Frjáls verslun - 01.11.1977, Blaðsíða 59

öllu valdi. 1975 seldi stöðm á
ellefta þúsund rúmmetra af
steypu, en við fórum niður í
fimm þúsund rúmmetra 1976.
Nú hefur þetta aðeins Iþokast
uppá við aftur og verður senni-
lega 6.500 rúmmetrar í ár.
— Hvað eruð þið með marga
bíla í steypuflutningunum?
— Það má segja að það séu
að jafnaði tveir þriggja rúm-
metra bílar og einn sex rúm-
metra sem bættist við flota okk-
ar í vor.
— Hvað er framundan hjá
ykkur? Er hægt að auka nýt-
ingu stöðvarinnar á einhvern
hátt?
— Það er nú ekkert afráðið
með það enn, hinsvegar erum
við með ýmsa aðra framleiðslu
í tengslum við Steypustöðina
svo sem pípugerð og plastfram-
leiðslu, þ.e. einangrunarplast og
þar að auki erum við talsvert
í húsbyggingum. Við steypum
öll rör í fyrirtækinu Rörsteyp-
an hf. og framleiðum auk þess
talsvert af milliveggjasteini.
Alla efnismölun erum við sjálf-
ir með. Þetta er nú það helzta
sem hér er fengist við.
— Hvað með steypuefni, nú
skilst manni að ekki skorti það
síðan gosinu lauk?
— Já, fyrir gosið vorum við
næstum því komnir út í „Grjót-
jötunsævintýri“. Við höfðum
samið við færeyinga um að þeir
lánuðu okkur bátinn sem iþeii'
nota til að sækja steypuefni til
Grænlands, en þeir hafa hann
þar á sumrin. Meiningin var að
hann kæmi 'hér við hjá okkur
um leið og hann færi heim um
haustið. En báturinn strandaði
og þar með var það úr sögunni.
Annars átti hann að koma hér
við á leið frá Færeyjum í apríi
1973 og prófa hvort hann næði
upp einhverju efni hér um
slóðir. Á þeim tíma vorum við
orðnir anzi tæpir með efni, en
eins og þið vitið þá sá „hann
þarna niðri“ fyrir því að þetta
breyttist.
— Hvernig reynist nýja
steypuefnið? Nú er þetta ekki
gjall er það?
— Það hefur nú gengið á
ýmsu með það. Þetta er að
uppistöðu til basalt — ekki
gjall. í fyrstu vorum við að
þreifa okkur áfram með að
taka efnið hér í fjörunum, en
þá var saman við það talsverð
aska, eða um 15%, og 'hún var
skrambi erfið viðureignar. Nú
er hins vegar einungis 1—2%
aska í efninu og það er bara til
bóta í steypunni.
— Úr hverju steypið þið milli-
veggj asteininn?
— Úr rauðamöl. Við höfum
prófað vikurinn en gáfumst
upp á honum vegna þess hve
hann er sár. Hann eyðileggur
öll tæki á örskammri stund,
hann er svo 'harður að vélarnar
næstum því hverfa á skammri
stund. Við höfum undanfarið
verið að mala vikur fyrir bæ-
inn vegna malbikunarfram-
kvæmda, en mölunartækin
okkar biluðu nú fyrir nokkrum
dögum. Þá tók Þórisós hf. í
Reykjavík að sér að hlaupa í
skarðið, en þeir urðu dálítið
hissa þegar tækin voru uppurin
strax á fjórða eða fimmta degi.
Síðan hefur þetta verið að fara
hjá þeim með skömmu millibili.
Við höfum reynt að nota þetta
efni í milliveggjastein, en það
hefur ekki tekist nógu vel i
þeim vélum sem við erum með,
enda eru þær gerðar fyrir ann-
að efni.
— Hvað er verið að vinna að
í fyrirtækinu þessa stundina?
— Við erum að byggja rað-
hús auk þess sem nokkuð stórt
steypuverk er framundan á
næstu dögum, en það er verið
að keppast við að steypa upp
nýtt fiskvinnsluhús hérna aust-
ur frá. Þá er lokið við að steypa
upp flugturninn en verið að
byrja á flugstöðinni. >á er tals-
vert að gera hjá okkur í röra-
steypunni vegna hitaveitufram-
kvæmdanna og nýlagna í íbúð-
arhverfi og fiskvinnsluhús.
Annars var mun meira um að
vera í fyrra, nú er þetta aðeins
til að halda þessu gangandi.
SJÁVARFRÉTTIR
koma nú út í hverjum
mánuði.
Upplag
SJÁVARFRÉTTA
er nú á sjöunda
þúsund eintök.
Fjórfalt stærra blað en
nokkuð annað
á sviði
sjávarútvegsins.
SJÁVARFRÉTTIR
er lesið af þeim, sem
starfa við
sjávarútveginn og
taka ákvarðanir
um innkaup vöru og
þjónustu fyrir
útgerð, fiskiðnað, skipa-
smíðastöðvar, vél-
smiðjur og aðra aðila á
sviði sjávarútvegs
og þjónustu-
greina hans.
Eflið viðskiptin við
sjávarútveginn
og kynnið vörur
og þjónustu í
SJÁVARFRÉTTUM.
SJÁVARFRÉTTIR
Ármúla 18.
SÍMAR 82300 OG 82302.
FV 11 1977
59