Frjáls verslun - 01.01.1976, Blaðsíða 42

Flugfélagið Vængir
Flutti rúmlega 23 þúsund
farþega í áætlunarflugi í fyrra
Var það 30% aukning á milli ára
Þær láta lítið yfir sér aðalbækistöðvar flugfélagsins Vængja á austanverðu flugvallarsvæðinu í
Reykjavík. í fljótu bragði myndi fáa renna grun í, að árlega fara tugþúsundir farþega um þessi
húsakynni. Þegar við svo leituðum uppi skrifstofu forstjórans til að spjalla við hann um afkomu
félagsins, kom enn betur í Ijós, að þeir Vængjamenn hafa sniðið sér stakk eftir vexti og ætla ekki
að falla í þá gryfju að Iáta stjórnunarkostnað há rekstri félagsins. Skrifstofan er nefnilcga í fjölbýl-
ishúsi uppi í Skipholti, nánar tiltekið í kjallaraherbergi.
Þarna hefur Hafþór Helga-
son, framkvæmdastjóri Vængja
skrifstofu sína. Og þegar okkur
bar að var Hafþór að fara yfir
skýrslur og skjöl um flutning-
ana á nýliðnu ári, sem var
Vængjum gott ár.
Áður en við skýrum nánar
frá rekstri félagsins á líðandi
stund er rétt að líta aðeins á
sögu þess. Um áratugaskeið
hefur verið starfrækt, með
vissum hléum, flugfélag, sem
borið hefur nafnið Vængir. Á
ýmsu hefur gengið um rekstur
þess þar til á gamlársdag árið
1970, þegar þetta núverandi
félag eignaðist fyrstu Beech-
craft-flugvél sína. Var þá lagð-
ur grundvöllur að núverandi
starfsemi, sem hefur á fáum ár-
um þróazt mjög ört. Að sögn
Hafþórs Helgason var það fyr-
ir óbilandi áhuga fárra manna
að þetta starf varð að veruleika
en fremstir í flokki voru Úlfar
Þórðarson, Hreinn Hauksson,
Bárður Daníelsson, Erling Jó-
hannesson og Þórólfur Magn-
ússon.
FLUGVÉLAKOSTUR FYRIR
190 MILLJÓNIR
Félagið er rétt fimm ára um
þessar mundir. Fyrstu tvö árin
voru mjög tvísýn en á þeim
tíma eignaðist félagið aðra
Beechcraft-vél og eina af Piper-
gerð. Á miðju sumri 1973 var
svo ráðist í það stórvirki að
kaupa 19 farþega skrúfuþotu
af gerðinni Twin-Otter, sem
sérstaklega er gerð fyrir flug-
tök og lendingar á stuttum
flugbrautum. Verð þessarar
flugvélar var meira en brúttó-
tekjur félagsins árið áður.
Næsta ár á eftir fékk félagið
svo seinni vél sína af Twin-
Otter gerðinni en á að auki
tvær Islander-vélar, 9 sæta,
sem notaðar eru til farþega-
flugs einnig. Samanlagt verð-
mæti flugvélakostsins mun í
dag vera um 190 milljónir
króna.
Það eru aðallega tvær flug-
leiðir, sem segja má að séu
kjölfestan fyrir félagið, Siglu-
fjarðarleiðin og flugið til Ön-
undarfjarðar. Á vetraráætlun-
inni eru fjórar vikulegar ferðir
til Siglufjarðar og þrjár til
Holts í Önundarfirði. Alls eru
viðkomustaðir félagsins úti á
landi 11 í prentaðri vetraráætl-
un og er ferðatíðnin mest á
Snæfellsnes, til Stykkishólms
og Rifs eða daglegar ferðir.
FLUG MEÐ ERLENDA
FERÐAMENN
Hafþór Helgason sagði, að
auk þessa hefði félagið talsverð
umsvif í flugi með erlenda
ferðamenn á sumrin. Þeim hef-
ur verið boðið upp á ferðir til
Vestmannaeyja, sem eru þann-
ig skÍDulagðar að flugvélin bíð-
ur í Eyjum meðan farið er með
fólkið í tveggja tíma skoðunar-
ferð um gosstöðvar og víðar á
Heimaev. Þá eru farnar skoð-
unarferðir til Kulusuk í Græn-
landi, Mývatns og boðið er udp
á útsýnisflug inn yfir hálendið.
Þessar ferðir gera félaginu
kleift að bjóða upp á fargjöld
fyrir innanlandsfarþega, sem
eru nokkurn veginn á kostnað-
arverði, að sögn Hafþórs. Eru
fargjöld svipuð á kílómetra og
hjá Flugfélagi íslands og fylgja
hækkunum hjá því. Eru far-
gjöldin í innanlandsflugi hér
lág miðað við önnur lönd og
nefndi Hafþór sem dæmi, að
fyrir flug aðra leiðina milli
Kaupmannahafnar og Árósa
borguðu menn 150 danskar
krónur en það tekur 20 mínút-
ur í þotu. Flug á samsvarandi
vegalengd hérlendis myndi
vera 700—800 krónum ódýrara.
30% FJÖLGUN FARÞEGA
Farþegar í áætlunarflugi
Vængja voru í fyrra 23.300
talsins en voru 17.995 árið 1974
og er það um 30% aukning
milli ára. Til viðbótar þessu eru
svo 3300-5000 erlendir ferða-
menn. Flestir voru farþegarnir
milli Reykjavíkur og Siglu-
fjarðar og Blönduóss auk stað-
anna á Snæfellsnesi. Hjá fé-
laginu starfa 10 flugmenn, þar
af 8 með flugstjóraréttindi, og
þrír flugvirkjar. Þar að auki
eru svo framkvæmdastjórinn
og aðstoðarmaður hans á skrif-
stofu, starfsmaður í flugaf-
greiðslu og aðstoðarmaður. Um-
boðsmenn hefur félagið á við-
komustöðunum úti um land. Á
sumrin, þegar ferðatíðnin er
mest, er bætt við starfsliði.
AÐSTAÐAN ÚTI Á LANDI
í samtali okkar við Hafþór
Helgason var þessu næst vikið
að flugöryggismálum, einkan-
42
FV 1 1976