Frjáls verslun - 01.04.1979, Síða 82

ti! umrædu
Frjáls verzlun hefur lagt sig fram um
að kynna lesendum sínum ólíka þætti í
samskiptum íslands og annarra landa.
Hefur þetta verið gert reglulega að und-
anförnu, ýmist með svokölluðum sér-
blöðum um málefni tiltekinna landa eða
þá í greinaflokkum eins og þeim, sem
birzt hafa í síðustu tölublöðum. Eins og
gefur að skilja eru það verzlunarvið-
skipti við viðkomandi lönd, sem setið
hafa í fyrirrúmi við umfjöllun um utan-
ríkissamskipti okkar. Hefur hlutur
helztu viðskiptalanda okkar í útflutningi
eða innflutningi orðið mestur í þessu
sambandi. Það er ekki fyrr en nú, að
blaðið gerir Sovétríkjunum nokkur skil
að þessu leyti. Þykir okkur tími til kom-
inn þar eð þau hafa lengi skipað efstu
sætin í flokki helztu viðskiptalanda ís-
lands.
Á þessum síðustu tímum blandast
sennilega fáum hugur um mikilvægi
þeirra viðskiptasambanda, sem fyrir
hendi eru í samskiptum íslendinga og
Sovétmanna, þó að eðlileg sé sú ósk ís-
lendinga að aukin áherzla verði lögð á
að draga úr viðskiptahallanum á þann
veg að Sovétmenn kaupi meira magn og
verðmætara af íslenzkum afurðum á
móti síhækkandi olíuvörum, sem þeir
selja hingað til lands. Vonandi verða
grundvallarhugmyndir um jafnrétti og
gagnkvæman skilning og hag, sem
opinberir talsmenn sovézkra yfirvalda
viðra svo oft í umræðum um samskipti
sín við önnur lönd, látnar gilda í raun í
viðskiptum við ísland.
Spennuslökun í sambúð ríkja vesturs
og austurs á undanförnum árum hefur
að sönnu einkennt samband Sovétríkj-
anna við ísland eins og önnur Vestur-
lönd. Það er sjálfsagt að við, eins og aðrir
íbúar Vesturlanda, leggjum okkur fram
um að kynnast málefnum þessa risa-
veldis til að öðlast aukinn skilning á
þeim aðstæðum, sem svo mjög hljóta að
setja mark sitt á þróun alþjóðamála. I
þessu blaði birtast nokkrar greinar, sem
ætlað er að veita lesendum smávegis
innsýn í nokkra þætti sovézks efnahags-
og atvinnulífs. Þessar greinar eru ritaðar
af fréttamönnum opinberrar fréttastofu
sovézka ríkisins. í ljósi þess ber að taka
þeim með nokkrum fyrirvara. En meðan
Sovétríkin eru enn að mestu lokað land
hvað upplýsingaöflun varðar eru vest-
rænir fjölmiðlar tilneyddir að byggja
fréttir sínar og frásagnir í verulegum
mæli á opinberum tilkynningum, svo
trúverðugar sem þær kunna að reynast.
Ólíkt því sem gerist í hinum frjálsa heimi
er viðleitni erlendra fréttamanna í
Sovétríkjunum til sjálfstæðrar upplys-
ingaöflunar settar þröngar skorður.
Þrátt fyrir þessar augljósu hömlur og
eðlilega tortryggni í garð áróðursmeist-
ara þeirra Kremlverja verða málefni
Sovétríkjanna ekki látin liggja í þagnar-
gildi á íslandi fremur en í öðrum vest-
rænum ríkjum. Vilji ráðamenn í Sovét-
ríkjunum hins vegar í hjarta sínu stuðla
að eðlilegum samskiptum við Vesturlönd
í anda friðar og vináttu hlýtur það að
teljast frumskilyrði, að frjáls og gagn-
kvæm miðlun upplýsinga verði upp tek-
in og íbúum Sovétríkjanna og Vestur-
landa veitt tækifæri á jafnréttisgrund-
velli til gagnkvæmra heimsókna milli
landa til að sjá með eigin augum og meta
hver fyrir sig þá reynslu, sem þeir verða
fyrir. Annað fyrirkomulag er til bráða-
birgða og mun ekki til lengri frambúðar
samrýmast þeim fögru fyrirheitum, sem
fyrir hafa legið í orði.
82