Frjáls verslun - 01.04.1977, Síða 59
Eyrarbakki:
„Brú yfir Ölfusárósa og slit-
lag á veginn til Selfoss
bryn úrlausnarefni”
— segir Þdr Hagalín, sveitarstjóri
Það sem einkennir tilveru okkar er lítið svigrúm til allra framkvæmda, sagði Þór Hagalín sveitar-
stjóri á Eyrarbakka þegar Frjáls verslun heimsótti hann fyrir skömmu. — Við búum við sivaxandi
þörf fyrir framkvæmdir án þess að ráða. við þær. Orsakirnar er fyrst ög fremst að finna í því, að
fram undir 1970 hafði þorpið átt 50 ára samfell dan samdrátt að baki. sem dæmi get ég nefnt að
1919 voru 965 íbúar á Eyrarbakka. Arið 1961 voru íbúamir 460. Svona fækkun hefur óhjákvæmi-
Iega í för með sér, að meðalaldur verður ákaflega hár og tekjur og framkvæmdageta sveitarfélags-
ins þar af Ieiðandi rýrar.
— Síðan 1967 hefur stöðugt
f jölgað í 'þorpinu og geri ég ráð
fyrir að bætt hafnaraðstaða og
betri útgerðargrundvöllur eigi
sinn þátt í þvi. En f jölgunin er
fyrst og fremst ungt fólk með
börn. Aldurssamsetning íbú-
anna hérna er nú þannig, að
34% eru 15 ára og yngri en
12% yfir 67 ára. Þetta eru hóp-
ar sem kalla á ákveðna þjón-
ustu af hálfu sveitarfélagsins,
en hins vegar hefur sveitarfé-
lagið ekki tekjur af þessum
aldurshópum. Tekjurnar af út-
svörum, aðstöðugjöldum og
fasteignaskatti eru 20% lægri
hjá ofckur en landsmeðaltal í
þéttbýli.
LÍTILL SKILNINGUR
ALÞINGIS
— Nú er það alltaf ákveðið
lágmark af tekjum sveitarfé-
lags, sem fer í beinan reksturs-
kostnað, sagði Þór. — Meðal-
talið er eitthvað um 60—70%.
Rekstrarútgjöldin eru þau
sömu hjá okkur og annars stað-
ar, en tekjurnar þetta lægri.
Það þýðir það, að við þykjumst
góðir ef við getum látið 10—
15% af tekjunum í fram-
kvæmdir. Á þessum málum
hefur Alþingi sýnt lítinn skiln-
ing og ekki framkvæmt þá
hugsun, sem hlýtur að hafa leg-
ið að baki Jöfnunarsjóðs sveit-
arfélaga. Sá sjóður starfar nú
Þór Hagalín, sveitarstjóri
á Eyrarbakka.
þannig, að hann greiðir öllum
sveitarfélögum sömu upphæð
á íbúa, hvernig sem tekju-
möguleikar sveitarfélagsins eru
og hvernig þeir eru nýttir. Ef
þessi sjóður á að verða til að-
stöðujöfnunar milli sveitarfé-
laga, þá þyrfti hann að bæta
þeim sveitarfélögum sem nýta
tekjumöguleikana til fulls og
telja sig þurfa á fé að halda,
það sem á vantar að þau nái
landsmeðaltali í tekjum. f þessu
sé ég megininntak í öllu tali
um byggðastefnu.
— í rauninni er ástandið
þannig hjá okkur í dag, að við
gætum ekki tekið við stórum
hópi fólks, sem vildi setjast hér
að, sagði Þór. — Við myndum
hreinlega fara á hausinn.
BRÝN ÚRLAUSNAREFNI í
SAMGÖNGUM
— Ef ég á að fjalla um verk-
efni sveitarfélagsins, þá vil ég
nefna framkvæmdir sem þyrfti
að gera, en eru ekki á okkar
valdi, sagði Þór. Það eru tvö
mál sem snerta samgöngur
staðarins. Annars vegar er það
brúun Ölfusárósa og hins vegar
lagning bundins slitlags á veg-
inn til Selfoss. Þótt mikið átak
hafi verið gert hér í hafnar-
málum er höfnin ekki það stór
eða góð, að bátar yfir 100 tonn-
um geti athafnað sig í henni.
Stærstu bátarnir ofckar verða
að nota Þorlákshöfn sem lönd-
unarstað og síðan er aflanum
ekið 50 kílómetra leið, þ.e.a.s.
PV 4 1977
59