Helgarpósturinn - 24.11.1994, Qupperneq 4
4
MORGUNPÓSTURINN FRÉTTIR
FIMMTUDAGUR 24. NÓVEMBER 1994
Georg Ólafsson, forstjóri Sam-
keppnisstofnunar „Mig rekur í
minni að einhverjar kvartanir hafi
borist stofnuninni en mér er ekki
kunnugt um að um formlegt er-
indi hafi verið að ræða.“
Ábendingar og
kvartanir um meint
einokunarfyrirtæki
apótekara hafa
borist Samkeppnis-
stofnun
Skoðar
Klasa
Fyrir nokkru settu apótekarar
landsins á stofn fyrirtækið Klasa hf.
en tilgangur þess er meðal annars
að annast innkaup og dreifíngu á
vörum fyrir apótek. Stofnun fyrir-
tækisins er talin undirbúningur fyr-
ir aukna samkeppni sem fylgir sam-
þykkt laga um frjálsa lyfsölu hér-
lendis en þau taka gildi um næstu
áramót, verði Sighvati Björgvins-
syni heilbrigðisráðherra að ósk
sinni. Síðasliðin mánudag var sagt
frá því í MORGUNPÓSTINUM að
ýmsir aðilar sem rætt hefði verið
við teldu stofnun Klasa hf. vera
beina ögrun við samkeppnislögin.
Fyrirtækinu er ætlað að sjá um inn-
kaup við heildsala og hafa margir
áhyggjur af því að þarna sé verið að
stofna fyrirtæki sem heildsalar
verði að versla við til að koma vör-
um sínum að hjá apótekum.
Georg Ólafsson, forstjóri Sam-
keppnisstofnunar, segir að sig reki
minni til þess að einhverjar kvart-
anir hefðu borist stofnunni en sér
væri ekki kunnugt um að um form-
legt erindi væri að ræða. Vísaði
hann til Guðmundar Sigurðsson-
ar, forstöðumanns samkeppnis-
sviðs stofnunarinnar, varðandi
þessa fyrirspurn. Guðmundur stað-
festi að stofnunin hefði fengið
ábendingar varðandi starfsemi
Klasa hf. „Á þessu stigi tel ég ekki
vænlegt að vera að úttala sig neitt
um það,“ segir hann.
Þýðir það að verið sé að rannsaka
málið?
„Ég verð bara að segja „no
komment“.“
Aðspurður segir Guðmundur
ekki tímabært að tjá sig um hvort
starfsemi Klasa hf. brjóti í bága við
samkeppnislög. „Við erum búnir
að fá athugasemdir og maður rýkur
ekki upp til handa og fóta þó mað-
ur fái þær. Við þurfum að rannsaka
málið og sannreyna þær frekar. Það
hefur ekkert formlegt borist út af
þessu.“ Guðmundur vildi ekki láta
uppi hvaðan þessar athugasemdir
hefðu borist. -lae
Sighvatur Björgvinsson heil-
brigðisráðherra. Viðbrögð apó-
tekara við frumvarpi hans verða
könnuð hjá Samkeppnisstofnun.
Skáld stranda á skipi sínu á Egilsstöðum ■ Simpsons og Corky koma heim ■ Kjartan leikstýrir Tangó
og mennmg
og Forlagið
hafa að und-
anförnu
staðið að skáldakvöldum víðs vegar
um land en þar lesa höfundar úr nýj-
um bókum sínum undir yfirskrift-
inni „Það eru skáld á skipinu“. I
kvöld er upplestur á Egilsstöðum í
menntaskólanum þar: Einar KAra-
son, FrIða á. Sigurðardóttir, Sjón,
JÓHANNA SVEINSDÓTTIR Og ÍSAK HARÐ-
arson leggja land undir fót og ætla að
lesa úr nýútkomnum bókum sín-
um...
■Aðdáendur Simpson-fjölskyldunn-
ar geta dregið andann léttar þvi hún
mætir affur til leiks í Sjónvarpinu eft-
ir áramót. Önnur fjölskylda sem
áhorfendur þekkja verður einnig á
skjánum eftir áramót. Það er fjöl-
skyldan sem samhent leysir öll sín
vandamál með Corky sem aðalmann
í þáttunum „Live goes on“...
Úh
' tskriftarbekkur Leiklistarskóla
Islands hefur nú hætt sýningum á
verkinu Trúðum og hafiiar eru æf-
ingar á nýju verkefhi. Leikritið sem
varð fyrir valinu heitir Tangó eftir
pólverjann Slawomir Mrozek en það
er Kiartan Ragnarsson sem leikstýr-
ir. Kjartan var nýverið í Póllandi þar
sem hann vann við leikhús en Pól-
verjar eru mjög framarlega í leiklist-
inni. Tveir gestaleikarar leika í
Tangó, þau Jórunn Sigurðardóttir
og Pólverjinn Jazek en hann dvaldist
hér sem barn og talar íslensku reip-
rennandi. Tangó er skrifað 1962 og
var sett upp í Iðnó árið 1969 í leik-
stjóm Sveins Einarssonar. Það fjallar
um fjölskyldu þar sem foreldramir er
af kynslóð súrrealista og abstraktista
og hafa kastað fyrir róða öllum göml-
um gildum en sonurinn heldur þeim
hins vegar á lofti og fer í læknisff æði i
jakkafötum og með bindi. Þetta er
klassískur hringur sem hæglega má
heimfæra upp á hippakynslóðina og
afkvæmi henn-
ar. Lokaverk-
efni Nemenda-
leikhúss-
ins hefur
enn ekki
verið
valið en
því leik-
stýrir Þór
Tulinius...
Sævar M. Ciesielski afhenti Ara
Edwald, aðstoðarmanni dóms-
málaráðherra, skýrslu sína í gær
sem hann hefur unnið að undan-
farna mánuði. Þar gerir hann
kröfu um verða sýknaður af fyrri
dómi um að hafa verið valdur að
hvarfi Geirfinns Einarssonar og
Guðmundar Einarssonar um
miðjan áttunda áratuginn.
Sævar M.
Ciesielski af-
henti í gær að-
stoðarmanni
dómsmálaráð-
herra ítarlega
greinargerð til
áréttingar kröfu
sinni um end-
urupptöku
Geirfinns- og
Guðmundar-
málanna
Fjar\/istarsönnun minni
stungið undir stól
Undanfarna mánuði hefur Sæv-
ar Marinó Ciesielski unnið að ít-
arlegri skýrslu til að fylgja eftir
kröfu sinni um endurupptöku
Geirfinns- og Guðmundarmál-
anna. I gær, miðvikudag, afhenti
hann Ara Ewald, aðstoðarmanni
Þorsteins Pálssonar dómsmála-
ráðherra, skýrsluna sem telur á
annað hundrað síður með fylgi-
skjölum. Þessi tímasetning er engin
tilviljun því 19. nóvember síðastlið-
inn voru liðin tuttugu ár frá því að
Geirfinnur Einarsson hvarf.
„Ég á von á því að málið verði
tekið upp aftur, það er engin
spurning um það,“ sagði Sævar í
samtali við MORGUNPÓSTINN í gær.
„Ég er búinn að leggja mikla vinnu
í að koma þessari greinargerð heim
og saman og hef alfarið einbeitt
mér að því frá því ég koma heim frá
Bandaríkjunum í vor. Fréttaflutn-
ingur fjölmiðla á sínum tíma var
mjög einhliða. Þá var ég tvítugur og
átti erfitt með að bera hönd fyrir
höfuð mér en nú er ég fullorðinn
maður og get staðið fyrir máli
mínu. Mér finnst mér líka bera
skylda til að upplýsa almenning um
hvernig að rannsókn þessara mála
var staðið. Ef þau verða ekki endur-
upptekin er það áfellisdómur yfir
réttarkerfi samtímans sem heur
verið bætt verulega frá því dómur
var kveðinn upp yfir okkur á röng-
um forsendum. Það hlýtur að sýna
fram á styrk dómstóla í dag að geta
tekið fyrir mál aftur ef brotið hefur
verið á rétti sakborninga."
Alls voru sex ungmenni dæmd
fyrir að hafa átt aðild að hvarfi
Geirfinns og Guðmundar Einars-
son um miðjan áttunda áratuginn.
Sævar fékk þyngsta dóminn, lífstíð-
arfangelsi fyrir Sakadómi Reykja-
víkur sem Hæstiréttur mildaði í
sautján ár. Frá því hann lauk af-
plánun sinni hefur Sævar unnið að
því að fá málið tekið upp aftur á
þeim forsendum að játningar sak-
borninganna hafi verið þvingaðar
fram með harðræði. Hann bjó um
tíma í Bandaríkjunum en kom
hingað til lands í vor og hefur síðan
einbeitt sér að því að afla sér gagna
og skrifa þessa skýrslu með það að
markmiði að fá æru sína hreinsaða.
í fyrsta hluta skýrslu sinnar rekur
Sævar aðdraganda Guðmundar-
málsins. I öðrum hluta reynir hann
að sýna fram á að lögreglan hafi
staðið ólöglega að rannsókn
mannshvarfanna. Þar tekur hann
einstök atriði fyrir lið fyrir lið. Þá
tekur við kafli sem hann kallar
„Rannsóknarverð atriði“. Þar held-
ur hann því meðal annars fram að
játningar sakborninga hafi verið
þvingaðar fram með harðræði.
Niðurstöður Sakadóms Reykjavík-
ur og Hæstaréttar eru reifaðar í
fjórða og fimmta hluta. Sævar gerir
ítarlegar athugasemdir við þær og
birtir eigin andsvör við einstök at-
riði.
Þá fylgja skýrslunni fjölmörg
fylgiskjöl sem Sævar aflaði sér með-
al annars í Þjóðskjalasafninu í sum-
ar eftir að hann hafði fengið leyfi til
að kynna sér gögn málsins sem áð-
ur höfðu verið lokuð.
I eftirmála skýrslu sinnar segir
Sævar orðrétt:
„Ég var hafður á sterkum lyfjum,
þunglyndis og vöðvaslakandi, án
þess að gangast undir læknisskoð-
un sérfræðings, sem varð þess vald-
andi að ég yfubugaðist hægt og ró-
lega á sál og líkama. Langvarandi
einangrun og sá djöfulskapur er ég
varð fyrir af fangavörðum og rann-
sóknaraðilum auk lyfjagjafa varð
þess valdandi að ég var ekki dóm-
bær á það sem ég staðfesti í skýrsl-
um hjá rannsóknaraðilum í Síðu-
múlafangelsi með undirskriftum
eða fyrir dómi sakadóms er málið
var þar til umfjöllunar árið 1977.
Vafalaust hafði einangrunardvölin
mikið að segja og spilaði stóran þátt
í játningum sakborninga. Á meðan
á þessu stóð var fjarvistarsönnun
minni stungið undir stól. Eru
vinnubrögð af þessu tagi virkilega
réttlætanleg?
Ég geri kröfu um að vera sýknað-
ur af fyrrnefndum málum og verði
bætt upp sú niðurlæging sem ég hef
þurft að þoIa.“
Dómsmálaráðuneytið hefur úr-
skurðað að Hallvarður Einvarðs-
son, ríkissaksóknari, sé vanhæfur
til að fjalla um ósk Sævars, eins og
MORGUNPÓSTURINN greindi frá í
byrjun október. Ástæðan er sú að
Hallvarður var einn af stjórnend-
um rannsóknarinnar á sínum tíma.
í stað hans verður því skipaður sér-
stakur saksóknari til að fjalla um
málið og gera tillögu til Hæstarétt-
ar, eins og lög gera ráð fyrir. Það
verður svo endanlega í höndum
réttarins að ákveða hvort málið
verður tekið fyrir á nýjan leik. -SG