Frjáls verslun - 01.11.1979, Blaðsíða 59

Vík í Mýrdal:
Eln af starfsstúikum Kötlu meö fllk sem hún hannaðl fyrir fyrlrtæklð.
Mikill áhugi fyrir
uppbyggingu iðnaðar
Vík í Mýrdal hefur verið um árin
einn af þessum dæmigerðu þétt-
býlisstöðum sem allt byggist upp á
kaupfélaginu. Þarna hefur kaup-
félagið verið allt í öllu og vöxtur og
viðgangur kauptúnsins hefur vax-
ið í réttu hlutfalli við stækkun
kaupfélagsins. En nú á síðustu ár-
um hefur það sýnt sig að einka-
framtak Víkurbúa hefur dugað til
annars en reksturs samvinnufé-
lags. Þar hafa risið upp iðnfyrir-
tæki í einkaeign sem ugglaust eiga
eftir að auka á viröingu kauptúns-
ins enn meir en verið hefur.
Rafmagnsofnafram-
leiðsla
í Vík í Mýrdal fer brátt að hefjast
ný tegund iðnframleiðslu og er
það framleiðsla á rafmagnshit-
unarofnum að norskri fyrirmynd á
vegum nýstofnaðs fyrirtækis sem
heitir Hrafnatindur. Forráðamenn
fyrirtækisins eru þeir Bergur Örn
Eyjólfsson, Árni Oddsteinsson,
Sigurður Sigurjónsson, bílstjóri og
Eyjólfur Sigurjónsson, bóndi.
Þessir norsku ofnar hafa það
fram yfir aðra rafmansofna að af
þeim er engin bruna- eða
íkveikjuhætta, en slíkt hefur
verið einn helsti galli þeirra ofna
sem nú eru á markaðinum.
Ástæðan er sú að norsku ofnarnir
hitna ekki eins mikió aó utan. Þeir
eru fyrirferðalitlir með lágum yfir-
borðshita en með opi ofan og
neðan og streymir þaðan heitt
loftið út.
LJtflutningurinn 1978 70
milljónir
,,Sem dæmi um umfang fyrir-
tækisins þá námu launagreiðslur
þess 40 milljónum króna fyrstu
þrjá ársfjórðunga þessa árs og af
starfsmönnum fyrirtækisins sem
eru yfirleitt yfir tuttugu þá eru
aðeins 4—5 sem hafa fyrir fjöl-
skyldum að sjá. Hinir eru hér
aðeins i aukastörfum þannig að
þetta þýðir talsverðar aukatekjur
fyrir önnur heimili1', sagði Kristján
Jónasson, framkvæmdastjóri
prjónastofunnar Kötlu h.f. í Vík í
Mýrdal.
Kristján sagði að fyrirtækið hefði
verið stofnað 1971 og væru hlut-
hafar fyrirtækisins 114 að tölu.
Langflestir væru einstaklingar í
kauptúninu, en þrír stærstu hlut-
hafarnir væru sýslusjóðurinn,
Hvammshreppur og Kaupfélag
Vestur-Skaftafellssýslu.
Katla er núna að framleiða upp í
samning við Sovétmenn sem
hljóðar upp á 40.000 stykki af
barnaflíkum. Þetta er þó of stór
samningur til þess að fyrirtækið
geti annað honum sjálft og hefur
því fengið í lið með sér þrjár aðrar
prjónaverksmiðjur, en Katla fram-
leiðir þó 15.000 stykki sjálf.
Prjónastofan Katla er í eigin
húsnæði sem í daglegu tali er
kallað gamla Halldórsverslun, og
var áður pósthús staðarins. Þetta
hús ber þess merki að það hafi
ekki verið hannað fyrir iðnað, en
þó er mjög gott að koma þarna inn,
og ekki spillir andi starfsfólksins,
sem er mjög góður.
Vikurnám
Ungir menn í Víkinni hafa brætt
það meö sér í nokkurn tíma að fara
að hefja vikurnám skammt frá
kauptúninu, þurrka vikurinn og
setja hann í poka og nota síðan til
einangrunar í húsgrunna. Þetta
mál er þó enn á athugunarstigi, en
sýnir þó að ekki skortir þá Víkur-
búa hugmyndirnar né kjarkinn til
þess að ráðast í verkefnin.
59