Frjáls verslun - 01.03.1968, Blaðsíða 31

FRJALS vefízluim
31
af störfum Alþingis og hafa öðru
fremur orðið til að grafa undan
virðingu þess. Fólk hefur ekki
lengur áhuga á að hlusta á þras-
kennt rifrildi, hvort sem það fer
fram milli stjórnmálamanna eða
einhverra annarra. Með þessu er
ekki verið að segja að fella beri
niður kappræður stjórnmálaflokk-
anna, — þær geta átt við t. d.
fyrir kosningar. Það er hægt að
gefa fólki miklu raunsannari
mynd af störfum Alþingis gegn-
um útvarp, heldur en með eldhús-
dagsumræðum, og er hægt að til-
nefna sem dæmi útvarp frá þing-
fundum eða rökræðum forystu-
manna flokkanna eða flutnings-
manna frumvarpa og andstæðinga
þeirra.
ÞÖRFU MÁLI
HREYFT.
Pétur Benediktsson hefurhreytt
þörfu máli á Alþingi. Er þar átt
við hugsanlega breytingu á stjórn-
arskránni um kosningar til Al-
þingis. Mikið ávannst við kjör-
dæmabreytinguna 1959, en stöð-
ugt sækir í þá átt aftur, að fólk
hefur ekki sama rétt til að hafa
áhrif á gang þjóðmála. Það er til
dæmis athyglisverð staðreynd, að
íbúar á Vesturlandi, Vestfjörðum
og Norðurlandskjördæmi vestra
hafa þrefaldan kosningarrétt á við
íbúa Reykjavíkur og Reykjaness.
Slíkt óréttlæti er raunarmeðfullu
óviðunandi, og vonandi fylgir Pét-
ur Benediktsson þessu máli fram.
Þær raddir, sem tala um, að
tekin verði upp að nýju einmenn-
ingskjördæmi verða æ háværaiá.
Með slíku skipulagi er hægt að
koma á fullum jöfnuði, eins og
með hlutfallskosningafyrirkomu-
lagi. Vitanlega mundu ekki verða
sömu mörk kjördæma og 1959, og
Reykjavík yrði þá væntanlega
skipt í nokkur einmenningskjör-
dæmi. Jafnvel stórþjóðir hafa hjá
séreinmenningskjördæmi, oglönd,
sem tekið hafa upp hlutfallskosn-
ingu í ekki ólíkri mynd og hér
hefur tíðkazt að undanförnu, hafa
horfið frá þeim aftur.
SPARNAÐAR-
FRUMVARPIÐ.
Sem vonlegt er, hafa efnahags-
málin verið ofarlega á baugi á
Alþingi í vetur. Sennilega verður
séð fyrir endann á þeim umræð-
Þessi fagra bjalla var gjöf frá íslendingafélaginu í Kaupmannahöfn
til Alþingis 1930.
um með framlögðu sparnaðarfrum-
varpi ríkisstjórnarinnar. Fi’um-
varp þetta gerir ráð fyrir 138
millj. kr. sparnaði á fjárlögum,
auk þess sem tekið veroi lán til
nokkurra framkvæmda, sem áður
nutu beinna fjárveitinga á fjárlög-
um.
Það hefur verið erfitt verk að
skera fjárlögin niður um þessa
upphæð, þegar tillit er tekið íil
þess, að við samningu þeirra í
haust var reynt að fara eins gæti-
lega í sakirnar og unnt var. Um
einstaka liði sparnaðarfrumvarps-
ins má vitanlega deila, en þegar
á heildina er litið, hefur vel tekizt
til, og þeirri meginstefnu hefur
verið framfylgt að láta sparnað-
inn koma fram á rekstrarútgjöld-
um ríkisins, án þess að dregið
væri úr þjónustu hins opinbera
við borgarana að neinu marki.
Framsóknarmenn og Alþýðu-
bandalagsmenn voru samir við sig
og spiluðu enn einu sinni plötuna,
að ekkert væri hægt að gera án
þess að fjármál ríkisins yrðu tek-
in til heildarendurskoðunar. Á
mörgu var þó hægt að marka nú,
að hugur fylgdi ekki eins mikið
máli og áður, enda hafði verið
gengið til móts við tillögur þær,
sem þeir fluttu um lækkun út-
gjaldanna, þegar fjárlagafrum-
varpið var til afgreiðslu fyrir ára-
mótin.