Helgarpósturinn - 06.04.1995, Blaðsíða 15

ÍFlMMTODyGOR'^ÆPRirTggg
15
inn leigusamningi á reksturinn til
31. janúar 1996. Ólafur þurfti að
losa peninga þar sem hann er
kominn á kaf í hótelrekstur með
kaupum á Holiday Inn og rekstri
Hótel Reykjavíkur.
Fullyrt er að Karl hafi lýst því
yfir að hann hafi kwpt húsið til
þess að leigja það Ólafi í eitt ár
en síðan myndi Hagkaup taka við
rekstrinum. Hagkaupsmenn hafa
litið hýru auga til Garðakaupa
með það fyrir augum að opna
eigin stórmarkað. Hins vegar er
sagt að leigan nú sé afkomutengd
og nemi vel yfir 2 milljónum
króna á mánuði og það sé meira
en Hagkaup er tilbúið að borga.
Þess vegna hefur Hagkaup rætt
við Pharmaco um leigu á þeirra
húsnæði sem er steinsnar frá
Garðakaupum en einnig við bæj-
aryfirvöld um að reisa eigin
markað. Flestir eru á því að með
þessu sé Hagkaup að knýja verð-
ið niður sem Óskar Magnússon
segir „allt of hátt“. Þá er ekkert
víst að Hagkaup komi yfir höfuð í
Garðabæinn. Ef Hagkaup færi í
samkeppni yrði Garðakaupshús-
ið nánast ónothæft og illseljan-
legt og því hefur Hagkaup hálf-
gert hreðjatak á Karli. Honum
liggur hins vegar ekki mikið á
enda hefur hann tryggan leigu-
samning í eitt ár og aðrar versl-
anir gætu komið inn, til dæmis
10-11 verslanirnar, sem hafa
sprottið upp eins og gorkúlur.
Fyrir utan stórmarkaðinn sjálfan
er í húsinu stór kjallari og svalir
með verslunum, sælgætis- og
vídeóhöll, framköllunarþjónustu,
heildsölum, sólbaðsstofu og krá.
í einhverjum tilfellum hefur Karl
reynt að fá leiguna hækkaða.
TÓMLEGT
I TURWHUSIIUU
Turnhúsið svokallaða við
Tryggvagötu 8 er önnur fasteign
sem ekki hefur gengið of vel.
Kirkjuhvoll keypti húsið haustið
1993 og afsal er gefið út þann 29.
desember sama ár. Húsið er 780
fermetrar og brunabótamat þess
er 60 milljónir en kaupverð mun
hafa verið mun lægra.
Fyrsta hálfa árið stóð húsið
ónotað en Guðmundur L. Þórisson
og tveir smiðir, Jón Arnar og
Magnús Sigurðsson, innréttuðu
þar skemmtistaðinn Turnhúsið.
Guðmundur dró sig reyndar út
úr dæminu en staðurinn var opn-
aður í apríl á síðasta ári. Sam-
kvæmt heimildum blaðsins áttu
þeir að greiða 175 þúsund krón-
ur á mánuði í húsaleigu fyrsta ár-
ið en þá átti leigan að hækka um
100 þúsund. Staðurinn gekk eng-
an veginn og aðsókn var nánast
engin. Fullt vínveitingaleyfi
fékkst aldrei og íbúar í nágrenn-
inu voru með mótmæli. Á endan-
um yfirtók Kalli staðinn sem enn
hefur ekki hefur opnað að nýju.
Á efri hæðunum var meiningin
að standsetja íbúðir og atvinnu-
aðstöðu til útleigu en enn hefur
ekkert orðið af því. Einnig fékk
Karl leyfi bygginganefndar
Reykjavíkur til að hækka risið og
innrétta þar íbúðir. Eitthvað hef-
ur verið unnið við það en enginn
hefur flutt inn og er því húsið í
raun allt galtómt. Hefur Karl
bæði reynt að leigja og selja hús-
ið í heilu lagi eða að hluta en ekki
tekist. Er há verðlagning einkum
nefnd í því sambandi.
IIPPBYGGIIMG
I MIÐBÆIUUM
Að Vesturgötu 6-8 er Naustið
og Naustkjallarinn rekinn. Háar
leigutekjur voru nefndar en þær
fengust ekki staðfestar. En Karl
leigir einnig veitingastaðinn Við
Tjörnina og mun mánaðarleg
leiga nema á þriðja hundrað þús-
und á mánuði þótt hærri tölur
hafi verið nefndar. Fasteignirnar
að Kirkjutorgi og Templarasundi
keyptu þau hjónin af Sigríði Valdi-
marsdóttur, dóttur Valdimars Þórð-
arsonar í Silla og Valda, árið 1985.
Þá var húsið í algjörri niðurn-
íðslu en Karl og Ester hafa gert
mikið fyrir húsin. Auk veitinga-
hússins eru þar íbúðir, Pelsinn
sem þau eru kennd við og eignar-
haldsfélagið Kirkjuhvoll, Þróun-
arfélag Reykjavíkur, Alþýðu-
bandalagið, Skyndimyndir, hár-
greiðslustofan Monroe og Gler-
augnahúsið.
Fyrir ofan veitingastaðinn Við
Tjörnina hafa þau innréttað eink-
ar glæsilega stúdíóíbúð sem hef-
ur verið notuð til útleigu og fyrir
fundarhöld og matarveislur. Hall-
dór Gíslason arkitekt hannaði
íbúðina með þeim hjónum en
myndir úr íbúðinni sem birtust í
Húsi og híbýlum fyrir nokkrum
misserum vöktu mikla athygli.
Síðasta sumar eignaðist ís-
landsbanki hins vegar húsið að
Öldugötu 16 sem þau hjónin áttu
lengi. Þess ber einnig að geta að
fleiri fasteignir geta verið í eigu
þeirra hjóna sem PÓSTINUM er
ekki kunnugt um.
PÁLMIJÓNASSON
Karl J. Steingríms-
son og Ester Ól-
afsdóttir í Pelsin-
um ásamt matar-
gestum bragða á
Hennessy XO og
konfekti eftir að
hafa sporðrennt
laxahrognum á
lummukökum,
kryddjurtakrapís
og nautalundum
með ostapipar-
sósu og rjóma-
kartöflum.
Karl J. Steingríms-
son undirbýr Paul
Royalfordrykk.
Karl J. Stein-
grímsson segir
auössöfnunina
byggjast á þrot-
lausri vinnu
Reynum ad halda pening-
unwn í veltu fyrirtækisins
Kjaftagangur að við séum veisluglöð
Hver er galdurinn á bak við
eignasöfnun ykkar hjóna?
„Þetta er bara vinna og ekkert
annað en þrotlaus vinna. Málið
er bara að sinna hlutunum og
eiga sér takmark í lífinu. Það þarf
bæði þor og áræðni þegar allt er
lagt undir.“
Brunabótamat á þeim fast-
eignum sem ég hef fundið
skráðará þig og Kirkjuhvol
nema 640 milljónum króna en
veðkröfur á þessar eignir
nema einungis 210 milljónum
króna. Brunabótamat er oft of
hátt skráð en þetta gefur til
kynna hreina eign á um eða yf-
ir 400 milljónir króna?
„Já, ef þú skoðar brunabóta-
matið sem hreint verðgildi, en
það þarf ekki að vera markaðs-
verð eignanna. Þetta á sér aldar-
fjórðungs sögu. Við byrjuðum
1972 og gerðum upp íbúðir og
seldum. Þetta hefur þróast í það
sem þetta er í dag og sem betur
fer er ekki hægt að segja að þetta
hafi þróast í neikvæða átt. En
fyrst og fremst byggist þetta á
því að vera allt í öllu, að vera
sendisveinninn og kannski for-
stjórinn líka. Að vera allt í öllu og
spara. Hugsa vel um hlutina og
taka ekki út allt það sem maður
er að byggja upp. Sýna biðlund."
Þið hafið mest unnið við
þetta sjálf?
„Já, við höfum unnið í þessu
alveg sjálf og það er ennþá þann-
ig. Við höfum gaman af þessu. En
við höfum haft iðnaðarmenn í
stærri verkum.“
Tvœr nýlegar fjárfestingar
hafa kannski ekki gengið full-
komlega upp, Garðakaup og
Turnhúsið sem að mestu hefur
staðið autt?
„Það er ástæða fyrir því. Turn-
húsið fór sinn veg af því að þeir
aðilar sem tóku það á leigu fengu
ekki fullan opnunartíma. Það
voru vandræði með vínveitinga-
leyfið. Þeir voru komnir með
bráðabirgðaleyfi til klukkan tvö
en það er verið að berjast í kerf-
inu fyrir fullu Ieyfi. Á efri hæðun-
um eru framkvæmdir í gangi til
að gera þar íbúðir."
En fjárfestingin hefur nœr
engu skilað í á annað ár?
„Það er engin launung að það
er enginn sérstakur gróði af
Tryggvagötunni en þarna á sér
stað ákveðin uppbygging sem á
kannski eftir að skila sér. Þarna
verður veitingastaður áfram og
meiningin er að þróa þetta sam-
spil áfram með íbúðum og veit-
ingastað."
Er lausn í sjónmáli?
„Já. Ég hefði getað verið búinn
að leigja þetta fyrir löngu en
ástæðan er sú að ég hefði helst
viljað selja þetta með öllu þarna
niðri. Það eru ýmsir búnir að
gefa sig fram og hafa viljað leigja
en ég er var um mig og vil fá
trausta aðila ef það er inni í
myndinni."
Eru kaupendur í sjónmáli?
Ekki kannski alveg í sjónmáli
en ég fer af stað með þetta hús í
kynningu þegar ég er búinn að
klára ákveðnar lágmarksbreyt-
ingar uppi sem gætu tengst
þessu heildarkonsepti. Þetta fer
væntanlega allt í sölu í maí.“
Hvað með Garðakaup og
þessa togstreitu við Hagkaup?
„Ég vil nú ekkert vera að svara
Óskari Magnússyni í Morgunpóst-
inum. Þetta gengur ágætlega í
dag hjá þessum ágætu feðgum
sem ég kaupi af og í raun hafa
þeir gert kraftaverk þarna. Það
er gott að þú spyrð um þetta því,
verslunin gengur ljómandi vel og
þetta er fyrirmyndarrekstur hjá
þeim feðgum. Það er reyndar al-
veg inni í myndinni að þeir verði
þarna áfram.“
Er ekki ólíklegt að Ólafur
haldi áfram í þessum rekstri
þegar hann er kominn á kafí
hótelbransann ?
„Jújú, en Óli er nú einn af þeim
mönnum sem þurfa að hafa mik-
ið að gera. Það hefur verið gott
að kynnast honum og við höfum
rætt um að það geti komið til
greina að hann hefði áhuga á að
vera áfram. Þannig að það er allt
opið.“
En var ekki fjárfestingin
hugsuð öðrum þrœði með Hag-
kaup sem framtíðarleigjanda?
„Fjárfestingin er náttúrlega
skoðuð í ljósi ákveðinna for-
senda sem maður gefur sér. Þær
forsendur voru fyrir hendi með
þeim feðgum og þeim leigusamn-
ingi sem er við þá. Ég er mjög
sáttur við þá feðga og hef ekkert
á móti Hagkaupsmönnum eða
öðrum. Það eru aðrir valkostir
líka.“
Nú hefur verið skrifað um
tekjur ykkar hjóna sem ekki
hafa verið mjög háar hin síð-
ari ár. Hver er skýringin á
þessari miklu auðssöfnun
annars vegar og tiltölulega
lágum tekjum hins vegar?
„Þetta er náttúrlega fyrirtæki í
rekstri og við reynum að halda
peningunum inni í veltunni og
taka sem minnst út úr fyrirtækja-
stofninum.“
Þá er ég kannski meira að
vísa til lífernis ykkar og umtal-
aðar veislur sem hafa verið á
milli tannanna á fólki?
„Það er algjör misskilningur.
Þetta er kjaftagangur, eins og þú
segir, og við skulum leyfa því að
vera þannig. Við erum ekkert í
veislustandi. Við erum alltaf
vinnandi og höfum engan tíma í
þetta. En við eigum ansi fjöl-
breytilegan og skemmtilegan
vina- og kunningjahóp."
Þannig að það er engin
taumlaus veislugleði?
„Nei, nei, biddu fyrir þér. Það
er lítill tími í svoleiðis. Ég er bara
bjartur einstaklingur og horfi
björtum augum á framtíðina. Ég
á yndislega fjölskyldu og allt hef-
ur gengið okkur í haginn og við
þökkum bara guði fyrir.“ ■
Karl J. Steingrímsson
og Ester Ólafsdóttir
í Pelsinum hafa í
aldarfjórðung gert
upp og selt eða leigt
fasteignir.
Nú er svo komið
að brunabótamat
eigna þeirra er komið
í 640 milljónir króna
en veðkröfur á
þessum sömu eignum
aðeins 210 milljónir
króna. Hrein eign
er því nálægt
400 milljónir króna.