög óhagstætt þjóð-
inni, þar sem af því hljóta að
leiða óþarfar vaxtagreiðslur og
miklar vöruskemmdir.
Þess má geta, að í frumvarpi
því til tollalaga, sem lagt hefur
verið fyrir Alþingi, eru nokkur
nýmæli, sem miða að því, að í
þessu efni verði breyting til batn-
aðar. Þá er og vöruvarzla Toll-
vörugeymslunnar h.f. dálítið spor
í rétta átt.

LANGFERÐABÍLAR Í0y]gf[(J STRÆTISVAGNAR
í Stokkhólmi
STOKKHÓLMUR, KAUPMANNAHÖFN, KÓPA-
VOGUR velja það bezta:
LEYLANDS-vagna í HÆGRI-umferðina.
LEYLAND er í sér gæðaflokki sterkbyggðra farartækja
Allt það fullkomnasta í einum bil er i LEYLAND
Enda LEYAND heimsins stærsta þróunarfyrirtæki og
útflytjendur slikra farartækja
_ LEYLAND umboðið
sS|ALMENNA verzlunarfélagið? Ji.
, Corpottlion
SIMI 10199 SKIPHOLT 15