Frjáls verslun - 01.11.1979, Blaðsíða 65

Olafsvík:
Anda léttar eftir að
brimbrjóturinn kláraðist
Ólafsvíkingar geta nú andað
léttar. Oft hefur höfnin þeirra verið
hættuleg fyrir báta og skip, sem
þar hafa legið við bryggju. Nýlega
er lokið við brimbrjótinn, sem
gerður var fyrir höfnina þar, og
ætti nú að verða öllu lygnara inni á
höfninni og ekki að koma til
hættuástands í vondum veðrum.
Jóhannes Pétursson, sveitar-
stjóri, sagði í stuttu spjalli við FV
að í ár hefði verið varið til ''erksins
um 130 milljónum króna, en í fyrra
um 100 milljónum. Er garðurinn
um 200 metra langur. Nýr skut-
togari er væntanlegur til Ólafsvík-
ur næsta vor frá Portúgal. Það er
Útver, sem kaupir þennan togara
til staðarins. Gífurleg vinna hefur
verið við fiskinn í sumar og haust
og raunar erfitt að fá mannskap í
þeim mæli, sem þurft hefði.
Saltfiskverkunarstöðvarnar eru
að stækka við sig þessa stundina,
Stakkholt með 700 fermetra við-
bótarbyggingu og Bakki mun vera
að fara af stað með framkvæmdir.
Þeir í Ólafsvík steypa helztu um-
ferðargöturnar með sementi frá
Akianesi. Nýlega er lokið við 270
metra kafla á Grundarbraut, en í
framtíðinni er ætlunin að leggja
olíumöl á götur, sem bera minni
umferð en Grundarbraut og
Ólafsbraut. Búið er að leggja
varanlegt slitlag á 70% af götum
bæjarins.
Félagslíf á staðnum hefur nokk-
uð markazt af aðstöðunni, sem
hefur verið mun lakari en almennt
er meðtekin í dag. Gamla félags-
heimilið er orðið ákaflega laslegt,
en þar er þó nokkuð félagslíf
stundað og þar er kvikmyndahús
þeirra Ólafsvíkinga. En nú stendur
fyrir dyrum að bæta úr. Búið er að
taka grunninn fyrir nýju félags-
heimili og ætlunin að vinna að
byggingu þess næsta sumar.
Þá er grunnskólabygging í
smíðum, 1300 fermetrar á einni
hæð eftir teikningu Róberts Pét-
urssonar. Verður reynt að gera
húsið fokhelt fyrir veturinn. Áætl-
aður kostnaður við bygginguna í
því ástandi er um 100 milljónir
króna.
65