Morgunblaðið - 16.02.2001, Blaðsíða 9

FRÉTTIR
MORGUNBLAÐIÐ FÖSTUDAGUR 16. FEBRÚAR 2001 9
Nýjar vorvörur
Glæsilegur spennandi
vorfatnaður
í töfrandi litum
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Neðst við Dunhaga
sími 562 2230
Opið
laugardag kl. 10-14
NÝJAR VÖRUR
frá Elena Miro S
S
port - stórar stærðir
Hverfisgötu 6, 101 Reykjavík , sími 562 2862
útsölunni lýkur á morgun
20% aukaafsláttur
Laugardag opið frá kl. 10.00-17.00
Hlægilegt verð
Nýr Argos fatalistit
og
PÖNTUNARLISTAR
B. Magnússon,
Verslun og skrifstofa
Austurhrauni 3,
Gbæ/Hf., s. 555 2866
Útsala á útsölu.
UNGT par var handtekið í Reykja-
vík í síðustu viku eftir að hafa notað
greiðslukortanúmer annarra til þess
að taka út vörur í verslunum á höf-
uðborgarsvæðinu fyrir u.þ.b. 700
þúsund krónur á tveimur dögum.
Fólkið hafði tekið afrifur, sem við-
skiptavinir verslana höfðu ekki hirt
um að hirða, og notað þær í viðskipt-
um sínum.
Að sögn Ómars Smára Ármanns-
sonar, aðstoðaryfirlögregluþjóns í
Reykjavík, ætti þetta tilvik sem og
önnur hliðstæð að vera áminning til
fólks um að taka til handargagns
kvittanir sem það fær afhentar í
verslunum og varðveita.
Sveik út vörur fyrir
300 þúsund krónur
Í fyrradag handtók Lögreglan í
Reykjavík einnig mann um tvítugt
eftir að hann hafði þá um daginn
svikið vörur fyrir rúmlega 300 þús-
und krónur út úr sex verslunum í
Reykjavík og í Hafnarfirði.
Maðurinn hafði komist yfir ávís-
anahefti og notað eyðublöð úr því í
öllum tilvikunum. Hann framvísaði
ökuskírteini annars manns til að
sanna á sér deili og fékk afgreiðslu
án athugasemda þrátt fyrir að skil-
ríkin bæru ekki með sér að myndin
væri af honum.
Áður en afskipti voru höfð af
manninum hafði honum m.a. tekist
að svíkja út tvö heimabíó, ísskáp og
hljómflutningstæki og koma þeim í
verð í skiptum fyrir fíkniefni.
Handtekin fyrir
kortasvindl
og ávísanafals
SAMKEPPNISRÁÐ hafnaði fyrir
ári kröfum sem Félag íslenskra
heimilislækna setti fram á hendur
Tryggingastofnun, en félagið taldi
að stofnunin hefði brotið sam-
keppnislög með því að hafna því að
gera sambærilega samninga við
heimilislækna og hún hefur gert
við lækna í öðrum sérgreinum.
Taldi samkeppnisráð að skýr laga-
setning væri fyrir hendi um tví-
skiptingu í heilbrigðiskerfinu og
því væri ekki hægt að bera saman
starfsumhverfi heimilislækna sem
starfa á heilsugæslustöðvum og
sérfræðinga sem starfa á eigin
stofum.
Þórir B. Kolbeinsson, formaður
Félags íslenskra heimilislækna,
gagnrýndi í Morgunblaðinu í gær
að heimilislæknum væri ekki gert
kleift að starfa sjálfstætt og reka
eigin læknastofur með samningi
við Tryggingastofnun. Taldi hann
að það myndi auka tekjumöguleika
heimilislækna og verða til þess að
unglæknar fengju áhuga á grein-
inni, en áhuginn væri nú í lág-
marki. Á höfuðborgarsvæðinu
vantar nú um 30 heimilislækna og
sagði Þórir að kjör þeirra skiptu
þar miklu máli.
Skýr lagasetning fyrir tví-
skiptingu heilbrigðiskerfisins
Félag íslenskra heimilislækna
sagði í kæru sinni til Samkeppn-
isráðs að heimilislæknar væru sér-
fræðingar með sama hætti og aðrir
sérfræðilæknar. Eðlilegt væri að
Tryggingastofnun gerði samning
við þá um kaup á þjónustu þeirra
líkt og stofnunin hefði gert við aðra
sérfræðinga.
Samkeppnisráð hafnaði þessum
kröfum og taldi að grundvallar-
munur væri á starfskjörum þeirra
lækna sem önnuðust almenna
heilsugæslu og annarra sérfræð-
inga. Ekki væri hægt að líta svo á
að heilsugæslulæknar eða sjálf-
stætt starfandi heimilislæknar,
sem starfa á svipuðum forsendum
og heimilislæknar, störfuðu á sama
samkeppnismarkaði og sérfræð-
ingar í öðrum greinum læknisfræð-
innar. Þar af leiðandi væri ekki
hægt að fallast á að heilbrigðis- og
tryggingaráðuneytið væri að mis-
nota markaðsráðandi stöðu sína í
skilningi 17. gr. samkeppnislaga.
Félagið áfrýjaði, en áfrýjunar-
nefnd samkeppnismála staðfesti
úrskurð Samkeppnisstofnunar í
apríl á síðasta ári. Í niðurstöðum
nefndarinnar segir m.a. að heil-
brigðiskerfið hér á landi skiptist í
tvennt. Annars vegar grunnlækn-
isþjónustu eða almenna heilsu-
gæslu sem veitt sé á heilsugæslu-
stöðvum eða af sjálfstætt starfandi
heimilislæknum og hins vegar
þjónustu sjálfstætt starfandi sér-
fræðinga sem veiti sérfræðilækn-
isþjónustu á grundvelli verktaka-
samninga við Tryggingastofnun.
„Að mati samkeppnisráðs leiða
margskonar atriði til þess að þeir
sem annast grunnlæknisþjónustu
séu ekki í samkeppni við þá lækna
sem veita sérfræðiþjónustu. Sök-
um þessa telur samkeppnisráð að
Tryggingastofnun sé ekki að mis-
nota stöðu sína með því að gera
ekki samskomar samninga við
félagsmenn áfrýjanda og gerðir
eru við aðra sérfræðinga.“
Kjaranefnd meðvituð um galla
í launakerfi heimilislækna
Þá benti samkeppnisráð á að
heilbrigðis- og tryggingamálayfir-
völd færu með framkvæmd á al-
mannatryggingalögum og lögum
um heilbrigðisþjónustu og að fram-
kvæmd þessara stjórnvalda hafi
leitt til þessarar tvískiptingar í
heilbrigðiskerfinu. Jafnframt benti
samkeppnisráð á þann mun sem
væri á umgjörð þjónustu heimilis-
lækna og sérfræðilækna, en heim-
ilislæknar væru í raun launþegar
hins opinbera og væri skylt að
sinna sjúklingum en sérfræðilækn-
ar væru á hinn bóginn verktakar
sem hefðu val um hvort að þeir
sinntu sjúklingi eða ekki og sagði
samkeppnisráð að skýr lagastoð
væri fyrir hendi fyrir tvískiptingu
heilbrigðiskerfisins.
Þá hefur formaður Félags ís-
lenskra heimilislækna gagnrýnt út-
reikninga á launakjörum heimilis-
lækna og segir að þeir séu með
þeim hætti að læknum sé mismun-
að. Guðmundur Einarsson, for-
stjóri Heilsugæslunnar í Reykja-
vík, hefur tekið undir þetta og sagt
að launakerfi heilsugæslulækna sé
óheppilegt. Hann telur að betur
færi á því að kjör lækna væru ekki
ákveðin af kjaranefnd og að launa-
kerfið sem nefndin hafi fundið upp
hafi skaðað Heilsugæsluna.
Guðrún Zoëga, formaður kjara-
nefndar, segir að ágallar launa-
kerfisins séu nefndinni ljósir og
hafi hún óskað eftir hugmyndum
bæði frá talsmönnum lækna og frá
heilbrigðisráðuneytinu um það
hvernig megi bæta úr þeim. „Við
höfum fundað bæði með læknum
og fulltrúum ráðuneytisins og við
munum halda því áfram, en ennþá
hefur ekki fundist viðunandi
lausn.“
Árið 1998 voru gerðar miklar
breytingar á launakerfi heilsu-
gæslulækna og voru þá meðal ann-
ars höfð samráð við framkvæmda-
stjóra Heilsugæslunnar í
Reykjavík, að sögn Guðrúnar. Hún
segist telja menn sammála um að
margt hafi verið til bóta og enginn
vilji sé til þess að taka aftur upp
gamla launakerfið.
„Hins vegar hafa komið í ljós
gallar á kerfinu og á framkvæmd
þess sem okkur eru ljósir og við
viljum gjarnan lagfæra að svo
miklu leyti sem það er á okkar
valdi. Þá viljum við fá hugmyndir
um hvernig það megi vera þannig
að sem víðtækust sátt verði um
það.“
Guðrún segir að nú séu samn-
ingaviðræður í gangi hjá ríkinu við
lækna og muni kjaranefnd hafa
hliðsjón af niðurstöðum þeirra.
Tvískipting hindrar samninga heimilislækna við TR
Eru launþegar en aðrir
sérfræðingar verktakar