Frjáls verslun - 01.11.2000, Side 46

FERÐAÞJÓNUSTA
Selur Island
vestanhafs
að hefiir vakið töluverða at-
hygli í íslenskum ferðaiðnaði
hve mjög bandarískum ferða-
mönnum hefur flölgað hér á landi.
Helstu ástæðurnar fyrir þessari já-
kvæðu þróun er langtíma uppsveifla
í bandarísku efnahagslífi, öflugt
markaðsstarf Flugleiða og ekki síst
þróttmikið og markvisst landkynn-
ingarátak skrifstofu Ferðamálaráðs í
New York, en framkvæmdastjóri hennar er Einar Gustavs-
son. Gefum Einari orðið.
Hvergi í heiminum meiri samkeppni „Snar þáttur í því hve vel
okkur gengur hér í Bandaríkjunum," segir Einar, „er hve vel við
þekkjum þennan markað. Við erum búin að fljúga hingað í hart-
nær 50 ár. Hins vegar verða Islendingar að gæta að því að
hvergi er samkeppnin harðari og miskunnarlausari en hér i
Bandaríkjunum. Algjör forsenda fyrir því að okkur takist vel
upp á þessum gríðarlega stóra markaði er að rekstur Flugleiða
sé tryggur. Flugleiðir íljúga hingað 1.750 flug á ári. Mestur hluti
farþeganna eru útlendingar, Bandaríkjamenn á leið til Evrópu
og Evrópubúar á leið til Bandaríkjanna. Eins og ég sagði hér
áðan er samkeppnin gífurleg og fer harðnandi. Það er þess
vegna mikilvægt að við höldum vöku okkar og hlúum vel að
þessum markaði því engir erlendir ferðamenn eyða eins miklu
fé á meðan þeir dvelja á Islandi og þeir bandarísku."
Ætlaði að verða útgerðarmaður Einar Gustavsson er fæddur á
Siglufirði árið 1943 og ólst þar upp. Hann lauk prófi frá Verslun-
arskóla Islands og fór svo til framhaldsnáms í viðskipta- og
verslunarfræðum í Englandi. En hver var ástæðan fyrir því að
hann gerði ferðaþjónustuna að ævistarfi sínu? „Faðir minn rak
verslun, útgerð og síldarsöltun á Siglufirði. Það stóð til að eftir
að ég kæmi heim frá námi færi ég að vinna með föður mínum
og tæki svo við rekstri fyrirtækisins. Eg hafði hins vegar mik-
inn áhuga á því að fá tækifæri til að starfa erlendis í 1-2 ár áður
en ég flytti aftur heim til Sigló. Eina íslenska fyrirtækið sem þá
var með einhverja starfsemi að ráði er-
lendis var Loftleiðir. Atvikin höguðu
því þannig að ég fékk vinnu hjá því fyr-
irtæki, flutti til Bandaríkjanna árið
1966 og hef búið þar nánast óslitið síð-
an, að undanskildum árunum 1988 til
1990 þegar ég starfaði sem forstöðu-
maður markaðs- og söludeildar Flug-
leiða á íslandi."
- Þú hefur þá væntanleg'i unnið margvísleg störf hjá Flugleiðum
í öll þessi ár?
,Já, það er óhætt að segja það. Þetta voru miklir umbrotatímar
í bandarísku samfélagi og það var ávallt mikill kraftur í starf-
seminni í Bandaríkjunum. Það kemur mér stöðugt á óvart hve
margir Bandaríkjamenn hafa flogið með Flugleiðum og eru hér
nú milljónir manna sem þekkja tíl félagsins. Það var mjög sam-
stílltur hópur sem vann hér saman og oft var vinnudagurinn
langur en þetta var jafnframt mjög góður skóli þar sem sam-
keppnin var nánast heilsuspillandi. Eg starfaði bæði með Sig-
urði Helgasyni eldri og Sigurði yngri, núverandi forstjóra Flug-
leiða. Jú, þetta voru svo sannarlega skemmtíleg og eftirminni-
leg ár en það var kominn tími tíl að breytíi tíl,“ segir Einar.
Þess má geta að á árunum 1978 tíl 1988 var Einar Gustavs-
son sölu- og markaðsstjóri Flugleiða í Bandaríkjunum. Eigin-
kona Einars er Gríma Gísladóttír og eiga þau þrjár dætur.
Fjölmiðlar í lykilhlutverki kynníngarstartsins 1990 var Einar
ráðinn framkvæmdastjóri landkynningarskrifstofu Ferðamála-
ráðs Islands í Bandaríkjunum og Kanada. Hvaða aðferðum hef-
ur Einar beitt í starfi sínu á Bandaríkjamarkaði?
„Mjög mikilvægur þáttur í starfseminni hér er að fá banda-
rískt ljölmiðlafólk tíl að fara tíl Islands. Greinar í blöðum og
tímaritum og útvarps- og sjónvarpsþættír eru áhrifamesta og
ódýrasta kynningin sem hægt er að fá. Eg get nefnt sem dæmi
að í maí síðastliðnum var morgunþátturinn vinsæli „Today
Show“ á NBC stöðinni sendur frá Islandi. Um 25 milljónir
manna sáu þessa útsendingu. Ef við könnum birtíngarverð-
Einar Gustavsson erframkvœmdastjóri
Landkynningarskrijstofu Feróamálaráds
Islands í New York. Hann var á dögunum
útnejndursem einn afmönnum ársins í
bandariskum ferðaiónadi.
Mvndir: Geir Ólafsson
Morgunþátturinn vinsæli „Today Show“ á NBC stöðinni var sendur út frá íslandi síðastliðið vor.
Um 25 milljónir manna sáu þessa útsendingu. Ef við könnum birtingarverðmæti þessarar einu
útsendingar þá eru þau um 12 milljónir dollara, eða um 1 milljarður íslenskra króna.
46